Nau Ntơm 15:17 - Nau Brah Ndu Ngơi 2023

¹⁷ Nôk nar lĕ nhâp jêh ri nau ngo nkŭm, ri, geh du mlâm ŭnh năk dôl luh nhhŭk jêh ri geh ŭnh rdo hit ngăn hăn rgăn ta klang puăch mpa hŏ blah bar buh nây.

Bunong Bible Latin Script Cambodian dialect

¹⁷ Tât nar lĕ nhŏp, bri lĕ ngo, ta nây dô ma say geh glah nhhuk ŭnh, n'ho ma geh ŭnh hit rŏ vah vang puăch i plah plah ri nơh đŏng.

Bunong

¹⁷ ត៝ត់​នារ​លែៈ​ញ៝ប់ ឞ្រី​លែៈ​ង៝ តា​នៃ​ទោ​មា​ឆៃ​គែស​គ្លាស​ញហូក​អុញ នហ៝​មា​គែស​អុញ​ហីត​រ៝ៈ​វាស​វាង​ព្វាច់​អី​ព្លាសៗ​រី​នើស​ដ៝ង់។

Nau Ntơm 15:17 ပူးပေါင်းရင်းမြစ်များ

Nau Ntơm 15:10

Y-Abram nhhơr ma Păng lĕ rngôch ndơ nây, blah khân păng jêng bar buh jêh ri dơm du đah pa aơ tâm tham đah du đah pa tê̆, ƀiălah mâu blah ôh lĕ ntil sĭm.

II Samuel 22:9

Nhhŭk ŭnh luh bơh trôm muh păng; Mpiăt ŭnh hit luh bơh trôm mbung Păng, Jêh ri sa ônh rnga hĭt tă bơh Păng.

I Phung Hađăch 18:38

Ŭnh Brah Yêhôva trŭnh bơh klơ, su ndơ ƀư brah gŭch, long, lŭ, ndruyh neh, jêh ri djrêp lơi dak tâm n'hor.

I Nau Rêh Jêng 21:26

Ta nây, Y-Đavit ndâk nơng ƀư brah ma Brah Yêhôva, nhhơr lĕ ndơ ƀư brah gŭch, ndơ ƀư brah ma nau đăp mpăn, jêh ri kuăl mbơh sơm ma Brah Yêhôva. Păng plơ̆ lah ma păng ma ŭnh tă bơh trôk trŭnh ta klơ nơng ƀư brah nhhơr ndơ ƀư brah gŭch.

Nau Ngluh Êjipt 19:18

Lĕ yôk Sinai bêng ma nhhŭk ŭnh, yor Brah Yêhôva gŭ tâm nklang ŭnh jêh ri jŭr ta nây. Nhhŭk ŭnh hao leo klơ nâm bu nhhŭk ŭnh bơh ŭnh năk toyh, jêh ri lĕ yôk nây n'gơ dăng ngăn.

Nau Ngluh Êjipt 20:18

Nôk lĕ rngôch phung ƀon lan saơ nglaih lơp jêh ri tăng bâr nŭng jêh ri yôk luh nhhŭk ŭnh, phung ƀon lan râm sâr jêh ri dâk gŭ ngai.

Êsai 62:1

Yorlah Siôn, Gâp mâu mra gŭ rklăk ôh, Yorlah Yêrusalem, Gâp mâu mra rlu ôh, Kŏ tât nau sŏng srăng păng nchrat tâm ban ma nau ang, Jêh ri nau tâm rklaih păng tâm ban ma ŭnh rdo hôm hit.

Yêrêmi 11:4

Gâp hŏ ntăm ăn ma chô yau khân may dôl Gâp djôt khân păng du luh bơh n'gor bri Êjipt, luh bơh năk ŭnh loih nây. Gâp hŏ ntĭnh khân păng: Iăt hom nau Gâp, ƀư tĭng lĕ ntil nau Gâp nti gay ma khân may ƀư phung ƀon lan Gâp, jêh ri Gâp ƀư Brah Ndu ma khân may.

Nau Vay Nkah Tay 4:20

Bi khân may, Brah Yêhôva hŏ săch jêh ri njŭn leo khân may luh tă bơh ŭnh năk loih ri, jêng n'gor Êjipt, gay khân may jêng du phung ƀon lan êng Păng nơm, jêng drăp ndơn Păng, tâm ban khân may jêng nar aơ.

Phung Kôranh Phat Dôih 13:20

Tơlah chiông ŭnh tă bơh nơng ƀư brah hao leo klơ trôk tông mpăr Brah Yêhôva tâm ban đŏng hao tâm chiông ŭnh tă bơh nơng nây. Saơ pônây, Y-Manôa jêh ri ur păng uănh nau nây khân păng păn muh măt ta neh.

Phung Kôranh Phat Dôih 6:21

Nôk nây, tông mpăr Brah Yêhôva djôt mâng jra ta ti, nđĭl chiông mâng ta puăch jêh ri ta piăng let mâu geh ndrui. Geh ŭnh hit tă bơh lŭ su puăch jêh ri piăng let mâu geh ndrui. Jêh nây tông mpăr Brah Yêhôva du roh tanăp măt păng.