Nau Ntơm 17:7 - Nau Brah Ndu Ngơi 2023

⁷ Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

Bunong Bible Latin Script Cambodian dialect

⁷ Gâp tâm rnglăp ma may tât kon tât sau may bơh kơi bơh kơi tâm ăp rnôk. Nau tâm rnglăp dja hôm n'ho ro. Gâp jêng brah may, n'ho ma tât kon tât sau may bơh kơi bơh kơi ri tay

Bunong

⁷ គ៝ប់​តឹម​រាង្លាប់​មា​មៃ​ត៝ត់​ក៝ន​ត៝ត់​ឆៅ​មៃ​ឞើស​កើយ​ឞើស​កើយ​តឹម​អាប់​រានោក។ នាវ​តឹម​រាង្លាប់​អ្យា​ហោម​នហ៝​រ៝។ គ៝ប់​ជេង​ឞ្រាស​មៃ នហ៝​មា​ត៝ត់​ក៝ន​ត៝ត់​ឆៅ​មៃ​ឞើស​កើយ​ឞើស​កើយ​រី​តៃ

Nau Ntơm 17:7 ပူးပေါင်းရင်းမြစ်များ

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

Nau Ntơm 17:13

Lĕ bunuyh deh tâm ngih nđâp ma bunuyh bu rvăt ma prăk mra dơn koh ntâu da dê. Yor nây, nau Gâp tâm rnglăp ta săk jăn khân may jêng nau tâm rnglăp n'ho ro.

Nau Ntơm 17:19

Brah Ndu lah: “Mâu geh kơt nây ôh, H'Sara, ur may mra deh du huê kon bu klâu, jêh ri may mra ntơ amoh păng jêng Y-Isăk. Gâp mra njêng nau tâm rnglăp đah păng, jêng nau tâm rnglăp n'ho ro đah phung kon sau păng.

Nau Ntơm 26:24

Tâm măng nây, Brah Yêhôva tâm mpơl jêh ri lah đah păng: “Gâp jêng Brah Ndu Y-Abraham, mbơ̆ kon. Lơi klach ôh, yorlah Gâp gŭ ndrel ma kon. Gâp mra ăn nau ueh uĭn ma kon jêh ri ƀư ma noi deh kon bĭk rơ̆, yor Y-Abraham jêng oh mon Gâp!”

Nau Ntơm 28:13

Ri, Brah Yêhôva dâk tanăp măt păng jêh ri lah: “Gâp jêng Yêhôva Brah Ndu Y-Abraham, chô yau may, ăt jêng Brah Ndu Y-Isăk. Gâp mra ăn ma may jêh ri noi deh may ntŭk neh may dôl lâng săk bê̆ch.

Nau Ntơm 6:18

Ƀiălah Gâp mra ƀư nau tâm rnglăp đah may, jêh nây may mra lăp tâm kumpăn nđâp ma ur may, phung kon bu klâu jêh ri phung ƀăn may.

Nau Ntơm 9:16

Tơlah bêh tŭng tĭng mpơl ta klơ ndâr tŭk, Gâp uănh păng gay kah gĭt tay nau tâm rnglăp n'ho ro vah vang Brah Ndu jêh ri lĕ rngôch mpa rêh, lĕ ntil nglay săk klơ neh.”

II Samuel 7:24

Yorlah May hŏ njêng phung ƀon lan Israel ƀư phung ƀon lan May n'ho ro. Ơ Brah Yêhôva! May nơm jêng Brah Ndu khân păng.

I Nau Rêh Jêng 16:13

Hơi phung noi deh Y-Israel jêng oh mon păng! Hơi phung kon sau Y-Yakôb jêng phung Păng săch jêh!

I Nau Rêh Jêng 16:14

Păng yơh jêng Yêhôva Brah Ndu he; Nau phat dôih Păng ƀư ma lĕ rngôch bri ta neh ntu.

