Nau Ntơm 15:1 - Nau Brah Ndu Ngơi 2023

¹ Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

Bunong Bible Latin Script Cambodian dialect

¹ Jêh nau i nây Brah Yêhôva ăn ma Ăbram say ndơ ta nau tâm mpơl, lah ma păng kơt nđa: “Ơ Ăbram may lơi klach ôh, yorlah Gâp jêng khêl ma may, ndrel ma ăn ndơ nkhôm dŭt kuŏng ma may đŏng”.

Bunong

¹ ជេស​នាវ​អី​នៃ​ឞ្រាស​យេហោវា​អ៝ន់​មា​អាប់រាម​ឆៃ​នទើ​តា​នាវ​តឹម​មពើល លាស​មា​ពាង់​កើត​នអា៖ “អើ​អាប់រាម  ​មៃ​លើយ​ក្លាច​អោស យ៝រ​លាស​គ៝ប់​ជេង​ខេល​មា​មៃ នទ្រែល​មា​អ៝ន់​នទើ​ងខោម​ទុត​ក្វ៝ង់​មា​មៃ​ដ៝ង់”។

Nau Ntơm 15:1 ပူးပေါင်းရင်းမြစ်များ

Nau Ntơm 15:2

Ƀiălah Y-Abram ơh: “Hơi Kôranh Brah jêng Brah Yêhôva, moh ndơ May mra ăn ma gâp? Gâp mâu geh ôh oh kon, jêh ri bunuyh ndơn drăp gâp jêng Y-Êliêser, bunuyh Damas.”

Nau Ntơm 15:4

Brah Yêhôva lah ma Y-Abram: “Nây mâu di jêng bunuyh ndơn drăp may ôh, ƀiălah bunuyh luh bơh ndŭl proch may nơm ri mơ jêng bunuyh ndơn drăp may.”

Nau Ntơm 21:17

Brah Ndu tăng bâr kon se nhĭm, tông mpăr Brah Ndu bơh klơ trôk kuăl H'Agar jêh ri lah: “H'Agar, moh geh nau ma ay? Lơi klach ôh! Yorlah Brah Ndu lĕ tăng jêh bâr kon se jê̆ nhĭm ta ntŭk păng gŭ nây.

Nau Ntơm 22:1

Jêh lĕ nau nây, Brah Ndu rlong uănh Y-Abraham. Brah Ndu kuăl păng: “Hơi Y-Abraham!” Păng ơh: “Gâp ta aơ.”

Nau Ntơm 22:20

Jêh lĕ nau nây, bu mbơh ma Y-Abraham: “Aơ, tâm ban đŏng H'Milka đah oh may Y-Nahôr deh phung kon.

Nau Ntơm 26:24

Tâm măng nây, Brah Yêhôva tâm mpơl jêh ri lah đah păng: “Gâp jêng Brah Ndu Y-Abraham, mbơ̆ kon. Lơi klach ôh, yorlah Gâp gŭ ndrel ma kon. Gâp mra ăn nau ueh uĭn ma kon jêh ri ƀư ma noi deh kon bĭk rơ̆, yor Y-Abraham jêng oh mon Gâp!”

Nau Ntơm 31:7

ƀiălah mbơ̆ khân ay ndơm jêh gâp, jêh ri tâm rgâl jât tơ̆ prăk nkhôm ma gâp pah kan. Ƀiălah Brah Ndu mâu ăn ôh păng ƀư nau mhĭk ma gâp.

II Samuel 22:3

Brah Ndu gâp jêng lŭ toyh gâp, jêng ntŭk gâp gŭ krap, Jêng khêl jêh ri jêng nke ma nau tâm rklaih gâp, Jêng pôih nâp jêh ri ntŭk gâp gŭ krap, Nơm tâm rklaih gâp ăn gâp rklaih tă bơh phung djơh mhĭk.

