Nau Ntơm 19:14 - Nau Brah Ndu Ngơi 2023

¹⁴ Pônây Y-Lot hăn luh padih mbơh ma phung klay dăch nđăp đah kon bu ur păng: “Du luh hom gơnh oi tă ntŭk aơ, yorlah Brah Yêhôva mra ƀư rai ƀon aơ.” Ƀiălah phung klay păng mĭn Y-Lot ngơi lôr.

Bunong Bible Latin Script Cambodian dialect

¹⁴ Jêh ri Lŭt dâk mbơh klây klây i nđăp ma kon păng ri: “Dâk du bơh ntŭk dja hŏm, yorlah Brah Yêhôva bơi ma lơh hêng lơi ƀon dja”. Tih ma i klây klây ri mâu ôh iăt, khân păng nđôn lah ngơi pâl dơm.

Bunong

¹⁴ ជេសរី​លុត  ​ទ៝ក់​មឞើស​ក្លៃៗ​អី​នអាប់​មា​ក៝ន​ពាង់​រី៖ “ទ៝ក់​ទូ​ឞើស​នតុក​អ្យា​ហ៝ម់ យ៝រ​លាស​ឞ្រាស​យេហោវា​ឞើយ​មា​លើស​ហេង​លើយ​ប៝ន​អ្យា”។ តីស​មា​អី​ក្លៃៗ​រី​មោ​អោស​អ្យាត់ ខាន់​ពាង់​នអោន​លាស​ងើយ​ព៝ល់​ទើម។

Nau Ntơm 19:14 ပူးပေါင်းရင်းမြစ်များ

Nau Ntơm 19:15

Ƀhit ang, bar hê tông mpăr ntrŭt Y-Lot: “Leo hom ur jêh ri bar hê kon bu ur may gŭ ta aơ hăn gơnh, klach lah khân may tưp khĭt ndrel ma nau tâm rmal ƀon aơ.”

Nau Ntơm 19:17

Lah bar hê phung tông mpăr hŏ njŭn jêh khân păng luh padih, tâm bar hê khân păng geh du huê ngơi: “Nchuăt du hom gay rklaih nau rêh khân may, lơi dĭng uănh ôh pakơi jêh ri mâu đŏng dơi nsrŭng ta ăp ntŭk tâm neh lâng! Nchuăt hom hao klơ yôk klach lah khân may mra khĭt!”

Nau Ntơm 19:22

Nchuăt hom gơnh oi du krap ta nây, yorlah gâp mâu dơi ƀư ôh lah may ê hŏ tât ta nây.” Yor nây, ƀon aơ bu rnha ƀon Sôar.

II Nau Rêh Jêng 30:10

Phung njŭn samƀŭt hăn bơh ƀon aơ tât ƀon ri, tâm lam n'gor Êphraim, Manasê, jêh ri tât ta neh Sabulôn, ƀiălah bu gơm mưch, suai rak ma khân păng.

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Nau Ngluh Êjipt 12:31

Tâm măng nây lĕ, Pharaôn kuăl Y-Môis jêh ri Y-Arôn văch jêh ri lah: “dâk hom bar hê khân may jêh ri phung Israel, du hom tă bơh phung ƀon lan gâp jêh ri hăn pah kan hom ma Brah Yêhôva tĭng nâm khân may hŏ lah jêh.

Nau Ngluh Êjipt 9:21

bi mbu moh mâu mĭng ôh ma nau Brah Yêhôva ngơi sŏl ko ăn phung dĭk jêh ri mpô mpa khân păng gŭ tâm mir.

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Êsai 28:22

Yor nây aƀaơ aơ, lơi hôm mưch ôh, Klach lah rse kât khân may lơ hâu rêt tay; Yorlah gâp tăng jêh nau ntăm mra ƀư rai lam bri dak aơ. Bơh Kôranh Brah Yêhôva ma phung tahan.

Yêrêmi 20:7

Ơ Brah Yêhôva, May hŏ nsŭk nsôr jêh ma gâp, Gâp lĕ geh nau May nsŭk nsôr; May ktang lơn ma gâp, Jêh ri May hŏ dơi jêh. Lĕ nar gâp ƀư ƀaƀơ nau gơm ăn ma neh ntu, Ăp bunuyh mưch rmot ma gâp.

Yêrêmi 43:1

Lôch jêh nau Y-Yêrêmi nkoch ma lĕ rngôch phung ƀon lan lĕ nau Yêhôva Brah Ndu, nây jêng lĕ rngôch nau ngơi Yêhôva Brah Ndu khân păng hŏ prơh jêh păng hăn nkoch tay ma khân păng tăng,

Yêrêmi 43:2

pôri Y-Asaria, kon bu klâu Y-Hôsaya, jêh ri Y-Jôhanan, kon bu klâu Y-Karêa, ndrel ma phung nklă êng, lah ma Y-Yêrêmi: “May ngơi mƀruh! Yêhôva Brah Ndu hên mâu prot prơh ôh păng ngơi đah hên: ‘Mâu dơi hăn tât ôh ma bri Êjipt ŭch gŭ ta nây.’

Yêrêmi 51:6

Du hom tă bơh Babilôn, Ăn ăp nơm nchuăt du tâm rklaih nau rêh păng! Lơi ta rai yot ôh yor ma nau tih păng, Yorlah aơ jêng rnôk Yêhôva plơng bôk; Păng mra plơng bôk tâm di jêh ăn ma păng.

Nau Kơp Bunuyh 16:21

“Tâm nkhah hom khân may nơm luh bơh phung tâm rƀŭn aơ, Gâp mra ƀư rai khân păng ƀât lât dơm.”

Nau Kơp Bunuyh 16:26

Păng lah ma phung tâm rƀŭn: “Aƀaơ, du ngai hom tă bơh ngih bok phung janh ƀai aơ, jêh ri lơi pah moh ndơ prăp ma khân păng, klach lah khân may mra khĭt yorlah nau tih khân păng.”

Nau Kơp Bunuyh 16:45

“Du ngai hom tă bơh phung tâm rƀŭn aơ, Gâp mra ƀư rai khân păng ƀât lât dơm.” Ƀiălah bar hê khân păng chŭn muh măt ta neh,

Mathay 1:18

Nau jŭr deh Brah Yêsu Krist hŏ nkoch kơt aơ: H'Mari, mê̆ Păng, hŏ ƀư ndrôi jêh đah Y-Yôsep, ƀiălah êlor khân păng gŭ ndrel păng ntreo ma Brah Huêng Ueh.

Mathay 9:24

Păng lah: “Rŭch plơ̆ luh hom! Bu ur jê̆ aơ mâu khĭt ôh, ƀiălah păng dôl bê̆ch.” Khân păng mưch gơm ma Păng.

Luka 24:11

Ƀiălah phung kôranh oh mon mâu chroh ôh, yor mĭn lĕ nau nây mâu nanê̆.

Luka 9:42

Nôk kon se hăn dăch, brah mhĭk nklơ̆ ktang păng ta neh, jêh ri rgu păng. Ƀiălah Brah Yêsu buay mprơh brah mhĭk ƀơ̆ jêh ri ƀư bah kon se nây, jêh ri jao ma mbơ̆ păng nơm.

Kôranh Oh Mon 17:32

Tơlah khân păng tăng Y-Pôl ngơi ma nau dâk rêh tay bơh nau khĭt, ƀaƀă bunuyh gơm mưch, ƀiălah ƀaƀă bunuyh êng lah: “Hên mra ŭch iăt may nkoch bri nau aơ du tơ̆ đŏng.”

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.