Nau Ntơm 15:18 - Nau Brah Ndu Ngơi 2023

¹⁸ Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

Bunong Bible Latin Script Cambodian dialect

¹⁸ Ta nar nây Brah Yêhôva tâm rnglăp ma Ăbram, Păng lah ma Ăbram: “Gâp ăn bri dak dja ma rnoi deh may, ntơm bơh dak rlai bri Êsip ri, tât ma dak rlai kuŏng, jêng dak rlai Ơprat

Bunong

¹⁸ តា​នារ​នៃ​ឞ្រាស​យេហោវា​តឹម​រាង្លាប់​មា​អាប់រាម  ពាង់​លាស​មា​អាប់រាម៖ “គ៝ប់​អ៝ន់​ឞ្រី​ទាក​អ្យា​មា​រាន៝យ​ទែស​មៃ នតើម​ឞើស​ទាក​រាលាយ​ឞ្រី​អេឆីប  ​រី ត៝ត់​មា​ទាក​រាលាយ​ក្វ៝ង់ ជេង​ទាក​រាលាយ​អើប្រាត

Nau Ntơm 15:18 ပူးပေါင်းရင်းမြစ်များ

Nau Ntơm 12:7

Brah Yêhôva tâm mpơl ma Y-Abram jêh ri lah: “Gâp mra ăn n'gor aơ ma noi deh May.” Ta aơ, Y-Abram ndâk du mlâm nơng ƀư brah ăn ma Brah Yêhôva, jêng Nơm hŏ tâm mpơl ma păng.

Nau Ntơm 13:15

Lĕ rngôch n'gor neh may saơ, Gâp mra ăn ma may jêh ri ma noi deh may tât n'ho ro.

Nau Ntơm 2:14

N'hor tal pe amoh Tigris, hoch mpeh luh nar n'gor Asiri. Bi ma n'hor tal puăn jêng dak krong Ơphrat.

Nau Ntơm 24:7

Brah Yêhôva jêng Brah Ndu klơ trôk, Nơm hŏ djôt leo gâp luh bơh ngih mbơ̆ gâp jêh ri ƀon tơm gâp, hŏ ngơi jêh ri ton ma gâp pô aơ: ‘Gâp mra ăn n'gor aơ ma noi deh may!’ Păng nơm mra njuăl phung tông mpăr hăn tanăp may, jêh ri may mra joi ur ma kon bu klâu gâp bơh ntŭk nây.

Nau Ntơm 26:4

Gâp mra ăn noi deh kon bĭk rơ̆ nâm bu mănh tâm trôk jêh ri ăn ma lĕ noi deh may nkual bri aơ. Lĕ rngôch phung ƀon lan tâm neh ntu mra geh nau ueh uĭn yor tă bơh noi deh may;

Nau Ntơm 28:4

Dăn Brah Ndu ăn ma may jêh ri phung noi deh may nau ueh lăng tă bơh Y-Abraham gay ma may dơi dơn n'gor may dôl gŭ, nây jêng n'gor Brah Ndu hŏ ăn jêh ma Y-Abraham!”

Nau Ntơm 35:12

N'gor gâp hŏ ăn jêh ma Y-Abraham jêh ri ma Y-Isăk, Gâp mra ăn đŏng ma may jêh ri ma noi deh may.”

Nau Ntơm 50:24

Y-Yôsep ngơi ma phung nâu păng: “Gâp dăch khĭt, ƀiălah nanê̆ ngăn Brah Ndu mra khâl khân may, njŭn leo khân may luh bơh n'gor aơ gay plơ̆ sĭt ma n'gor Păng hŏ ton jêh ma Y-Abraham, ma Y-Isăk, jêh ri ma Y-Yakôb.”

II Samuel 23:5

Mâu di hĕ ngih gâp nâm bu pônây tanăp măt Brah Ndu? Yorlah Păng hŏ njêng jêh đah gâp du nau tâm rnglăp n'ho ro, Lĕ rngôch nau vay hŏ dăp jêh jêh ri mât mray. Mâu di hĕ lĕ nau tâm rklaih jêh ri lĕ nau gâp ŭch ngăn Păng nơm yơh mra ƀư jêng ƀơh?

