Nau Ntơm 17:23 - Nau Brah Ndu Ngơi 2023

²³ Tâm nar nĕ yơh, Y-Abraham koh ntâu ma Y-Ismaêl, kon bu klâu păng, jêh ri lĕ rngôch phung bu klâu, nđâp lah păng deh tâm ngih mâu lah bu rvăt păng ma prăk, di nâm nau Brah Ndu hŏ ntĭnh jêh ma păng.

Bunong Bible Latin Script Cambodian dialect

²³ Jêh ri Abrahăm leo Ismaêl, leo lĕ rngôch phung dâk deh ta jay păng ri, nđâp ma phung dâk i păng rvăt ma prăk, dâng lĕ bu klô i gŭ ta jay păng ri, păng koh ntô ta nar nây dadê, păng jan kơt nau Kôranh Brah de đă ma păng ri nơh.

Bunong

²³ ជេសរី​អាឞ្រាហាម់  ​លែវ​អីសមាអែល លែវ​លែៈ​រាងោច​ផូង​ទឹក​ទែស​តា​ជៃ​ពាង់​រី នអ៝ប់​មា​ផូង​ទឹក​អី​ពាង់​រាវាត់​មា​ព្រាក់ ទឹង​លែៈ​ឞូ​ក្លោ​អី​គុ​តា​ជៃ​ពាង់​រី ពាង់​ក៝ស​នតោ​តា​នារ​នៃ​ទាទេ ពាង់​ជាន​កើត​នាវ​កោរាញ​ឞ្រាស​ទែ​ដាៈ​មា​ពាង់​រី​នើស។

Nau Ntơm 17:23 ပူးပေါင်းရင်းမြစ်များ

Nau Ntơm 14:14

Tơlah Y-Abram tăng lư bu nhŭp jêh mon păng, Y-Abram rgum lĕ phung pah kan hŏ nti jêh, geh pe rhiăng jât pham bunuyh, jêh ri hăn tĭng rgot phung hađăch nây tât ta ƀon Dan.

Nau Ntơm 17:9

Brah Ndu lah ma Y-Abraham: “May nơm yơh jêh ri noi deh may djôt prăp nau Gâp tâm rnglăp ntơm bơh rô̆ aơ tât rô̆ êng.

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

Nau Ntơm 34:24

Lĕ rngôch phung hăn tâm rƀŭn ta mpông ƀon nây iăt da dê tĭng nau Y-Hamôr jêh ri Y-Sichem lah, kon bu klâu păng, jêh ri lĕ rngôch phung bu klâu tâm ƀon nây dơn koh ntâu da dê.

Nau Mprơ Ơm 119:60

Gâp ndal, mâu mbrĕ mbrơi ôh, Gay djôt prăp lĕ nau vay May ntăm.

Nau Hôr 27:1

Lơi ntưih ôh ma nar ôi taơ, Yorlah may mâu gĭt ôh nar ôi taơ mra moh nau tât.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Kôranh Oh Mon 16:3

Y-Pôl ŭch djôt leo Y-Timôthê hăn ndrel; pôri păng koh ntâu nơm nây, yorlah phung Yuđa gŭ tâm lĕ ntŭk nây gĭt mbơ̆ păng jêng bunuyh Grek.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Galati 6:15

Yorlah nau khlay mâu di jêng nau koh ntâu mâu lah mâu koh ntâu, ƀiălah nau plơ̆ jêng bunuyh mhe.