Nau Mprơ Ơm 81:10

Gâp jêng Yêhôva Brah Ndu may, Nơm njŭn leo jêh may luh bơh bri Êjipt. Hă hom mbung may ăn huy jêh ri Gâp mra ƀư ăn bêng.

Nau Ngluh Êjipt 3:15

Brah Ndu lah tay ma Y-Môis: “Ăn may ngơi ma phung ƀon lan Israel kơt aơ: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, njuăl jêh gâp văch ma khân may’: Aơ jêng amoh Gâp n'ho ro, Jêng amoh kah gĭt tâm lĕ rngôch rô̆.

Nau Ngluh Êjipt 3:6

Jêh nây Brah Ndu lah tay: “Gâp jêng Brah Ndu ma chô yau may, Brah Ndu Y-Abraham, Brah Ndu Y-Isăk, jêh ri Brah Ndu Y-Yakôb.” Y-Môis nking ro măt păng yorlah păng klach uănh saơ Brah Ndu.

Nau Ngluh Êjipt 6:4

Gâp hŏ ƀư jêh nau tâm rnglăp đah khân păng gay ăn n'gor Kanaan, jêng n'gor khân păng hŏ gŭ njưh nâm phung bu năch.

Nau Ngluh Êjipt 6:7

Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.

Êsai 61:8

Yorlah Gâp, Brah Yêhôva, rŏng ma nau sŏng, Tâm rmot ma nau ntŭng jêh ri nau kue; Yor ri Gâp mra tĭng nau răp jăp gay nkhôm ma phung ƀon lan Gâp, Jêh ri Gâp mra ƀư đah khân păng nau tâm rnglăp n'ho ro.

Yêrêmi 31:1

Brah Yêhôva lah: “Tât rnôk nây, Gâp mra jêng Brah Ndu ma lĕ rngôch mpôl băl Israel, jêh ri khân păng mra jêng phung ƀon lan Gâp.”

Êsêkiêl 28:26

Khân păng mra gŭ đăp mpăn ta ntŭk nây, mra ndâk ngih jêh ri tăm play krăk ƀâu. Khân păng gŭ ta nây đăp mpăn tơlah Gâp hŏ ƀư jêh nau phat dôih Gâp tâm rdâng đah bri dak chiau meng khân păng, jêng phung hŏ ƀư jêh đah khân păng ma nau tâm rmot. Nôk nây, khân păng mra gĭt Gâp yơh jêng Yêhôva Brah Ndu khân păng.”

Kan Lêvi 11:45

Yorlah Gâp jêng Yêhôva, Nơm hŏ djôt jêh khân may luh bơh n'gor Êjipt, gay jêng Brah Ndu khân may; pôri khân may ăn kloh ueh hom, yorlah Gâp nơm jêng kloh ueh.

Kan Lêvi 25:38

Gâp jêng Yêhôva Brah Ndu khân may, Nơm ngluh khân may luh bơh bri Êjipt, gay ăn ma khân may neh Kanaan jêh ri ƀư Brah Ndu khân may.’

Kan Lêvi 26:12

Gâp mra hăn ta nklang khân may, jêng Brah Ndu khân may, jêh ri khân may mra jêng phung ƀon lan Gâp.

Kan Lêvi 26:44

Ƀiălah, nđâp lah khân păng dôl gŭ tâm n'gor phung rlăng, Gâp mâu đŏng chalơi khân păng, mâu lĕ Gâp rmot ma khân păng kŏ tât Gâp ƀư rai lĕ khân păng jêh ri mâu chalơi nau tâm rnglăp ta nklang Gâp đah khân păng, yorlah Gâp jêng Yêhôva Brah Ndu khân păng.

Kan Lêvi 26:45

Ƀiălah yor ma khân păng, Gâp mra kah gĭt tay nau tâm rnglăp hŏ ƀư jêh đah phung chô yau khân păng jêng phung Gâp hŏ ngluh jêh luh bơh Êjipt tanăp măt phung ndŭl mpôl bunuyh gay ƀư Brah Ndu khân păng. Gâp jêng Brah Yêhôva.’”