II Samuel 8:3

Y-Đavit dơi lơh đŏng hađăch n'gor Sôba jêng Y-Hadadêser, kon Y-Rêhôp, dôl hađăch nây hăn gay ndâk đŏng nau chiă uănh ta n'gor dak krong Ơphrat.

I Phung Hađăch 4:21

Y-Salômôn chiă uănh lĕ rngôch ƀon bri hađăch, ntơm bơh dak krong Ơphrat tât neh phung Philistin, ma tât n'har Êjipt. Lĕ ƀon bri hađăch nây djôt ndơ nhhơr jêh ri pah kan ma hađăch Salômôn lôch du njăr rêh hađăch.

I Phung Hađăch 5:1

Tơlah tăng lư ma Y-Salômôn hŏ bu tŏ jêh dak ƀâu kah gŭ ta sưng hađăch chiă uănh thoi ntrok mbơ̆ păng, hađăch Tyre jêng Y-Hiram prơh phung oh mon păng nơm hăn tât ma Y-Salômôn, yorlah Y-Hiram ăt rŏng ƀaƀơ ma Y-Đavit.

I Nau Rêh Jêng 16:16

Jêng nau Păng tâm rnglăp hŏ ƀư jêh đah Y-Abraham, Hŏ sơm ton ma Y-Isăk,

I Nau Rêh Jêng 5:9

Mpeh luh nar, păng pit sŏk neh ntơm bơh ntŭk lăp bri rdah n'ho tât dak krong Ơphrat, yorlah tâm n'gor Gilêat mpô mpa khân păng rong lĕ bĭk âk ngăn.

II Nau Rêh Jêng 7:8

Dôl nôk nây, Y-Salômôn nkra nau rƀŭn tâm pơh nar. Râng nau rƀŭn nđâp ma hađăch jêh ri lĕ rngôch phung ƀon lan Israel, du phung tâm rƀŭn dŭt âk râk ntơm bơh n'har ƀon Hamat ma tât n'hor dak Êjipt.

II Nau Rêh Jêng 8:7

Lĕ rngôch phung hôm rêh klen tâm phung ndŭl mpôl Hitit, Amôrit, Pêrisit, Hivit jêh ri Jêbusit mâu jêng di Israel ôh,

II Nau Rêh Jêng 9:26

Hađăch chiă uănh lĕ rngôch hađăch, ntơm bơh dak krong Me tât ma n'gor bri Philistin, jêh ri n'ho tât ma n'har neh bri Êjipt.

Êsra 4:20

Ta ƀon Yêrusalem hŏ geh phung hađăch geh nau dăng ktang chiă uănh ta mpeh đah ri dak krong, jêh ri bu nhhơr ndơ, chê̆ pi jêh ri chê̆ prăk rvăt samƀŭt rsong trong ma phung hađăch nây.

Nêhêmi 9:8

Kôranh Brah saơ nuih n'hâm păng răp jăp tanăp măt Kôranh Brah Jêh ri May hŏ ƀư jêh nau tâm rnglăp đah păng Ton ăn ma noi deh păng tâm n'gor phung ƀon lan Kanaan, phung ƀon lan Hitit, phung ƀon lan Amôrit, phung ƀon lan Pêrisit, phung ƀon lan Jêbusit, jêh ri phung ƀon lan Girgasit. Kôranh Brah hŏ ƀư tât di ngăn jêh nau Kôranh Brah ton, yorlah Kôranh Brah jêng sŏng srăng.

Nau Mprơ Ơm 105:11

Tơlah Păng lah pô aơ: “Gâp mra ăn ma may n'gor Kanaan Jêng du kô̆ drăp ndơn ma may.”

