Nau Ntơm 17:1 - Nau Brah Ndu Ngơi 2023

¹ Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Bunong Bible Latin Script Cambodian dialect

¹ Tât Ăbram lĕ geh 99 năm, Brah Yêhôva tâm mpơl ăn păng say, Păng lah ma Ăbram: “Gâp jêng brah i dŭt geh nau dơi, ăn may iăt nau Gâp, gŭ ueh sŏng srăng ngăn.

Bunong

¹ ត៝ត់​អាប់រាម​លែៈ​គែស ៩៩ នាម់ ឞ្រាស​យេហោវា​តឹម​មពើល​អ៝ន់​ពាង់​ឆៃ ពាង់​លាស​មា​អាប់រាម៖ “គ៝ប់​ជេង​ឞ្រាស​អី​ទុត​គែស​នាវ​ទើយ អ៝ន់​មៃ​អ្យាត់​នាវ​គ៝ប់ គុ​អ្វែស​ឆ៝ង់​ឆ្រាង់​ងាន់។

Nau Ntơm 17:1 ပူးပေါင်းရင်းမြစ်များ

Nau Ntơm 12:1

Brah Yêhôva lah ma Y-Abram: “Du luh hom tă bơh ƀon tơm, ndŭl mpôl may jêh ri ngih mbơ̆ kon may gay hăn tât ta n'gor Gâp mra ntĭm an ma may.

Nau Ntơm 12:7

Brah Yêhôva tâm mpơl ma Y-Abram jêh ri lah: “Gâp mra ăn n'gor aơ ma noi deh May.” Ta aơ, Y-Abram ndâk du mlâm nơng ƀư brah ăn ma Brah Yêhôva, jêng Nơm hŏ tâm mpơl ma păng.

Nau Ntơm 16:16

Nôk H'Agar deh Y-Ismaêl ma Y-Abram, nôk nĕ Y-Abram hŏ pham jât mprao năm jêh.

Nau Ntơm 18:1

Brah Yêhôva tâm mpơl ma Y-abraham dăch ndru tơm guyh ta Mamrê, nôk păng dôl gŭ ta mpông ngih bok, tâm mông nây trôk duh hâu ngăn.

Nau Ntơm 18:14

Geh lĕ moh ntil nau jêr ir kŏ tât Brah Yêhôva mâu dơi ƀư? Tât yan lĕ tâm nal, năm taơ Gâp mra plơ̆ tay ma may, jêh ri H'Sara mra geh du huê kon bu klâu.”

Nau Ntơm 24:40

Ƀiălah kôranh lah: ‘Brah Yêhôva jêng Nơm gâp pah kan mra njuăl tông mpăr tĭng may jêh ri kơl nau may hăn aơ dơi jêng. May mra nđăp ma kon bu klâu gâp du huê ur tâm ndŭl mpôl gâp, tă bơh ngih mbơ̆ gâp.

Nau Ntơm 26:2

Brah Yêhôva tâm mpơl ma păng jêh ri lah: “Lơi hăn ôh ta n'gor Êjipt, ăn gŭ hom tâm n'gor Gâp mra ntĭm ma may.

Nau Ntơm 28:3

Dăn Brah Ndu Geh Lĕ Nau Brah ăn nau ueh uĭn ma may, ƀư ăn noi deh kon bĭk rơ̆ dŭt âk jêh ri dơi jêng du phung ƀon lan âk.

Nau Ntơm 35:11

Brah Ndu lah tay ma păng: “Gâp jêng Brah Ndu Geh Lĕ Nau Brah; ăn deh hom kon jêh ri bĭk rơ̆ âk râk. Du phung ƀon lan jêh ri du phung ƀon lan toyh mra luh tă bơh may, jêh ri tă bơh noi deh may mra luh phung hađăch.

Nau Ntơm 43:14

Dăn ma Brah Ndu Geh Lĕ Nau Brah ƀư ma khân may geh nau yô̆ tanăp măt nơm nây, gay ma Y-Simêôn jêh ri Y-Benjamin mra plơ̆ sĭt ndrel khân may. Kay gâp, tơlah ăn roh phung kon, gâp dơn anh dơm nau roh nây!”

Nau Ntơm 46:3

Brah Ndu lah: “Gâp jêng Brah Ndu, Brah Ndu mbơ̆ may. Lơi klach ôh dôl hăn trŭnh ta Êjipt, yorlah ta nây Gâp mra ƀư ma may jêng du mpôl băl toyh.

