Nau Ntơm 19:16 - Nau Brah Ndu Ngơi 2023

¹⁶ Yor nau yô̆ nđach Brah Yêhôva rĭ dĭng tâm nôk Y-Lot hôm bem ir, bar hê tông mpăr hŏ kuăn ti mphâk păng, ur păng jêh ri bar hê phung kon bu ur păng du luh bơh ƀon nây.

Bunong Bible Latin Script Cambodian dialect

¹⁶ Tih ma Lŭt hôm e gŭ mbrĕ mbrơi. Jêh ri tông păr de têk ti Lŭt, têk ti i ur păng, ndrel ma têk ti i kon păng ri, leo khân păng ăn gŭ a bơh dih ƀon ri, yorlah Brah Yêhôva yô̆ khân păng.

Bunong

¹⁶ តីស​មា​លុត  ​ហោម​អែ​គុ​មឞ្រែៈ​មឞ្រើយ។ ជេសរី​តោង​ពារ់​ទែ​តេក​តី​លុត  តេក​តី​អី​អូរ​ពាង់ នទ្រែល​មា​តេក​តី​អី​ក៝ន​ពាង់​រី លែវ​ខាន់​ពាង់​អ៝ន់​គុ​អា​ឞើស​ទីស​ប៝ន​រី យ៝រ​លាស​ឞ្រាស​យេហោវា​យោៈ​ខាន់​ពាង់។

Nau Ntơm 19:16 ပူးပေါင်းရင်းမြစ်များ

Nau Ntơm 19:15

Ƀhit ang, bar hê tông mpăr ntrŭt Y-Lot: “Leo hom ur jêh ri bar hê kon bu ur may gŭ ta aơ hăn gơnh, klach lah khân may tưp khĭt ndrel ma nau tâm rmal ƀon aơ.”

Nau Ntơm 43:10

Tơlah hên mâu vât vâng ôh, aƀaơ ri hên hŏ dơi hăn bar tơ̆ jêh.”

I Nau Rêh Jêng 16:34

Tâm rnê hom ma Brah Yêhôva, yorlah Păng jêng ueh; Nau ueh Păng hôm ƀaƀơ n'ho ro.

Nau Mprơ Ơm 103:13

Brah Yêhôva yô̆ nđach phung klach yơk ma Păng, Nâm bu mbơ̆ yô̆ nđach ma kon păng.

Nau Mprơ Ơm 106:1

Halêluya! Mprơ tâm rnê hom ma Brah Yêhôva, yorlah Păng jêng ueh, Nau ueh Păng hôm ƀaƀơ n'ho ro.

Nau Mprơ Ơm 106:8

Nđâp tơlah pônây, Păng ăt tâm rklaih khân păng yor amoh Păng, Gay ma tâm mpơl nau brah Păng.

Nau Mprơ Ơm 107:1

Tâm rnê lah ueh hom ma Brah Yêhôva yorlah Păng jêng ueh; Nau ueh Păng hôm ƀaƀơ n'ho ro.

Nau Mprơ Ơm 111:4

Păng ăn bu kah gĭt tay ma kan khlay Păng ƀư jêh. Brah Yêhôva vay ƀư ueh jêh ri bêng nuih n'hâm yô̆ nđach.

Nau Mprơ Ơm 118:1

Tâm rnê hom ma Brah Yêhôva yorlah Păng jêng ueh; Yorlah nuih n'hâm ueh Păng hôm ƀaƀơ n'ho ro.

Nau Mprơ Ơm 119:60

Gâp ndal, mâu mbrĕ mbrơi ôh, Gay djôt prăp lĕ nau vay May ntăm.

Nau Mprơ Ơm 136:1

Tâm rnê lah ueh hom ma Brah Yêhôva yorlah Păng jêng nơm ueh; Nuih n'hâm ueh Păng hôm ƀaƀơ n'ho ro.

Nau Mprơ Ơm 32:10

Phung mhĭk geh âk nau rngot Ƀiălah mbu nơm rnơm nsing ma Brah Yêhôva Mra geh nau ueh nkŭm bunuyh nây.

Nau Mprơ Ơm 33:18

Ri măt Brah Yêhôva uănh ma phung klach yơk ma Păng, Jêh ri phung kâp gân tâm nau ueh Păng

Nau Mprơ Ơm 33:19

Gay ma tâm rklaih huêng khân păng bơh nau khĭt Jêh ri prăp nau rêh khân păng tâm nau ji ngot.

Nau Mprơ Ơm 34:12

Mbu nơm rŏng ma nau rêh, Jêh ri ŭch gŭ rêh jŏ năm geh nau ueh maak?

Nau Mprơ Ơm 86:15

Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Mprơ Ơm 86:5

Ơ Kôranh Brah! May jêng ueh, bêng ma yô̆ an, Ăn bêng nau ueh ma phung kuăl dăn ma May.

