Nau Ntơm 19:24 - Nau Brah Ndu Ngơi 2023

²⁴ Brah Yêhôva ƀư ăn mih luh mô ŭnh jêh ri ŭnh Brah Yêhôva bơh klơ trôk tŭp ta Sôdôm jêh ri Gômôrơ,

Bunong Bible Latin Script Cambodian dialect

²⁴ Nôk nây Brah Yêhôva ăn geh nsiu hit ŭnh tă bơh trôk ti tâm ban ma mih ngăn nkhŭt ta ƀon Sôđŭm, ndrel ma ƀon Kômôra.

Bunong

²⁴ នោក​នៃ​ឞ្រាស​យេហោវា​អ៝ន់​គែស​ញឆីវ​ហីត​អុញ​តាៈ​ឞើស​ត្រោក​តី​តឹម​ឞាន​មា​មីស​ងាន់​ងខុត​តា​ប៝ន​ឆោដុម នទ្រែល​មា​ប៝ន​កោមោរា។

Nau Ntơm 19:24 ပူးပေါင်းရင်းမြစ်များ

Nau Ntơm 13:10

Y-Lot n'gơr măt uănh jêh ri saơ lam neh lâng dak krong Yurdan tât ta ƀon Sôar. Êlor ma Brah Yêhôva ƀư rai ƀon Sôdôm jêh ri Gômôrơ, n'gor aơ ăp ntŭk geh dak da dê tâm ban ma n'gar trao Brah Yêhôva, nâm bu neh Êjipt đŏng.

Nau Ntơm 13:12

Y-Abram gŭ rêh tâm n'gor Kanaan, bi ma Y-Lot gŭ tâm lĕ ƀon ta neh lâng jêh ri trơn ngih bok păng tât ta Sôdôm.

Nau Ntơm 18:17

Brah Yêhôva lah: “Mâm Gâp dơi pôn đah Y-Abraham nau Gâp bơi ƀư?

Nau Ntơm 19:23

Nôk nar luh ƀli bơh klơ neh, Y-Lot tât jêh ta ƀon Sôar.

Ndrom Samƀŭt bơh Yôp 1:16

Bunuyh aơ dôl hôm ngơi, du huê bunuyh êng văch mbơh: “Ŭnh Brah Ndu tă bơh klơ trôk jŭr su lĕ phung biăp jêh ri phung oh mon, hôm e du huê gâp klaih nchuăt sĭt mbơh nau ma may.”

Ndrom Samƀŭt bơh Yôp 18:15

Phung mâu jêng ndơ păng mra gŭ tâm ngih bok păng nây; Bi ma lŭ mô ŭnh sui mbrach lam ntŭk păng gŭ.

Nau Mprơ Ơm 11:6

Păng mra nkhŭt dak mih nau mhĭk tât ta klơ phung ƀai: Ŭnh hit, lŭ mô ŭnh jêh ri sial duh Mra jêng kachok prăp êng ma khân păng.

Nau Ngluh Êjipt 9:23

Y-Môis yơr mâng jra leo klơ trôk, Brah Yêhôva ƀư nteh nglaih, mih tŭp pler, jêh ri lơp nglaih nchrat ral ta neh ntu. Yor ri Brah Yêhôva hŏ ƀư mih tŭp pler tâm n'gor Êjipt.

Êsai 1:9

Tơlah Brah Yêhôva ma phung tahan Mâu lơi ma he du phung djê̆ hôm rêh, Pôri he he hŏ jêng nâm bu ƀon Sôdôm, Jêh ri tâm ban ma ƀon Gômôrơ jêh.

Êsai 13:19

Babilôn jêng nau chrêk rmah ma lĕ rngôch bri hađăch, Jêng nau hưn n'glưh ma phung Kaldê, Mra jêng tâm ban ma Sôdôm jêh ri Gômôrơ, Lah Brah Ndu nklơ̆ rlă khân păng.

Êsai 30:33

Yorlah Tôphet hŏ ndrăp jŏ jêh, bu nkra păng ma hađăch. Păng jru jêh ri dĭ, geh âk ŭnh jêh ri long; n'hâm Brah Yêhôva tâm ban ma n'hor dak mô ŭnh su sa păng.

Yêrêmi 20:16

Ăn ma bunuyh nây tâm ban lĕ rngôch ƀon toyh Brah Yêhôva hŏ ƀư rai jêh mâu djê̆ lê̆ nau yô̆ nđach ôh. Ơm ôi, păng tăng bâr kuăl rklaih; Tât nar nklang bôk, păng tăng troh nter rduh tâm lơh.

Yêrêmi 23:14

Ƀiălah nklang phung mbơh lor gŭ ta Yêrusalem, Gâp hŏ saơ jêh nau mhĭk: Khân păng ƀư tih văng tĭr, chuat hăn tâm nau mƀruh; Khân păng ƀư ntop nau dăng ktang ăn ma ti phung ƀai, Kŏ tât mâu geh bunuyh chalơi nau mhĭk khân păng. Gâp uănh lĕ rngôch khân păng nâm bu Sôdôm, Jêh ri phung ƀon lan gŭ ta Yêrusalem nâm bu Gômôrơ.”