II Phung Hađăch 1:15

Tông mpăr Brah Yêhôva lah ma Y-Êli: “Hăn jŭr hom ma bunuyh aơ, lơi klach ma păng ôh.” Pôri, Y-Êli dâk hăn jŭr ndrel ma kôranh nây gay tâm mâp ma hađăch.

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

Nau Mprơ Ơm 115:10

Ơ ngih Arôn, rnơm nsing hom ma Brah Yêhôva: Păng jêng nơm kơl jêh ri khêl khân păng.

Nau Mprơ Ơm 119:114

May jêng ntŭk gâp krap jêh ri khêl gâp; Gâp kâp gân tâm nau May ngơi.

Nau Mprơ Ơm 142:5

Ơ Brah Yêhôva, gâp kuăl dăn ma May pô aơ: “May jêng ntŭk gâp gŭ krap, Jêng ndơ bu pă ma gâp tâm n'gor bri phung rêh.”

Nau Mprơ Ơm 18:2

Brah Yêhôva jêng lŭ toyh ma gâp, pôih nâp gâp jêh ri jêng Nơm tâm rklaih gâp. Brah Ndu gâp jêng lŭ toyh gâp, gâp gŭ krap tâm May Păng jêng khêl, jêng nke ma nau tâm rklaih, jêh ri jêng ntŭk gâp gŭ krap tâm ban lĕ.

Nau Mprơ Ơm 27:1

Brah Yêhôva jêng nau ang jêh ri nau tâm rklaih gâp, Ma mbu hôm gâp klach? Brah Yêhôva jêng pôih nâp nau rêh gâp, Ma mbu hôm gâp klach?

Nau Mprơ Ơm 3:3

Ƀiălah Ơ Brah Yêhôva! May jêng khêl king n'gang gâp; May jêng nau chrêk rmah gâp jêh ri jêng Nơm ƀư ma gâp dơi n'gơr bôk.

Nau Mprơ Ơm 3:4

Bâr gâp kuăl nteh dăn ma Brah Yêhôva, Jêh ri tă bơh yôk kloh ueh, May plơ̆ lah ma gâp. (Sêla)

Nau Mprơ Ơm 5:12

Ơ Brah Yêhôva, yorlah May yơh mra ăn nau ueh uĭn ma phung sŏng srăng, Sŏk nau rŏng Kôranh Brah nkŭm nking bunuyh nây nâm bu khêl.

Nau Mprơ Ơm 58:11

Bu mra lah pô aơ: “Nanê̆ geh nau nkhôm ma nơm sŏng srăng, Nanê̆ ngăn, Brah Ndu dôl phat dôih tâm neh ntu.”

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Nau Mprơ Ơm 84:9

Ơ Brah Ndu jêng khêl ma hên; Dăn uănh muh măt ma nơm May dơi tŏ dak ƀâu kah.

Nau Mprơ Ơm 91:4

Păng mra sŏk rsau Păng king n'gang may Jêh ri may mra du krap tâm dâng năr Păng; Nau răp jăp Păng jêng khêl toyh jêh ri khêl jê̆ may.

Nau Ngluh Êjipt 14:13

Y-Môis lah ma phung ƀon lan: “Lơi klach ôh, iăt ma gŭ nâp jêh ri mra saơ nau tâm rklaih bơh Brah Yêhôva mra ƀư ăn ma khân may nar aơ. Lĕ phung Êjipt khân may saơ nar aơ mâu hôm ôh mra saơ.

Nau Hôr 11:18

Bunuyh ƀư nau ƀai dơn rnoh nkhôm ma nau ndơm, Ƀiălah bunuyh srih nau sŏng srăng dơi geh nau nkhôm n'hêl nanê̆ ngăn.

Nau Hôr 30:5

Lĕ nau Brah Ndu Ngơi dơi geh nau rlong da dê; Păng jêng khêl ma bunuyh rnơm nsing tâm Păng.