Nau Ngluh Êjipt 34:6

Brah Yêhôva hăn rgăn panăp păng jêh ri mbơh: “Yêhôva! Yêhôva! Jêng Brah Ndu geh nau ueh, yô̆ nđach, Mâu gơnh ji nuih ôh, Rmeh ler nau ueh uĭn jêh ri nau n'hêl nanê̆ ngăn,

Nau Ngluh Êjipt 34:7

Djôt prăp nau rŏng kŏ tât rbăn rô̆ nuyh, Yô̆ an nau djơh mhĭk, nau ƀư tih jêh ri nau tih; Ƀiălah mâu kơp nơm geh nau tih ôh jêng mâu geh nau tih, Ƀiălah yor nau tih phung chô yau mra rmal ma phung kon sau kŏ tât pe, puăn rô̆ nuyh.”

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Nau Nhĭm Vơl 3:22

Yor nuih n'hâm ueh Brah Yêhôva hên mâu geh nau rai yot ôh, Nau Păng yô̆ nđach mâu blau lôch ôh.

Nau Kơp Bunuyh 14:18

‘Brah Yêhôva mâu gơnh nuih ôh, Jêh ri ndrŏng ma nuih n'hâm yô̆ nđach, Yô̆ an nau tih jêh ri nau tâm rdâng, Ƀiălah mâu kơp nơm geh nau tih ôh jêng mâu geh nau tih, Jêh ri rmal ma phung kon sau kŏ tât pe puăn rô̆ nuyh Yorlah nau tih phung chô yau.’

Luka 18:13

Bi bunuyh riu pi gŭ ngai ngai, kŏ tât mâu nănh n'gơr măt klơ trôk, knŏng tŭr ntang ntơh jêh ri lah: ‘Ơ Brah Ndu, dăn yô̆ nđach ma gâp, yorlah gâp jêng du huê bunuyh tih!’

Yôhan 6:44

Tơlah Mbơ̆, jêng Nơm hŏ njuăl Gâp, mâu mphâk ôh pôri mâu hôm geh nơm dơi văch ma Gâp, jêh ri Gâp mra ƀư ăn bunuyh nây dâk rêh tay tâm nar nglĕ dŭt.

Samƀŭt Pôl Njuăl Ăn Ma Phung Nsing Ta Ƀon Rôm 9:18

Nâm bu pônây, Brah Ndu ŭch yô̆ nđach ma mbu nơm Păng yô̆ nđach, Mbu nơm Păng ŭch ƀư dăng nuih n'hâm Păng mra ƀư.

II Kôrintô 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist, jêng Mbơ̆ geh nau yô̆ nđach jêh ri Brah Ndu ma lĕ nau bonh leng.

Nau Vay Nkah Tay 4:31

Yorlah Yêhôva Brah Ndu khân may jêng Brah Ndu bêng ma nau yô̆ nđach; Păng mâu mra chalơi khân may, mâu ƀư rai khân may, mâu đŏng chuêl nau tâm rnglăp Păng hŏ ton ma phung chô yau khân may.”

Nau Vay Nkah Tay 5:15

Ăn kah gĭt hom may hŏ jêng jêh dĭk nă tâm n'gor Êjipt, jêh ri Yêhôva Brah Ndu may yơr ti bêng nau brah Păng djôt leo may du luh jêh bơh ntŭk nây. Yor ri, Yêhôva Brah Ndu may hŏ ntĭm nti jêh ma may ăn djôt prăp nar rlu.

Nau Vay Nkah Tay 6:21

Ăn may lah ma kon sau may: ‘Kăl e he jêng dĭk ma Pharaôn tâm n'gor Êjipt, ƀiălah Brah Yêhôva hŏ sŏk jêh he ma ti nau brah djôt leo he luh bơh n'gor nây.

Nau Vay Nkah Tay 7:8

Ƀiălah yorlah Brah Yêhôva rŏng ma khân may jêh ri gay djôt prăp nau ton Păng ton jêh ma phung chô yau khân may, Brah Yêhôva hŏ dŏng jêh ti nau dơi gay leo khân may du luh, chuai khân may bơh vâl dĭk bu jêh ri bơh ti Pharaôn, hađăch n'gor Êjipt.

Titus 3:5

mâu di ôh yor kan sŏng he hŏ ƀư jêh, ƀiălah yor nuih n'hâm yô̆ nđach bơh Păng, tâm nau ƀư kloh bơh nau deh mhe jêh ri nau rgâl mhe bơh Brah Huêng Ueh,

Yôsuê 6:22

Rnôk nây, Y-Yôsuê lah ma bar hê hăn n'hut uănh jêh bri: “Lăp hom tâm ngih bu ur văng tĭr, djôt leo bu ur nây jêh ri lĕ rngôch bunuyh păng hăn luh bơh ngih păng, tĭng nâm khân may ton jêh ma păng.”

II Pêtrôs 2:7

jêh ri tơlah Păng tâm rklaih Y-Lot, jêng nơm sŏng srăng rngot ngăn ma nau gŭ rêh blă blơ phung bunuyh mâu ƀư tĭng nau vay

II Pêtrôs 2:9

pôri Kôranh Brah gĭt năl mâm ƀư gay tâm rklaih phung bunuyh blau yơk bơh nau rlong uănh, jêh ri prăp phung kue tâm nau rmal ma tât nar phat dôih,