Yêrêmi 49:18

Brah Yêhôva lah: “Nâm bu nau ƀư rai ma ƀon Sôdôm, Gômôrơ jêh ri ƀon chiau meng, Êđôm mâu mra geh bunuyh gŭ rêh đŏng ôh, mâu geh lĕ du huê bunuyh mra hăn tât gŭ ta nây.

Yêrêmi 50:40

Brah Yêhôva lah: “Nâm bu rnôk Brah Ndu ƀư rai ma ƀon Sôdôm, Gômôrơ jêh ri ƀon chiau meng, mâu mra geh bunuyh gŭ rêh, mâu lah du huê bunuyh hăn tât gŭ ta nây đŏng ôh.

Nau Nhĭm Vơl 4:6

Nau tih kon bu ur phung ƀon lan gâp Rlau lơn nau tih Sôdôm Jêng ƀon bu n'glưh ƀât lât dơm, Mâu geh ôh du mpang ti kơl tâm rklaih.

Ndrom Samƀŭt bơh Ôsê 11:8

Hơi Êphraim, mâm Gâp dơi lơi may? Hơi Israel, mâm Gâp dơi jao may ma phung rlăng? Mâm Gâp dơi ƀư ma may jêng nâm bu ƀon Adma? Mâu lah nâm bu ma ƀon Sêbôim? Play nuih Gâp mpât n'gơ, Nau Gâp yô̆ nđach nâm bu gŭch nâm bu su.

Amôt 4:11

“Gâp hŏ ƀư rai ƀaƀă tâm phung khân may Nâm bu Brah Ndu ƀư rai Sôdôm jêh ri Gômôrơ Jêh ri khân may nâm bu rlŭt ŭnh bu rhuăt bơh ntŭk ŭnh sa, Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah.

Sôphôni 2:9

Yor nây, Brah Yêhôva ma phung tahan, Jêng Brah Ndu phung Israel lah pô aơ: “N'hêl nanê̆ tĭng nâm Gâp gŭ rêh mro mrăng! Môap mra jêng tâm ban Sôdôm Jêh ri phung ƀon lan Ammôn mra jêng tâm ban Gômôrơ; Khân păng mra jêng du ntŭk bêng ma pôm lok, Du ntu boh, du ntŭk rngol n'ho ro. Phung ƀon lan Gâp hôm e gŭ rêh mra ntŭng pit ƀư rai lơi khân păng, Phung ƀon lan Gâp hôm klen mra pit in bri neh khân păng ƀư drăp ndơn.”

Luka 10:12

Gâp lah ma khân may tâm nar phat dôih, ƀon Sôdôm mra dơn nau tâm rmal n'gơch lơn ma ƀon nây.

Nau Vay Nkah Tay 28:24

Dak mih ta n'gor khân may, Brah Yêhôva mra rlơ̆ jêng choih jêh ri ndruyh tŭp tă bơh trôk kŏ tât khân may rai lôch.

Nau Vay Nkah Tay 29:22

Phung kon sau khân may pakơi taơ tâm ăp rô̆ kăndơ̆ jêh ri bunuyh bu năch văch bơh n'gor ngai mra saơ lĕ nau mhĭk Brah Yêhôva hŏ ăn tât jêh ta n'gor aơ nđâp ma lĕ nau ji tưp Păng dŏng gay rmal n'gor aơ.

Nau Vay Nkah Tay 29:23

Tâm lam n'gor knŏng jêng ndrêch gơ̆ kro ŭnh de sa đah lŭ mô ŭnh jêh ri boh, mâu geh tuch tăm, mâu lŏ kan, mâu geh tơm si chăt nkŭr, mâu geh hon gơ̆, tâm ban ma nau ƀư rai ta ƀon Sôdôm, Gômôrơ, Adma, jêh ri Sêbôim jêng lĕ ƀon Brah Yêhôva ƀư rai jêh tâm nau ji nuih klach krit ngăn bơh Păng.

II Pêtrôs 2:6

tơlah Păng tâm rmal lĕ ƀon Sôdôm jêh ri ƀon Gômôrơ, ƀư ăn khân păng jêng mbŭch ŭnh buh gay ƀư leo trong ma phung bunuyh ŭch gŭ rêh mâu geh nau rêh;

Yuđas 1:7

Nâm bu ƀon Sôdôm, ƀon Gômôrơ jêh ri ƀon văr jŭm ƀư đŏng tâm ban ma khân păng, mƀơk khân păng nơm lăp tâm lĕ nau văng tĭr jêh ri nchuăt tĭng nau nglay săk ŭch mâu tâm di, khân păng dơn nau tâm rmal ma ŭnh sa n'ho ro gay nti ma he.

Nau Tâm Mpơl 14:10

bunuyh nây mra nhêt ndrănh nau ji nuih mâu pot lai tă bơh Brah Ndu kêt tâm kachok nau Păng ji nuih, păng mra dơn nau nđêh nji tâm ŭnh jêh ri mô ŭnh tanăp phung tông mpăr kloh jêh ri tanăp Kon Biăp.