Nau Ntơm 18:19 - Nau Brah Ndu Ngơi 2023

¹⁹ Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

Bunong Bible Latin Script Cambodian dialect

¹⁹ Lĕ Gâp kơih jêh păng gay ma ăn păng ntŭm nti kon bu klô păng, ndrel ma tât kon tât sau păng bơh kơi bơh kơi tay, ăn ndjôt nâp trong Brah Yêhôva, gay ma gŭ ngao tâm di, ndrel ma ăn sŏng. Lah kon sau păng jan kơt nđa ngăn, Gâp jan dâng lĕ nau Gâp ton ma păng”.

Bunong

¹⁹ លែៈ​គ៝ប់​កើយ្ស​ជេស​ពាង់​គៃ​មា​អ៝ន់​ពាង់​នតុម​នតី​ក៝ន​ឞូ​ក្លោ​ពាង់ នទ្រែល​មា​ត៝ត់​ក៝ន​ត៝ត់​ឆៅ​ពាង់​ឞើស​កើយ​ឞើស​កើយ​តៃ អ៝ន់​ញអោត​ន៝ប់​ត្រ៝ង​ឞ្រាស​យេហោវា គៃ​មា​គុ​ងាវ​តឹម​ទី នទ្រែល​មា​អ៝ន់​ឆ៝ង់។ លាស​ក៝ន​ឆៅ​ពាង់​ជាន​កើត​នអា​ងាន់ គ៝ប់​ជាន​ទឹង​លែៈ​នាវ​គ៝ប់​ត៝ន​មា​ពាង់”។

Nau Ntơm 18:19 ပူးပေါင်းရင်းမြစ်များ

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Nau Ntơm 12:3

Gâp mra ăn nau ueh uĭn ma mbu nơm ăn nau ueh uĭn ma may, Rak rtăp ma mbu nơm rtăp rak may; Lĕ rngôch mpôl băl bunuyh klơ rplay neh Mra yor tă bơh may geh nau ueh uĭn.”

Nau Ntơm 17:9

Brah Ndu lah ma Y-Abraham: “May nơm yơh jêh ri noi deh may djôt prăp nau Gâp tâm rnglăp ntơm bơh rô̆ aơ tât rô̆ êng.

Nau Ntơm 22:18

Lĕ rngôch phung ƀon lan klơ neh ntu yor tă noi deh phung kon sau may, mra geh nau ueh uĭn da dê, yorlah may lĕ tông jêh bâr Gâp.’ ”

Nau Ntơm 35:2

Y-Yakôb lah ma ngih păng jêh ri lĕ rngôch phung hăn ndrel ma păng: “Chalơi hom lĕ rup brah bu năch luh bơh khân may. Ƀư kloh hom khân may nơm jêh ri rgâl lơi kho ao khân may.

II Samuel 22:22

Yorlah gâp djôt prăp lĕ trong ndô̆ Brah Yêhôva, Mâu chalơi Brah Ndu gâp gay ƀư nau mhĭk.

II Samuel 7:20

Moh nau Y-Đavit hôm dơi lah đŏng? Hơi Kôranh Brah Yêhôva! May gĭt năl jêh oh mon May.

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 14:3

Păng ƀư rai lơi nơng ƀư brah phung brah bu năch jêh ri lĕ ntŭk prêh klơ, mbang nchah lơi lĕ n'gâng mbah jêh ri ƀư rai lĕ rup trah brah Asêrah.

Nêhêmi 9:7

Hơi Kôranh Brah! Kôranh Brah jêng Yêhôva Brah Ndu hŏ săch jêh Y-Abram, Djôt leo păng luh tă bơh Ur phung ƀon lan Kaldê Jêh ri rgâl amoh păng jêng Y-Abraham.

Ndrom Samƀŭt bơh Yôp 1:5

Lôch jêh nar nhêt sa, Y-Yôp vay kuăl phung kon păng plơ̆ sĭt gay ƀư nau rƀŭn ƀư kloh ma khân păng. Păng kah rngăl ơm ôi nhhơr ndơ ƀư brah gŭch ma ăp nơm kon, yor păng mĭn êng: “Klach lah phung kon gâp ƀư tih jêh ri tâm nuih n'hâm suai rak Brah Ndu.” Y-Yôp ƀư ƀaƀơ pônây.

