Nau Ntơm 13:16 - Nau Brah Ndu Ngơi 2023

¹⁶ Gâp mra ƀư ma noi deh may jêng âk tâm ban ndruyh klơ neh; tơlah mbu nơm dơi kơp ndruyh klơ neh ri mơ dơi kơp đŏng noi deh may.

Bunong Bible Latin Script Cambodian dialect

¹⁶ Gâp ăn may rnoi deh bâk rơ̆ ŏk tâm ban ma neh môi, mâu geh ôh bunuyh dơi kơp, tâm ban ma bu mâu dơi kơp neh môi nây đŏng.

Bunong

¹⁶ គ៝ប់​អ៝ន់​មៃ​រាន៝យ​ទែស​ឞឹក​រឹ​អ៝ក់​តឹម​ឞាន​មា​នែស​មោយ មោ​គែស​អោស​ឞូនុយ្ស​ទើយ​កើប តឹម​ឞាន​មា​ឞូ​មោ​ទើយ​កើប​នែស​មោយ​នៃ​ដ៝ង់។

Nau Ntơm 13:16 ပူးပေါင်းရင်းမြစ်များ

Nau Ntơm 15:5

Păng leo Y-Abram luh padih jêh ri lah: “N'gơr hom măt uănh klơ trôk jêh ri tơlah may dơi kơp lĕ mănh, kơp hom.” Jêh nây Păng lah tay ma Y-Abram: “Noi deh may mra tâm ban kơt nây đŏng.”

Nau Ntơm 16:10

Tông mpăr Brah Yêhôva lah ma păng: “Gâp mra ƀư ăn noi deh ay bĭk rơ̆ âk râk, kŏ tât bu mâu dơi ôh kơp.”

Nau Ntơm 17:16

Gâp mra ăn nau ueh uĭn ma păng, jêh ri tă bơh păng Gâp mra ăn ma may du huê kon bu klâu, Gâp mra ăn nau ueh uĭn ma păng, păng mra jêng mê̆ ma âk phung ƀon lan; phung hađăch ma âk phung ƀon lan luh tă bơh păng da dê.”

Nau Ntơm 17:2

Gâp mra ƀư nau tâm rnglăp đah may, jêh ri ăn noi deh may bĭk rơ̆ âk râk.”

Nau Ntơm 17:20

Bi ma Y-Ismaêl, Gâp iăt jêh nau may mbơh sơm. Aơ, Gâp mra ăn nau ueh uĭn ma păng, ƀư ma păng bĭk rơ̆ dŭt âk. Păng mra jêng chô yau ma jât ma bar kon hađăch, jêh ri Gâp mra ƀư ma păng jêng du phung mpôl băl toyh.

Nau Ntơm 17:6

Gâp mra ăn may geh bĭk rơ̆ dŭt âk, tă bơh may mra luh âk phung ƀon lan, jêh ri phung hađăch mra luh tă bơh may đŏng.

Nau Ntơm 18:18

Nanê̆ Y-Abraham mra jêng du mpôl băl toyh jêh ri geh nau dăng ktang; lĕ rngôch phung ƀon lan klơ neh ntu tă bơh păng da dê mra geh nau ueh uĭn.

Nau Ntơm 21:13

Gâp mra njêng đŏng ma kon bu klâu bơh bu ur kơl kan aơ dơi jêng du phung ƀon lan, yorlah păng jêng kon may đŏng.”

Nau Ntơm 22:17

Gâp mra ăn nau ueh uĭn ma may âk ngăn, ƀư ma noi deh may âk tâm ban nâm mănh tâm trôk, âk tâm ban nâm choih kơh dak mƀŭt, jêh ri noi deh may mra dơi pit mpông ƀon phung rlăng.

Nau Ntơm 26:4

Gâp mra ăn noi deh kon bĭk rơ̆ nâm bu mănh tâm trôk jêh ri ăn ma lĕ noi deh may nkual bri aơ. Lĕ rngôch phung ƀon lan tâm neh ntu mra geh nau ueh uĭn yor tă bơh noi deh may;

Nau Ntơm 28:14

Noi deh may mra âk tâm ban ma ndruyh neh, gŭ lam luh nar, nhâp nar, pa dâng, pa lơ, jêh ri lĕ rngôch phung mpôl băl bunuyh tâm neh ntu mra geh nau ueh uĭn yor bơh may jêh ri yor bơh noi deh may.