Êsai 35:4

Lah hom ma phung geh nuih n'hâm klach pô aơ: “Gŭ nâp hom nuih n'hâm, lơi klach ôh! Aơ, Brah Ndu khân may mra văch ma nau plơng bôk, Jêng nau plơng bơh Brah Ndu. Păng yơh mra văch jêh ri tâm rklaih khân may!”

Êsai 40:10

Aơ, Kôranh Brah Yêhôva mra văch ma nau brah, Păng mra chiă uănh ma ti Păng. Aơ, nau Păng nkhôm gŭ ndrel Păng, Nau Păng plơng gŭ tanăp Păng.

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 43:1

Aƀaơ Brah Yêhôva lah: Ơ phung Yakôb! Nơm hŏ rhăk njêng jêh khân may, Ơ phung Israel! Nơm hŏ rhăk njêng khân may, lah: “Lơi klach ôh, yorlah Gâp hŏ chuai jêh may. Gâp hŏ kuăl jêh amoh may jêh ri may jêng ndơ Gâp.

Êsai 43:5

Lơi klach ôh, yorlah Gâp gŭ ndrel ma may, Gâp mra djôt noi deh may tât tă bơh mpeh luh nar, Jêh ri tâm rƀŭn may tă bơh mpeh nhâp nar.

Êsai 44:2

Brah Yêhôva jêng Nơm njêng jêh may, Hŏ mon jêh may tâm ndŭl me, jêh ri mra kơl may; Păng lah: Ơ phung Yakôb, oh mon Gâp, Jêh ri Yêsurun, nơm Gâp săch jêh, lơi klach ôh!

Êsai 44:8

Lơi klach ôh, mâu rŭng răng. Mâu di hĕ Gâp mbơh nau nây ma khân may bơh jŏ jêh? Khân may jêng phung mbơh ngăn ma Gâp. Rlau ma Gâp, hôm geh Brah Ndu êng đŏng? Nanê̆ ngăn, mâu geh Lŭ Toyh êng ôh; Gâp gĭt mâu hôm geh nơm êng ôh.”

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Yêrêmi 39:17

Brah Yêhôva lah: ‘Ƀiălah tâm nar nây, Gâp mra rklaih may, may mâu mra jao tâm ti phung bunuyh ƀư ăn may klach ôh.

Nau Nhĭm Vơl 3:24

Gâp lah êng, “Brah Yêhôva jêng drăp ndơn ma gâp, Yor nây gâp kâp gân ta Păng.”

Êsêkiêl 1:1

Năm rơh pe jât, năng prăm ta khay puăn, dôl gâp gŭ ta nklang phung bu nă, gŭ ta kơh dak krong Kêbar, lĕ ndâr trôk pơk jêh ri gâp geh nau tâm saơ Brah Ndu mpơl ma gâp.

Êsêkiêl 11:24

Huêng Brah chông gâp leo klơ jêh ri ma nau tâm saơ, Huêng Brah, Brah Ndu dơi njŭn gâp lăp n'gor bri Kaldê, tât ma phung bu mprơh du jêng bu nă. Jêh ri nau tâm mpơl gâp hŏ saơ du jêh bơh gâp.

Êsêkiêl 3:4

Păng lah tay: “Hơi kon bunuyh, hăn hom ma ngih Israel jêh ri mbơh nau Gâp ngơi ăn ma khân păng.

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Nau Kơp Bunuyh 18:20

Brah Yêhôva lah ma Y-Arôn: “May mâu mra geh drăp ndơn ôh tâm n'gor nây jêh ri đŏng mâu geh moh kô̆ ta nklang phung ƀon lan nây; Gâp nơm jêng kô̆ prăp ma may jêh ri jêng drăp ndơn may ta nklang phung ƀon lan Israel.