Nau Ngluh Êjipt 13:11

“Lah Brah Yêhôva hŏ njŭn jêh khân may lăp ta n'gor Kanaan, tâm ban Păng hŏ ton jêh ma khân may jêh ri chô yau khân may, jêh ri lah Păng hŏ ăn jêh n'gor nây ma khân may,

Nau Ngluh Êjipt 2:24

Brah Ndu tăng nau khân păng lung nter jêh ri kah gĭt tay nau tâm rnglăp hŏ ƀư đah Y-Abraham, Y-Isăk, jêh ri Y-Yakôb.

Nau Ngluh Êjipt 23:23

Yorlah tông mpăr Gâp mra hăn panăp kon, njŭn kon mŭt tâm n'gor phung Amôrit, Hitit, Pêrisit, Kanaan, Hivit jêh ri Jêbusit; jêh ri Gâp mra ƀư rai lơi khân păng.

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Nau Ngluh Êjipt 32:13

Dăn Kôranh Brah kah gĭt tay ma Y-Abraham, Y-Isăk jêh ri Y-Israel, jêng phung oh mon May, May hŏ sŏk amoh May nơm jêh ri ton jêh đah khân păng pô aơ: ‘Gâp mra ƀư ma noi deh khân may âk tâm ban bu mănh tâm trôk. Gâp mra ăn ma noi deh khân may lĕ n'gor aơ, jêng n'gor Gâp hŏ ngơi jêh ma khân may, jêh ri khân păng mra ndơn n'gor nây n'ho ro.’”

Nau Ngluh Êjipt 34:11

Njrăng hom ma nau gâp ntĭnh ma may nar aơ. Aơ, Gâp mra nsot tă bơh tanăp khân may phung Amôrit, phung Kanaan, phung Hitit, phung Pêrisit, phung Hivit, jêh ri phung Jêbusit.

Nau Ngluh Êjipt 34:24

Yorlah Gâp mra nsot phung băl mpôl bơh panăp may jêh ri ƀư dĭ n'har bri may; mâu lĕ bu mra kơnh ma n'gor may dôl may hăn nhhơ tanăp Yêhôva Brah Ndu may ăp năm pe tơ̆.

Nau Ngluh Êjipt 6:4

Gâp hŏ ƀư jêh nau tâm rnglăp đah khân păng gay ăn n'gor Kanaan, jêng n'gor khân păng hŏ gŭ njưh nâm phung bu năch.

Nau Ngluh Êjipt 6:8

Gâp mra djôt khân may lăp tâm n'gor Gâp hŏ ton jêh ăn ma Y-Abraham, Y-Isăk, Y-Yakôb, jêh ri ăn n'gor nây jêng drăp ndơn ma khân may: Gâp jêng Brah Yêhôva.’”

Êsai 27:12

Jêh nây mra tât nar Brah Yêhôva mra mbang ba ntơm bơh Dak Krong Me tât ta dak n'hor bri Êjipt; ơ phung ƀon lan Israel, khân may mra dônh tĭng du huê du huê!

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Yêrêmi 32:22

May ăn jêh ma khân păng bri aơ, du mlâm bri geh ndơ sông sa rmeh ler, May hŏ ton jêh ăn ma phung chô yau khân păng.

Yêrêmi 32:40

Gâp mra ndâk ma khân păng du nau tâm rnglăp n'ho ro: Gâp mâu chalơi khân păng ôh jêh ri mâu rlu ăn nau ueh ma khân păng. Gâp mra dơm nau klach yơk ma Gâp tâm nuih n'hâm khân păng gay ma khân păng mâu chalơi Gâp đŏng ôh.

Kan Lêvi 26:42

Gâp mra kah gĭt tay nau tâm rnglăp hŏ ƀư jêh đah Y-Yakôb, Gâp mra kah gĭt tay nau tâm rnglăp hŏ ƀư jêh đah Y-Isăk, tâm ban đŏng ma nau tâm rnglăp đah Y-Abraham, jêh ri Gâp mra kah gĭt tay ma n'gor aơ.