Nau Ntơm 48:15

Jêh nây păng ăn nau ueh uĭn ma Y-Yôsep: “Ơ Brah Ndu Chô yau gâp jêng Y-Abraham jêh ri Y-Isăk hŏ yơk mbah, Jêng Brah Ndu nơm mât mơh gâp Bơh nôk gâp mhe pơ deh kŏ tât nar aơ,

Nau Ntơm 48:3

Y-Yakôb lah ma Y-Yôsep: “Brah Ndu Geh Lĕ Nau Brah tâm mpơl jêh ri ăn nau ueh uĭn ma gâp ta Lus, tâm n'gor Kanaan.

Nau Ntơm 5:22

Jêh deh Y-Mêtusêla, Y-Ênŏk hăn ndrel ma Brah Ndu tâm pe rhiăng năm, deh kon bu klâu kon bu ur.

Nau Ntơm 5:24

Y-Ênŏk hăn ndrel Brah Ndu, jêh nây roh klăk, yorlah Brah Ndu vơt chông păng.

Nau Ntơm 6:9

Aơ jêng noi deh Y-Nôê. Tâm nôk rô̆ păng, Y-Nôê jêng du huê bunuyh sŏng srăng jêh ri mâu geh nau nduyh; păng hăn ndrel ma Brah Ndu.

I Phung Hađăch 2:4

Nâm bu pônây, Brah Yêhôva mra ƀư tât di ngăn nau Păng ngơi jêh ma gâp pô aơ: ‘Tơlah phung kon sau may njrăng ma trong khân păng nơm, lĕ nuih n'hâm, lĕ huêng hăn tâm nau răp jăp tanăp măt Gâp, may mâu mra pưt ôh du huê nuyh gŭ ta sưng hađăch phung Israel.’

I Phung Hađăch 3:6

Y-Salômôn lah: “Kôranh Brah hŏ mpơl jêh nuih n'hâm ueh toyh ma oh mon May jêng Y-Đavit, mbơ̆ gâp, tâm ban păng hŏ chuat hăn tanăp May tâm nau răp jăp, nau sŏng srăng jêh ri nuih n'hâm nau di. Kôranh Brah mpơl tay đŏng nuih n'hâm ueh toyh aơ ma păng, tơlah ăn ma păng du huê kon bu klâu gŭ ta sưng hađăch păng tâm ban hŏ geh nar aơ.

I Phung Hađăch 8:25

Pôri aƀaơ, ơ Yêhôva jêng Brah Ndu phung Israel! Dăn djôt prăp hom nau Kôranh Brah hŏ ton đah oh mon May jêng Y-Đavit, mbơ̆ gâp, pô aơ: ‘Tơlah phung kon sau may njrăng tâm trong khân păng nơm, chuat hăn tanăp Gâp nâm bu may hŏ chuat hăn jêh, pôri tanăp Gâp, may mâu mra pưt ôh du huê bunuyh gŭ ta sưng hađăch phung Israel.’

II Phung Hađăch 20:3

“Ơ Brah Yêhôva, dăn kah gĭt hom pô aơ gâp hôm chuat hăn tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

Ndrom Samƀŭt bơh Yôp 1:1

Tâm n'gor Us geh du huê bunuyh amoh săk jêng Y-Yôp. Păng jêng du huê bunuyh răp jăp jêh ri sŏng, klach yơk ma Brah Ndu jêh ri der ngai nau mhĭk.

Ndrom Samƀŭt bơh Yôp 11:7

Gĭt lah may dơi gĭt vât jru nau khlay ndâp Brah Ndu Jêh ri joi nau gĭt rbăng toyh bơh Nơm Geh Lĕ Nau Brah?

Nau Mprơ Ơm 115:3

Brah Ndu he gŭ tâm klơ lĕ ndâr trôk; Păng ƀư lĕ rngôch nau Păng geh nau maak.

Nau Mprơ Ơm 116:9

Gâp mra hăn tanăp măt Brah Yêhôva Ta neh phung rêh.

Nau Mprơ Ơm 25:14

Brah Yêhôva jan jiăng ndrel ma phung klach yơk ma Păng, Jêh ri mpơl ma nơm nây gĭt nau tâm rnglăp Păng.

Nau Ngluh Êjipt 6:3

Gâp hŏ tâm mpơl jêh ma Y-Abraham, Y-Isăk, jêh ri ma Y-Yakôb nhhơ Gâp nơm jêng Brah Ndu Geh Lĕ Nau Brah; ƀiălah Gâp ê hŏ mpơl ôh ma khân păng gĭt tâm amoh Gâp jêng Brah Yêhôva.

Nau Hôr 10:9

Bunuyh gŭ rêh sŏng mra geh nau đăp mpăn, Bi phung tĭng ndô̆ trong kue bu mra ƀư mpơl lĕ kan păng.