Kan Lêvi 26:9

Gâp mra mât mray khân may, ƀư ăn khân may jêng bĭk rơ̆ dŭt âk, jêh ri ƀư nâp nau tâm rnglăp đah khân may.

Mika 7:20

May mra tâm mpơl nau răp jăp ngăn ma Y-Yakôb Jêh ri nau ueh ăn ma Y-Abraham, Jêng nau May sơm ton ma phung chô yau hên Ntơm bơh rnôk saơm.

Mathay 22:32

‘Gâp jêng Brah Ndu Y-Abraham, Brah Ndu Y-Isăk, Brah Ndu Y-Yakôp’? Păng mâu di jêng Brah Ndu bunuyh khĭt ôh, ƀiălah Brah Ndu bunuyh rêh.”

Markôs 10:14

Saơ kơt nây, Păng ji nuih jêh ri lah ma phung oh mon: “Ăn hom phung kon se jê̆ văch ma Gâp, lơi ta buay khân păng ôh, yorlah ƀon bri hađăch Brah Ndu prăp ma phung nâm bu phung kon se jê̆ nây.

Kôranh Oh Mon 2:39

Yorlah nau ton nây prăp ma khân may, ma phung kon sau khân may, jêh ri ma lĕ rngôch bunuyh gŭ ngai, jêng lĕ rngôch bunuyh Kôranh Brah jêng Brah Ndu he mra kuăl.”

Samƀŭt Pôl Njuăl Ăn Ma Phung Nsing Ta Ƀon Rôm 9:4

nâm bu ntĭt phung Israel, phung ƀon lan dơi dơn jêng kon mât rŏng, nau chrêk rmah, nau tâm rnglăp, nau vay, nau yơk mbah, jêh ri nau ton;

Êphêsô 2:2

jêng lĕ nau khân may hŏ tă tĭng dôl hôm rêh tĭng nâm nau mơng ta neh ntu aơ, tông tĭng nơm chiă uănh tâm ndâr tŭk, jêng brah dôl pah kan tâm lĕ phung kon mâu tông bâr.

Nau Vay Nkah Tay 29:13

gay ma Păng dơn khân may nar aơ jêng phung ƀon lan Păng jêh ri Păng nơm mra jêng Brah Ndu khân may tĭng nâm Păng hŏ lah jêh ma khân may jêh ri sơm ton jêh đah phung chô yau khân may jêng Y-Abraham, Y-Isăk, jêh ri Y-Yakôb.

ហេឞ្រើ 11:16

Ƀiălah khân păng ŭch geh du ƀon tơm ueh lơn, nây jêng ƀon tơm ta klơ trôk, pôri Brah Ndu mâu bêk prêng ôh gay mbơh Păng nơm jêng Brah Ndu khân păng, yorlah Păng ndrăp lor du ƀon ma khân păng.

ហេឞ្រើ 8:10

Kôranh Brah lah: “Aơ jêng nau tâm rnglăp Gâp mra ƀư ma ngih Israel: Pakơi lĕ nar nây, Gâp mra dơm nau vay Gâp tâm nau mĭn khân păng, Jêh ri nchih prăp tâm nuih n'hâm khân păng. Gâp mra jêng Brah Ndu khân păng, Jêh ri khân păng mra jêng phung ƀon lan Gâp.

Phung Kôranh Phat Dôih 2:1

Tông mpăr Brah Yêhôva hăn hao bơh Gilgal tât ta Bôkim jêh ri lah pô aơ: “Gâp hŏ leo jêh khân may du luh bơh n'gor Êjipt, njŭn leo khân may lăp tâm n'gor Gâp sơm ton ăn ma phung chô yau khân may. Gâp hŏ lah: ‘Gâp mâu mra chalơi ôh nau tâm rnglăp Gâp hŏ rdâk jêh đah khân may,