Nau Ntơm 18:14 - Nau Brah Ndu Ngơi 2023

¹⁴ Geh lĕ moh ntil nau jêr ir kŏ tât Brah Yêhôva mâu dơi ƀư? Tât yan lĕ tâm nal, năm taơ Gâp mra plơ̆ tay ma may, jêh ri H'Sara mra geh du huê kon bu klâu.”

Bunong Bible Latin Script Cambodian dialect

¹⁴ Ơm geh lah ndơ Brah Yêhôva jan mâu blao? Tât ăp khay ri tay Hên hăn mâp tay may, nôk nây Sara geh du huê kon bu klô”.

Bunong

¹⁴ អើម​គែស​លាស​នទើ​ឞ្រាស​យេហោវា​ជាន​មោ​ឞ្លាវ? ត៝ត់​អាប់​ខៃ​រី​តៃ​ហេន​ហាន់​ម៝ប់​តៃ​មៃ នោក​នៃ​ឆារា​គែស​ទូ​ហ្វេ​ក៝ន​ឞូ​ក្លោ”។

Nau Ntơm 18:14 ပူးပေါင်းရင်းမြစ်များ

Nau Ntơm 17:16

Gâp mra ăn nau ueh uĭn ma păng, jêh ri tă bơh păng Gâp mra ăn ma may du huê kon bu klâu, Gâp mra ăn nau ueh uĭn ma păng, păng mra jêng mê̆ ma âk phung ƀon lan; phung hađăch ma âk phung ƀon lan luh tă bơh păng da dê.”

Nau Ntơm 17:21

Ƀiălah Gâp mra njêng nau tâm rnglăp đah Y-Isăk, H'Sara yơh mra deh ăn ma may tâm yan aơ năm pakơi taơ.”

Nau Ntơm 18:10

Du huê tâm phung nây lah: “Klăp lah yan aơ năm taơ, nanê̆ gâp mra plơ̆ tay ta aơ ndrel ma may, jêh ri nôk nây taơ H'Sara, ur may, mra geh du huê kon bu klâu.” H'Sara gŭ iăt nau ngơi nây ta bôk mpông ngih bok, pakơi khân păng.

Nau Ntơm 18:13

Brah Yêhôva ôp Y-Abraham: “Mâm ƀư H'Sara gơm jêh ri mĭn: ‘Geh ngăn lĕ ranh jêh kơt gâp aơ hôm e dơi geh kon bơh?’

Nau Ntơm 18:15

Yor klach yor ri H'Sara dun pô aơ: “Hŏ geh gâp gơm!” Ƀiălah Păng lah: “Ngăn ay gơm jêh!”

Nau Ntơm 21:1

Brah Yêhôva khâl H'Sara nâm bu nau Păng hŏ lah, jêh ri ƀư ma H'Sara nâm bu nau Păng hŏ ton jêh.

Nau Ntơm 21:2

H'Sara ntreo, deh ăn ma Y-Abraham du huê kon bu klâu nôk păng lĕ ranh ngăn, di tĭng khay năm Brah Ndu hŏ ton ma păng.

II Phung Hađăch 4:16

Y-Êlisê lah ma păng: “Năm pakơi taơ, tâm nôk aơ, ay mra chông ra-u du huê kon bu klâu.” Păng plơ̆ lah: “Mâu ôh, hơi kôranh jêng bunuyh Brah Ndu! Lơi ngơi mƀruh ma oh mon bu ur may ôh.”

Ndrom Samƀŭt bơh Yôp 36:5

Ri, Brah Ndu bêng nau brah mâu geh mưch rmot bu ôh; Păng dŭt gĭt vât ngăn.

Ndrom Samƀŭt bơh Yôp 42:2

“Gâp gĭt jêh Kôranh Brah dơi ƀư lĕ ntil nau, Bu mâu dơi buay nau May ŭch ƀư.

Nau Mprơ Ơm 90:13

Dăn plơ̆ tay! Ơ Brah Yêhôva, ndah nâm jŏ nau May ji nuih? Dăn yô̆ nđach ma phung oh mon May!

Nau Mprơ Ơm 93:1

Brah Yêhôva chiă uănh, Păng nsoh nau rnam. Brah Yêhôva nsoh jêh ri rêt rse bŭt ma nau ktang. Neh ntu dơi njêng nâp, mâu mâp n'gơ ôh.

Nau Mprơ Ơm 95:3

Yorlah Brah Yêhôva jêng Brah Ndu dŭt toyh, Jêng Hađăch dŭt prêh ta klơ lơn ma lĕ rngôch brah.

Êsai 50:2

Mâm ƀư tơlah Gâp văch, mâu geh bunuyh ôh? Tơlah Gâp kuăl, mâu geh bunuyh plơ̆ lah ôh? Ti Gâp jêng gleh ir hĕ kŏ păng mâu dơi tâm chuai? Mâu lah Gâp mâu geh nau brah mâu dơi tâm rklaih hĕ? Aơ, Gâp knŏng nduyh du tong, dak mƀŭt suăt kro ro. Gâp rgâl dak krong jêng bri rdah; Ka tâm dâng dak krong khĭt yor mâu geh dak. Jêh ri ƀâu ôm.

Yêrêmi 32:17

‘Ơ Yêhôva Brah Ndu ơi! May yơh geh nau brah toyh jêh ri mpang ti brah toyh may rhăk njêng jêh trôk jêh ri neh ntu! Mâu geh ôh du ntil nau jêng jêr ir ma May.