Nau Mprơ Ơm 1:6

Yorlah Brah Yêhôva gĭt trong phung sŏng srăng, Ƀiălah trong bunuyh mhĭk mra rai yot.

Nau Mprơ Ơm 11:4

Brah Yêhôva gŭ tâm ngih brah kloh ueh Păng; Sưng hađăch Păng gŭ tâm trôk. Măt Păng uănh, Sâng măt Păng sek uănh phung kon bunuyh.

Nau Mprơ Ơm 34:15

Măt Brah Yêhôva treng uănh ma phung sŏng srăng, Tôr Păng iăt bâr khân păng nter kuăl.

Nau Hôr 22:6

Nti hom ăn kon se jê̆ trong păng mra tĭng, Gay nôk kêng ranh, mâu lĕ păng chalơi bơh trong nây.

Êsai 38:19

Nơm rêh, knŏng nơm gŭ rêh yơh, mra tâm rnê lah ueh ma May, Tâm ban ma gâp ƀư nar aơ. Phung ƀư mbơ̆ ntĭm hom kon khân păng Gĭt năl nau răp jăp May.

Kan Lêvi 14:42

jêh ri sŏk lŭ êng rgâl ta ntŭk lŭ ơm ri, jêh nây mra sŏk klo êng lĭr ngih nây.

Amôt 3:2

Gâp knŏng gĭt khân may dơm Tâm lĕ rngôch phung băl mpôl bunuyh ta neh ntu; Yor nây, Gâp mra tâm rmal khân may Yor lĕ nau kue khân may.

Mathay 25:17

Bunuyh dơn jêh bar talâng, dơi ntop bar talâng đŏng.

Yôhan 10:14

Gâp jêng bunuyh rmăk biăp ueh. Gâp gĭt năl biăp Gâp, jêh ri biăp Gâp gĭt năl Gâp;

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

Kôranh Oh Mon 27:31

Yor nây, Y-Pôl lah ma kôranh tahan jêh ri phung tahan: “Khân may mâu dơi klaih ôh, knŏng tơlah phung bunuyh aơ ăt hôm gŭ tâm kumpăn.”

Êphêsô 6:4

Hơi phung mbơ̆, lơi ƀư ma oh kon khân may ji nuih, ƀiălah mât rong hom khân păng tâm di keh jêh ri nau ntĭm nti tâm Kôranh Brah.

Nau Vay Nkah Tay 32:46

Y-Môis ntĭnh ma khân păng: “Djôt prăp hom tâm nuih n'hâm lĕ rngôch nau ngơi gâp mbơh jêh ma khân may nar aơ, jêh ri ntuh tay ma phung kon sau khân may gay ma khân păng dơi njrăng tĭng kơt lĕ rngôch nau ngơi tâm nau vay aơ.

I Timôthê 3:12

Ăn phung bunuyh kơl kan jêng bunuyh knŏng geh du huê sai du huê ur, blau mât uănh phung kon jêh ri rnăk vâl khân păng nơm.

II Timôthê 1:5

Gâp ăt kah gĭt đŏng ma nau chroh may răp jăp ngăn, jêng nau chroh geh lor tâm H'Lôis, u may, jêh ri tâm H'Ơnis, mê̆ may; gâp gĭt ngăn jêh ma nau chroh nây nar aơ gŭ tâm may.

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

II Timôthê 3:15

jêh ri bơh rnôk may hôm jêng kon se may gĭt jêh Nau Brah Ndu Ngơi ơm geh dơi ƀư ăn may blau mĭn gay geh nau tâm rklaih yor ma nau chroh tâm Brah Yêsu Krist.

Yôsuê 24:15

Tơlah khân may mâu ŭch pah kan ma Brah Yêhôva ôh, nar aơ săch hom ma mbu nơm khân may ŭch pah kan, mâu lah phung brah phung chô yau khân may hŏ pah kan jêh ta kơh đah ri dak krong, mâu lah brah phung Amôrit tâm bri khân may gŭ. Ƀiălah gâp jêh ri phung tâm ngih gâp mra pah kan ma Brah Yêhôva.”

Phung Kôranh Phat Dôih 13:12

Y-Manôa lah: “Tơlah nau may ngơi tât di ngăn, moh nau vay kon se jê̆ aơ mra djôt prăp, jêh ri moh păng mra ƀư?”