Nau Ntơm 17:13 - Nau Brah Ndu Ngơi 2023

¹³ Lĕ bunuyh deh tâm ngih nđâp ma bunuyh bu rvăt ma prăk mra dơn koh ntâu da dê. Yor nây, nau Gâp tâm rnglăp ta săk jăn khân may jêng nau tâm rnglăp n'ho ro.

Bunong Bible Latin Script Cambodian dialect

¹³ Dâng lĕ dâk bu klô deh ta jay khân ay may nơm, mâu lah dâk rvăt ma prăk kađôi, jan koh ntô dadê, i nây jêng ndơ mbên nau tâm rnglăp Gâp ăn mpeh ma săk jăn khân ay may hôm n'ho ro.

Bunong

¹³ ទឹង​លែៈ​ទឹក​ឞូ​ក្លោ​ទែស​តា​ជៃ​ខាន់​អៃ​មៃ​នើម មោ​លាស​ទឹក​រាវាត់​មា​ព្រាក់​កាដោយ ជាន​ក៝ស​នតោ​ទាទេ អី​នៃ​ជេង​នទើ​មឞេន​នាវ​តឹម​រាង្លាប់​គ៝ប់​អ៝ន់​មពែស​មា​ឆាក់​ជាន់​ខាន់​អៃ​មៃ​ហោម​នហ៝​រ៝។

Nau Ntơm 17:13 ပူးပေါင်းရင်းမြစ်များ

Nau Ntơm 14:14

Tơlah Y-Abram tăng lư bu nhŭp jêh mon păng, Y-Abram rgum lĕ phung pah kan hŏ nti jêh, geh pe rhiăng jât pham bunuyh, jêh ri hăn tĭng rgot phung hađăch nây tât ta ƀon Dan.

Nau Ntơm 15:3

Y-Abram ngơi tay: “Aơ, May ƀư ma gâp mâu geh kon, jêh ri nuyh dĭk deh tâm ngih gâp mra jêng nơm ndơn drăp gâp.”

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

Nau Ntơm 37:27

Găp hôm, he tăch păng ma phung Ismaêl jêh ri lơi ƀư ôh nau mhĭk ma păng, yorlah păng jêng oh he, jêng noi deh du mham đah he.” Phung oh nâu păng dơn da dê.

Nau Ntơm 37:36

Phung tăch drăp Madian djôt leo Y-Yôsep tât ta Êjipt, tăch ma Y-Pôtipar, kôranh mât gai tahan gak ma Pharaôn.

Nau Ntơm 39:1

Lĕ phung tăch drăp Ismaêl djôt leo Y-Yôsep ta n'gor Êjipt tăch ma Y-Pôtipar, du huê bunuyh Êjipt jêng kôranh mât gai tahan gak Pharaôn.

Nau Ntơm 9:16

Tơlah bêh tŭng tĭng mpơl ta klơ ndâr tŭk, Gâp uănh păng gay kah gĭt tay nau tâm rnglăp n'ho ro vah vang Brah Ndu jêh ri lĕ rngôch mpa rêh, lĕ ntil nglay săk klơ neh.”

Nêhêmi 5:5

Hên geh đŏng săk jăn nâm bu oh nâu hên jêh ri phung kon hên nâm bu phung kon khân păng, ƀiălah ăn hên nchâp phung kon bu klâu jêh ri phung bu ur hên ƀư dĭk. Phung bu ur hên geh nơm hŏ ƀư dĭk jêh, ƀiălah hên mâu geh nau dơi chuai tay khân păng ôh; yorlah tâm lŏ sre jêh ri đang krăk ƀâu hên hŏ jêng ndơ ma phung êng jêh.”

Nêhêmi 5:8

Gâp lah: “Hên hŏ ƀư lĕ suan gay chuai tay oh nâu he, jêng phung Yuđa, bu tăch jêh ma phung mpôl băl êng, jêh ri mâm khân may ŭch tăch đŏng phung oh nâu khân may gay ma bu rvăt?” Khân păng gŭ klêm yorlah mâu gĭt ngơi du bâr ôh.

Nau Ngluh Êjipt 12:44

Bi ma phung dĭk bu hŏ rvăt jêh ma prăk knŏng lah jêh bu koh ntâu, rĭ mơ khân păng dơi sa.

Nau Ngluh Êjipt 21:16

Mbu nơm nhŭp ntŭng bunuyh, mâu lah hŏ tăch jêh, mâu lah dôl hôm e mât tâm ti păng, bu mra nkhĭt lơi păng.

Nau Ngluh Êjipt 21:2

Lah khân may rvăt du huê dĭk Hêbrơ, nơm nây mra pah kan prao năm; tât năm tal pơh nơm nây mra du luh dơi jêng kon me jêh ri mâu mplơ̆ prăk ôh.

Nau Ngluh Êjipt 21:4

Tơlah kôranh văng ur ma păng, jêh ri ur păng deh kon bu klâu mâu lah bu ur, păng mra du luh êng păng; ur jêh ri phung kon păng mra jêng ndơ kôranh păng.

Kan Lêvi 22:11

Ƀiălah phung dĭk lĕ kôranh ƀư brah rvăt ma prăk jêh mâu lah nơm bu deh jêh tâm ngih kôranh ƀư brah mra dơi vay sa ndơ sông sa kôranh ƀư brah.

Mathay 18:25

Yorlah bunuyh nây mâu geh moh ndơ gay mplơ̆ rnon ôh, pôri hađăch ntrŭnh bu tăch păng, ur kon, jêh ri lĕ rngôch ndơ păng geh, gay mplơ̆ rnon.