Êsai 38:3

“Ơ Brah Yêhôva, dăn kah gĭt hom pô aơ gâp hôm chuat hăn răp jăp tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

Yêrêmi 32:17

‘Ơ Yêhôva Brah Ndu ơi! May yơh geh nau brah toyh jêh ri mpang ti brah toyh may rhăk njêng jêh trôk jêh ri neh ntu! Mâu geh ôh du ntil nau jêng jêr ir ma May.

Daniel 4:35

Lĕ rngôch bunuyh gŭ ta neh ntu jêng tâm ban ma dơm dam. Păng ƀư tĭng nâm nau Păng ŭch da dê ma lĕ manh tâm trôk Nđâp ma phung bunuyh gŭ ta neh ntu. Mâu geh du huê dơi nkân ti Păng Mâu lah ôp: “Moh nau May ƀư?”

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Nau Kơp Bunuyh 11:23

Brah Yêhôva lah ma Y-Môis: “Ti Brah Yêhôva jêng gleh ir lĕ? Ăn may kâp uănh nau Gâp ngơi jêh ma may mra dơi jêng nau ngăn mâu lah mâu!”

Nau Kơp Bunuyh 24:16

Nau mbơh lor tă bơh nơm iăt nau Brah Ndu ngơi, Gĭt nau gĭt rbăng Nơm Dŭt Prêh, Saơ nau tâm saơ tă bơh Nơm Geh Lĕ Nau Brah, Cha lôt ro jêh ri geh măt lin jêh:

Mathay 19:26

Brah Yêsu uănh ma khân păng jêh ri lah: “Kon bunuyh mâu dơi ƀư nau aơ ôh, ƀiălah Brah Ndu dơi ƀư lĕ rngôch nau.”

Mathay 5:48

Pôri ăn khân may jêng bunuyh ueh n'hêl nanê̆ nâm bu Mbơ̆ khân may klơ trôk jêng ueh nanê̆ ngăn.”

Luka 1:6

Lĕ bar hê jêng bunuyh sŏng srăng tanăp Brah Ndu, tông djôt prăp lĕ nau vay jêh ri tĭng nau ntĭm Kôranh Brah ntăm nŭm rĭng ngăn.

Kôranh Oh Mon 23:1

Y-Pôl uănh thâng ma Mpôl Kôranh Phat Dôih jêh ri lah: “Hơi phung oh nâu, tanăp Brah Ndu, gâp gŭ rêh jêh ma nuih n'hâm sŏng tât ta nar aơ.”

Kôranh Oh Mon 24:16

Yor nây, gâp srôih ƀaƀơ gay geh nuih n'hâm sŏng, mâu geh nau nduyh ôh tanăp Brah Ndu jêh ri tanăp kon bunuyh.

Êphêsô 3:20

Brah Ndu jêng Nơm pah kan tâm he ma nau brah Păng, dơi ƀư rlau lơn âk râk ma lĕ nau he mbơh sơm dăn mâu lah he mĭn ŭch.

Nau Vay Nkah Tay 10:17

yorlah Yêhôva Brah Ndu khân may jêng Brah Ndu ma phung brah jêh ri Kôranh Brah ma phung kôranh, jêng Brah Ndu toyh, bêng nau brah jêh ri ăn geh nau klach yơk, jêng Nơm mâu ôh tĭng du dĭng, jêh ri mâu dơn ôh drăp tâm blŏl.

Nau Vay Nkah Tay 18:13

Ăn khân may gŭ răp jăp nanê̆ ngăn ngên đah Yêhôva Brah Ndu khân may.

Nau Vay Nkah Tay 30:20

Rŏng hom ma Yêhôva Brah Ndu, tông bâr Păng, jêh ri tâm rnglăp đah Păng, yorlah Păng jêng nau rêh ma khân may; Păng mra ăn ma khân may dơi gŭ jŏ nar tâm n'gor Brah Yêhôva hŏ ton jêh ăn ma phung chô yau khân may jêng Y-Abraham, Y-Isăk jêh ri Y-Yakôb.”

Philip 4:13

Gâp dơi ƀư lĕ ntil ndơ yor ma Brah Krist ăn n'hâm suan ma gâp.

ហេឞ្រើ 12:28

Yor nây, yor he sŏk dơn du ƀon bri hađăch mâu dơi mpât n'gơ ôh, ăn he gĭt nau lah ueh jêh ri sŏk nuih n'hâm klach yơk tâm nau pah kan ma Brah Ndu gay ƀư maak nuih n'hâm ma Păng;

ហេឞ្រើ 7:25

Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.