Nau Ntơm 17:10 - Nau Brah Ndu Ngơi 2023

¹⁰ Aơ jêng nau Gâp tâm rnglăp gay ăn may djôt prăp, jêng nau tâm rnglăp vah vang Gâp đah may jêh ri tâm ban đŏng đah phung kon sau may nar kăndơ̆: Nây jêng lĕ rngôch phung bu klâu tâm phung khân may dơn nau koh ntâu.

Bunong Bible Latin Script Cambodian dialect

¹⁰ Dja nau tâm rnglăp i Gâp ăn ma khân ay may ndjôt, ndrel ma kon ma sau khân ay may nây, ăn lĕ kon bu klô ta phung khân ay may ăn koh ntô dadê.

Bunong

¹⁰ អ្យា​នាវ​តឹម​រាង្លាប់​អី​គ៝ប់​អ៝ន់​មា​ខាន់​អៃ​មៃ​ញអោត នទ្រែល​មា​ក៝ន​មា​ឆៅ​ខាន់​អៃ​មៃ​នៃ អ៝ន់​លែៈ​ក៝ន​ឞូ​ក្លោ​តា​ផូង​ខាន់​អៃ​មៃ​អ៝ន់​ក៝ស​នតោ​ទាទេ។

Nau Ntơm 17:10 ပူးပေါင်းရင်းမြစ်များ

Nau Ntơm 17:11

Ăn khân may dơn siăt ntâu ta chiông ndơ chrach, jêh ri nau nây mra jêng nau mbên ma nau tâm rnglăp vah vang Gâp đah khân may.

Nau Ntơm 17:23

Tâm nar nĕ yơh, Y-Abraham koh ntâu ma Y-Ismaêl, kon bu klâu păng, jêh ri lĕ rngôch phung bu klâu, nđâp lah păng deh tâm ngih mâu lah bu rvăt păng ma prăk, di nâm nau Brah Ndu hŏ ntĭnh jêh ma păng.

Nau Ntơm 17:27

Ăp bu klâu êng, mâu lah păng deh tâm ngih, mâu lah bu rvăt păng ma prăk bơh phung bu năch, dơn koh ntâu ndrel Y-Abraham da dê.

Nau Ntơm 21:4

Lah Y-Isăk geh pham nar jêh, Y-Abraham koh ntâu ma kon bu klâu păng, tĭng nâm nau Brah Ndu hŏ ntĭnh ntăm jêh ma păng.

Nau Ntơm 34:15

Hên knŏng dơn nau khân may dăn knŏng tơlah khân may mra jêng tâm ban ma hên, ăn lĕ rngôch phung bu klâu tâm phung khân may mra dơn nau koh ntâu.

Nau Ntơm 34:22

Ƀiălah khân păng knŏng dơn nau gŭ ndrel ma he gay jêng du phung ƀon lan, lah lĕ rngôch kon bu klâu tâm phung he dơn nau koh ntâu nâm bu lĕ rngôch kon bu klâu khân păng.

Nau Ngluh Êjipt 12:48

Lah geh bu năch gŭ njưh tâm ngih khân may ŭch kah gĭt prăp rƀŭn Nau Găn tanăp Brah Yêhôva, ăn lĕ rngôch bu klâu khân păng dơn nau koh ntâu, pôri mơ păng dơi văch dăch jêh ri kah gĭt prăp nau rƀŭn aơ; bunuyh aơ dơi uănh tâm ban ma bunuyh tơm bri. Ƀiălah mbu mâu koh ntâu mâu mra dơi sa.

Nau Ngluh Êjipt 4:25

H'Sêpôra sŏk du mlâm pêh ƀư ma lŭ, koh ntâu ndơ bêk prêng kon bu klâu păng, jêh ri sŏk ntâu nây nđĭl ta jâng Y-Môis, jêh ri lah: “Nanê̆, may jêng sai mham ma gâp!”

Yêrêmi 4:4

Hơi phung Yuđa jêh ri phung ƀon lan Yêrusalem, Koh hom ntâu khân may nơm yorlah Brah Yêhôva, Koh mƀăr lơi ntâu bơh nuih n'hâm khân may! Tơlah mâu, nau Gâp ji nuih mra hao hit nâm bu ŭnh, Su khân may, mâu geh bunuyh buh nhhât ôh, Yorlah nau mhĭk khân may hŏ ƀư.”