Yêrêmi 32:27

“Aơ, Gâp jêng Yêhôva, Brah Ndu ma lĕ rngôch bunuyh; geh lĕ moh nau jêr ir ma Gâp đŏng?

Daniel 6:20

Tơlah păng tât dăch bâr trôm ntu, păng sŏk ma bâr rngot kuăl Y-Daniel. Hađăch kuăl: “Ơ Y-Daniel, oh mon Brah Ndu gŭ rêh mro mrăng! Brah Ndu may pah kan ƀaƀơ, mra dơi rklaih may bơh yau mŭr lĕ?”

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Sakari 8:6

Brah Yêhôva ma phung tahan lah: “Tâm nar nây, nđâp lah phung ƀon lan hôm e klen aơ, uănh ma nau nây nâm bu hih rhâl, ƀiălah ma măt Gâp uănh mâu geh hih rhâl ôh?” Brah Yêhôva ma phung tahan lah.

Nau Kơp Bunuyh 11:23

Brah Yêhôva lah ma Y-Môis: “Ti Brah Yêhôva jêng gleh ir lĕ? Ăn may kâp uănh nau Gâp ngơi jêh ma may mra dơi jêng nau ngăn mâu lah mâu!”

Mathay 14:31

Ƀât lât, Brah Yêsu yơr ti đŏt Y-Pêtrôs jêh ri lah pô aơ: “Hơi bunuyh geh djê̆ nau chroh, mâm ƀư may đing?”

Mathay 19:26

Brah Yêsu uănh ma khân păng jêh ri lah: “Kon bunuyh mâu dơi ƀư nau aơ ôh, ƀiălah Brah Ndu dơi ƀư lĕ rngôch nau.”

Mathay 3:9

jêh ri lơi mĭn êng pô aơ: ‘Y-Abraham jêng chô yau hên’; yorlah gâp mbơh ma khân ay may gĭt pô aơ Brah Ndu klăp lah ƀư ăn lĕ grăp lŭ aơ plơ̆ jêng kon sau ma Y-Abraham.

Markôs 10:27

Brah Yêsu uănh ma khân păng jêh ri lah: “Kon bunuyh mâu dơi ƀư nau aơ ôh, ƀiălah Brah Ndu dơi ƀư; yorlah Brah Ndu ƀư lĕ rngôch nau.”

Luka 1:13

Ƀiălah tông mpăr đă ma păng: “Aơ, hơi Y-Sakari, lơi klach ôh! Yorlah Brah Ndu hŏ tăng jêh nau may mbơh sơm. H'Êlisabet, ur may, mra deh du huê kon bu klâu; may mra tâm amoh păng Y-Yôhan.

Luka 1:18

Y-Sakari ngơi ma tông mpăr: “Mâm ƀư gâp gĭt nau nây mra tât geh? Yorlah gâp lĕ ranh, ur gâp lĕ ranh jêh.”

Luka 1:37

Yorlah mâu geh moh nau kan Brah Ndu mâu dơi ƀư.”

Luka 8:50

Brah Yêsu tăng kơt nây, Păng lah ma Jairus: “Lơi klach ôh, knŏng chroh jêh ri păng mra dơi nau rêh.”

Samƀŭt Pôl Njuăl Ăn Ma Phung Nsing Ta Ƀon Rôm 4:21

păng chroh moh n'hêl nanê̆ Brah Ndu geh nau dơi gay ma ăn tât lĕ nau Păng ton jêh.

Êphêsô 3:20

Brah Ndu jêng Nơm pah kan tâm he ma nau brah Păng, dơi ƀư rlau lơn âk râk ma lĕ nau he mbơh sơm dăn mâu lah he mĭn ŭch.

Nau Vay Nkah Tay 30:3

pôri Yêhôva Brah Ndu mra rklaih khân may luh bơh nau ƀư dĭk, mra yô̆ nđach ma khân may jêh ri mra rgum khân may sĭt bơh lĕ rngôch ntŭk phung ƀon lan Yêhôva Brah Ndu hŏ ƀư chah rai jêh khân may.

Nau Vay Nkah Tay 7:21

Lơi klach ma phung ƀon lan nây, yorlah Yêhôva Brah Ndu dôl gŭ ta nklang khân may jêng Brah Ndu toyh jêh ri geh nau klach yơk.

Philip 3:21

Păng mra tâm rgâl săk jăn jê̆ jănh he plơ̆ jêng nâm bu săk jăn chrêk rmah Păng, dŏng nau brah ƀư ăn lĕ rngôch ndơ plơ̆ sĭt tông ma Păng.

Philip 4:13

Gâp dơi ƀư lĕ ntil ndơ yor ma Brah Krist ăn n'hâm suan ma gâp.

ហេឞ្រើ 11:19

Păng mĭn ma Brah Ndu geh nau dơi ƀư ăn bunuyh hŏ khĭt jêh dơi dâk rêh tay, ngơi tĭng tâm nau hôr, păng dơn tay kon păng nơm tă bơh nau khĭt.

Phung Kôranh Phat Dôih 13:3

Tông mpăr Brah Yêhôva tâm mpơl ma bu ur nây jêh ri lah: “Aơ, ay jêng bu ur ndrô gâng, mâu geh kon, ƀiălah ay mra ntreo jêh ri deh du huê kon bu klâu.

I Samuel 14:6

Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”