Kan Lêvi 26:45

Ƀiălah yor ma khân păng, Gâp mra kah gĭt tay nau tâm rnglăp hŏ ƀư jêh đah phung chô yau khân păng jêng phung Gâp hŏ ngluh jêh luh bơh Êjipt tanăp măt phung ndŭl mpôl bunuyh gay ƀư Brah Ndu khân păng. Gâp jêng Brah Yêhôva.’”

Nau Kơp Bunuyh 34:5

N'har mra ndăch ntơm bơh Asmôn tât ta dak n'hor Êjipt jêh ri lôch ta dak mƀŭt.

Kôranh Oh Mon 7:5

Brah Ndu mâu ăn drăp ndơ ma păng ôh tâm n'gor aơ, nđâp lah du nđam neh lum mpang jâng mâu geh lĕ, ƀiălah Păng ton ma păng jêh ri noi deh păng mra pit sŏk n'gor aơ, nđâp tơlah nôk nây Y-Abraham ê hŏ geh kon.

Nau Vay Nkah Tay 11:24

Lĕ rngôch ntŭk mpang jâng khân may jot mra jêng ndơ khân may. N'har neh khân may mra ntơm bơh bri rdah tât ta Liban, bơh dak krong Ơphrat tât ta Dak Mƀŭt Nhâp Nar.

Nau Vay Nkah Tay 12:20

Lah Yêhôva Brah Ndu khân may pơk huy n'har bri ma khân may tĭng nâm Păng hŏ lah jêh, jêh ri khân may lah: ‘Gâp mra sa puăch,’ yorlah khân may ŭch ngăn sa puăch, pôri khân may dơi sa ndah dŭm khân may ŭch.

Nau Vay Nkah Tay 19:8

Tơlah Yêhôva Brah Ndu pơk huy n'har bri khân may, tâm ban Păng hŏ ton jêh ma phung chô yau khân may, jêh ri tơlah Păng ăn ma khân may dĭng lĕ n'gor Păng hŏ ton jêh ma phung chô yau khân may,

Nau Vay Nkah Tay 34:4

Brah Yêhôva lah ma păng: “Aơ yơh jêng n'gor Gâp hŏ ton ăn ma Y-Abraham, ma Y-Isăk jêh ri ma Y-Yakôb nôk Gâp lah: ‘Gâp mra ăn n'gor aơ ma noi deh may.’ Gâp ăn may uănh saơ ma măt n'gor aơ ƀiălah may mâu mra dơi lăp ôh ta n'gor nây.”

Nau Vay Nkah Tay 7:1

“Lah Yêhôva Brah Ndu khân may hŏ njŭn khân may lăp tâm n'gor khân may bơi sŏk dơn gay jêng drăp ndơn, Păng mra mprơh tă bơh tanăp khân may âk phung ndŭl mpôl tâm ban phung Hitit, phung Girgasit, phung Amôrit, phung Kanaan, phung Pêrisit, phung Hivit jêh ri phung Jêbusit, jêng pơh ndŭl mpôl ktang lơn jêh ri âk lơn ma khân may.

ហេឞ្រើ 13:20

Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,

Yôsuê 13:3

ntơm bơh dak krong Sihôr tâm tham đah Êjipt kŏ tât ta n'har neh Êkron mpeh pa lơ, bri nây bu kơp jêng bri phung Kanaan (prăm nuyh hađăch phung Philistin jêng hađăch ƀon Gaxa, ƀon Asdôt, ƀon Askalôn, ƀon Gat, jêh ri ƀon Êkron). N'gor neh phung Avim

Yôsuê 15:4

hăn rgăn mpeh Asmôn, lăp tâm Dak N'hor Êjipt jêh ri hăn tât ta lôch dak mƀŭt. Nây mra jêng n'har mpeh pa dâng khân may.

Nau Tâm Mpơl 9:14

Bâr ngơi nây lah ma tông mpăr rơh prao dôl djôt nŭng pô aơ: “Mƀơk luh hom puăn nuyh tông mpăr bu chăp jêh ta dak krong toyh Ơphrat.”