Yôhan 7:22

Y-Môis hŏ ăn jêh nau vay koh ntâu ma khân may (nanê̆ nau vay nây mâu di tă bơh Y-Môis, ƀiălah tă bơh phung chô yau khân may), jêh ri khân may ƀư nau koh ntâu ma phung bu klâu tâm nar saƀat.

Kôranh Oh Mon 7:8

Brah Ndu ăn ma Y-Abraham nau tâm rnglăp bơh nau rƀŭn koh ntâu. Pôri, nôk Y-Abraham hŏ geh du huê kon bu klâu, amoh păng Y-Isăk, păng koh ntâu ma kon păng tâm nar rơh pham. Y-Isăk koh ntâu ma Y-Yakôp jêh ri Y-Yakôp ƀư đŏng tâm ban pônây ma jât ma bar nuyh chô yau ma phung Israel.

Samƀŭt Pôl Njuăl Ăn Ma Phung Nsing Ta Ƀon Rôm 2:28

Yorlah du huê bunuyh knŏng padih jêng phung Yuđa, păng mâu jêng phung Yuđa ngăn ôh, bi nau koh ntâu ta săk jăn padih mâu di jêng nau koh ntâu ngăn ôh.

Samƀŭt Pôl Njuăl Ăn Ma Phung Nsing Ta Ƀon Rôm 3:25

Brah Ndu hŏ rdâk jêh Păng jêng mpa ƀư brah chuai nau tih ma mbu nơm geh nau chroh tâm mham Păng. Nau aơ mpơl nau sŏng srăng Brah Ndu, yorlah Păng sŏk nuih n'hâm srôih sŏk lơi lĕ nau tih tâm rnôk kăl e.

Samƀŭt Pôl Njuăl Ăn Ma Phung Nsing Ta Ƀon Rôm 3:28

Yor he chroh ma du huê bunuyh dơi kơp sŏng srăng ma nau chroh mâu di ma kan tĭng nau vay ôh.

Samƀŭt Pôl Njuăl Ăn Ma Phung Nsing Ta Ƀon Rôm 3:30

yorlah Brah Ndu jêng nguay, jêng Nơm mra ƀư ma phung koh ntâu dơi kơp sŏng srăng ma nau chroh, ƀư đŏng ma phung mâu koh ntâu dơi kơp sŏng srăng ma nau chroh.

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

Galati 6:12

Lĕ bunuyh ŭch ƀư maak tĭng nâm nglay săk, srôih nchâp khân may dơn nau koh ntâu. Khân păng ƀư kơt nây gay ma khân păng mâu dơn nau bu ƀư mhĭk yor si tâm rkăng Brah Krist yơh.

Êphêsô 2:11

Pôri kah gĭt hom kăl e ri khân may jêng phung bu năch tĭng nâm nglay săk, jêh ri phung koh ntâu ma ti bunuyh tâm nglay săk kuăl khân may jêng phung mâu koh ntâu.

Nau Vay Nkah Tay 10:16

Pôri ăn khân may koh ntâu nuih n'hâm khân may jêh ri lơi hôm jêng dăng bôk ôh,

Nau Vay Nkah Tay 30:6

Yêhôva Brah Ndu khân may mra koh ntâu nuih n'hâm khân may jêh ri nuih n'hâm tâm noi deh khân may, gay khân may yơk rŏng ma Yêhôva Brah Ndu khân may ma lĕ nuih n'hâm jêh ri lĕ huêng jêh ri tă bơh nây dĭng khân may dơi rêh.

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Yôsuê 5:2

Rnôk nây, Brah Yêhôva lah ma Y-Yôsuê: “Ƀư hom pêh ma lŭ ŭnh jêh ri koh ntâu đŏng ma phung Israel tal bar.”

Yôsuê 5:4

Yor nau nây dĭng Y-Yôsuê koh ntâu ma khân păng: Lĕ rngôch phung bu klâu tâm phung ƀon lan hŏ luh jêh bơh Êjipt, jêng lĕ tahan, hŏ khĭt ta rŏ trong da dê tâm bri rdah, lah jêh khân păng du luh bơh Êjipt.