Nau Ntơm 13:2 - Nau Brah Ndu Ngơi 2023

² Y-Abram ndrŏng ngăn geh âk mpô mpa rong, prăk jêh ri mah.

Bunong Bible Latin Script Cambodian dialect

² Ăbram geh mpômpa (siŭm), ndrel ma prăk mayh ŏk ngăn.

Bunong

² អាប់រាម​គែស​មពោមពា​(ឆ្យុម) នទ្រែល​មា​ព្រាក់​មាយ្ស​អ៝ក់​ងាន់។

Nau Ntơm 13:2 ပူးပေါင်းရင်းမြစ်များ

Nau Ntơm 12:16

Yor bu ur nây Pharaôn ƀư nau vơt ueh ăn ma Y-Abram, jêh ri ăn Y-Abram dơi geh âk biăp, ndrôk, seh bri nkuăng, seh bri me, seh samô, oh mon bu klâu jêh ri bu ur.

Nau Ntơm 13:6

Tâm n'gor nây mâu tŏng ntŭk ma bar hê gŭ nsum, yorlah drăp ndơ khân păng âk ngăn, kŏ tât mâu dơi rêh ndrel.

Nau Ntơm 24:1

Y-Abraham lĕ ranh jêh, năm lĕ âk; jêh ri Brah Yêhôva ăn jêh nau ueh uĭn ma Y-Abraham tâm ăp ntil ndơ.

Nau Ntơm 24:35

Brah Yêhôva hŏ ăn nau ueh uĭn âk ma kôranh gâp jêh ri ăn ma kôranh gâp jêng ndrŏng. Păng ăn ma kôranh gâp biăp ndrôk, prăk mah, phung oh mon bu klâu bu ur, seh samô jêh ri seh bri.

Nau Ntơm 26:14

Păng geh âk phung biăp, ndrôk jêh ri oh mon âk ngăn yor ri phung Philistin mâu nach ma păng.

Nau Ntơm 30:43

Kơt nây, Y-Yakôb lơ hao ndrŏng lơ hô jêng, geh âk phung mpô mpa rong, phung kơl kan bu ur, bu klâu, seh samô jêh ri seh bri.

Ndrom Samƀŭt bơh Yôp 1:10

Mâu di bơh may hŏ ndâk n'gar king n'gang jŭm păng jêh ri rnăk vâl nđâp ma lĕ rngôch drăp ndơ păng ƀơh? May hŏ ăn nau ueh uĭn tâm kan ti păng pah jêh ri ƀư ma drăp ndơ păng bêng lam neh.

Ndrom Samƀŭt bơh Yôp 1:3

Drăp ndơ păng geh: Pơh rbăn mlâm biăp, pe rbăn mlâm seh samô, prăm rhiăng trŭp ndrôk, prăm rhiăng mlâm seh bri me jêh ri âk oh mon. Păng jêng bunuyh ndrŏng lơn tâm phung ƀon lan bri mpeh luh nar.

Nau Hôr 10:22

Nau ueh uĭn bơh Brah Yêhôva ƀư ăn ndrŏng; Păng mâu hôm ntop ôh nau hŏt rgănh jâk jêr.

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

Nau Vay Nkah Tay 8:18

Ƀiălah ăn kah gĭt ma Yêhôva Brah Ndu khân may, yorlah Păng jêng Nơm ăn ma khân may n'hâm suan gay njêng nau ndrŏng aơ, gay ƀư nau tâm rnglăp Păng hŏ ton jêh ma phung chô yau khân may, nâm bu Păng dôl ƀư nar aơ.

I Timôthê 4:8

yorlah nau nsrôih nti ma săk jăn knŏng jêng khlay djê̆ djê̆, ƀiălah nau klach yơk jêng khlay lơn ma lĕ rngôch nau, yorlah geh nau ton ma nau rêh rnôk aơ jêh ri ma nau rêh rnôk kăndơ̆ đŏng.

I Samuel 2:7

Brah Yêhôva ƀư ăn o ach, jêh ri ƀư ăn ndrŏng kuăng; Păng ntrŭnh bu, jêh ri Păng n'hao tay bu tâm ban lĕ. Djôt leo bunuyh o ach luh bơh ndruyh neh, Jêh ri pư bunuyh ndĭt trơi hao tă bơh mbŭch ŭnh buh, Dơm ăn khân păng gŭ ndrel ma phung kôranh, Jêh ri ăn ma khân păng dơn ntŭk chrêk rmah;