Nau Kơp Bunuyh 24:4

Nau mbơh lor tă bơh nơm tăng jêh nau Brah Ndu ngơi, Jêng nơm saơ jêh nau tâm saơ bơh Nơm Geh Lĕ Nau Brah, Păng cha lôt jêh ri măt lin jêh:

Mathay 28:5

Ƀiălah tông mpăr lah ma phung bu ur nây: “Lơi klach ôh, yorlah gâp gĭt khân ay joi Brah Yêsu, Nơm bu pâng kđĭn ta si tâm rkăng.

Mathay 8:26

Brah Yêsu lah: “Hơi phung geh djê̆ nau chroh ri, mâm ƀư khân may klach?” Păng dâk ro buay sial jêh ri dak mƀŭt, khân păng nsrŭng ro jêh ri rngân njup.

Luka 1:13

Ƀiălah tông mpăr đă ma păng: “Aơ, hơi Y-Sakari, lơi klach ôh! Yorlah Brah Ndu hŏ tăng jêh nau may mbơh sơm. H'Êlisabet, ur may, mra deh du huê kon bu klâu; may mra tâm amoh păng Y-Yôhan.

Luka 1:30

Tông mpăr lah tay: “Hơi H'Mari, lơi klach ôh yorlah ay geh jêh nau yô̆ tanăp Brah Ndu.

Luka 12:32

Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.

Kôranh Oh Mon 10:22

Khân păng plơ̆ lah, “Kôranh tahan Kôrnei jêng bunuyh sŏng srăng, klach yơk ma Brah Ndu, lĕ rngôch phung Yuđa mbơh nkoch ueh ma păng. Geh tông mpăr kloh ueh, đă kuăl may hăn ta ngih păng, ŭch iăt nau may nti lah.”

I Kôrintô 3:22

nđâp tơlah Y-Pôl, Y-Apôlôs mâu lah Y-Sêphas; nđâp tơlah neh ntu, nau rêh, mâu lah nau khĭt, aƀaơ aơ mâu lah tâm nar kăndơ̆; lĕ rngôch jêng ndơ khân may da dê,

Nau Vay Nkah Tay 18:2

Khân păng mâu mra geh drăp ndơn ôh ta nklang phung oh nâu khân păng; Brah Yêhôva nơm jêng drăp ndơn ma khân păng, tĭng nâm Păng hŏ lah jêh.

Nau Vay Nkah Tay 31:6

Ăn dăng ktang jêh ri janh nănh! Lơi ta klach, lơi ir krit tanăp măt phung ƀon lan nây, yorlah Yêhôva Brah Ndu khân may yơh hăn ndrel ma khân may. Păng mâu mra tâm nkhah ôh bơh ma khân may, mâu lĕ chalơi khân may!”

ហេឞ្រើ 1:1

Rnôk rô̆ kăl e, Brah Ndu hŏ dŏng phung mbơh lor ntĭm nti ma phung chô yau he âk tơ̆, âk trong.

Nau Tâm Mpơl 1:17

Tơlah saơ Păng, gâp cha lôt ta jâng Păng nâm bu khĭt. Ƀiălah Păng pah ti ma Păng klơ gâp jêh ri lah: “Lơi klach ôh, Gâp jêng Nơm Lor Lơn jêh ri Nơm Nglĕ Dŭt,

Bu ur Rut 2:12

Dăn Brah Yêhôva nsĭt lah nau ay hŏ ƀư jêh. Dăn ma Păng ăn nau nkhôm ma ay rmeh ler yorlah ay hŏ văch jêh gay nde tâm dâng năr Yêhôva Brah Ndu phung Israel.”

I Samuel 15:10

Nôk nây, geh nau Brah Yêhôva lah ma Y-Samuel:

I Samuel 9:9

(Nar kăl e, tâm n'gor Israel, tơlah bu hăn ôp nau mĭn Brah Ndu, păng vay lah: “Văch hom! He hăn hom mâp ma nơm geh nau tâm saơ”; yorlah bunuyh bu ntơ nơm mbơh lor nar aơ, nar kăl e bu ntơ nơm geh nau tâm saơ.)