Nau Ntơm 28:3

Dăn Brah Ndu Geh Lĕ Nau Brah ăn nau ueh uĭn ma may, ƀư ăn noi deh kon bĭk rơ̆ dŭt âk jêh ri dơi jêng du phung ƀon lan âk.

Nau Ntơm 32:12

Ƀiălah May nơm hŏ ton jêh ma gâp: ‘Nanê̆ May mra ƀư ueh ma gâp jêh ri ƀư ma noi deh gâp âk tâm ban ma choih dak mƀŭt, bu mâu dơi kơp ôh yor dŭt âk.’”

Nau Ntơm 32:13

Păng bê̆ch măng ta nây, jêh nây săch tâm lĕ ntil ndơ păng geh gay ƀư ndơ ăn ma Y-Êsau, nâu păng.

Nau Ntơm 35:11

Brah Ndu lah tay ma păng: “Gâp jêng Brah Ndu Geh Lĕ Nau Brah; ăn deh hom kon jêh ri bĭk rơ̆ âk râk. Du phung ƀon lan jêh ri du phung ƀon lan toyh mra luh tă bơh may, jêh ri tă bơh noi deh may mra luh phung hađăch.

Nau Ntơm 46:3

Brah Ndu lah: “Gâp jêng Brah Ndu, Brah Ndu mbơ̆ may. Lơi klach ôh dôl hăn trŭnh ta Êjipt, yorlah ta nây Gâp mra ƀư ma may jêng du mpôl băl toyh.

I Phung Hađăch 3:8

Oh mon May gŭ ta nklang phung ƀon lan May hŏ săch jêh, du phung ƀon lan âk râk mâu dơi kơp ôh.

I Phung Hađăch 4:20

Phung Yuđa jêh ri phung Israel âk nâm bu choih ta kơh dak mƀŭt; khân păng sông sa nhêt hâk răm ngăn.

II Phung Hađăch 13:23

Ƀiălah Brah Yêhôva ăt ƀư ueh ma khân păng. Păng yô̆ nđach jêh ri uănh treng khân păng yor nau tâm rnglăp Păng hŏ ƀư jêh đah Y-Abraham, Y-Isăk jêh ri Y-Yakôb. Păng mâu ŭch ƀư rai khân păng, jêh ri n'ho tât ma nar aơ, mâu lĕ mprơh khân păng roh panăp măt Păng.

I Nau Rêh Jêng 21:5

Y-Jôap mbơh ma Y-Đavit lĕ rngôch phung ƀon lan kơt aơ: Tâm lĕ n'gor Israel geh du rkeh ma du rsen bunuyh dơi djôt đao; tâm Yuđa geh puăn rsen pơh rmưn dơi djôt đao.

I Nau Rêh Jêng 27:23

Y-Đavit mâu kơp ôh phung Israel tâm dâng bar jât năm, yorlah Brah Yêhôva ton jêh, Păng mra ƀư ăn phung Israel jêng bĭk rơ̆ nâm bu mănh klơ trôk.

II Nau Rêh Jêng 1:9

Ơ Yêhôva Brah Ndu, dăn nau May ton jêh ma Y-Đavit, mbơ̆ gâp, tât di ngăn; yorlah Kôranh Brah hŏ njêng jêh gâp hao ƀư hađăch chiă uănh du phung ƀon lan âk nâm bu ndruyh neh.

Ndrom Samƀŭt bơh Yôp 5:25

May gĭt phung kon sau may mra âk râk, Jêh ri noi deh may âk nâm bu gơ̆ tâm mir.

Nau Ngluh Êjipt 1:7

Kon sau Y-Israel deh kon âk râk ngăch ngăn; rnoh bunuyh hao âk bĭk rơ̆, bêng ăp n'gor jêh ri mra jêng dŭt dăng ngăn ngên.

Nau Ngluh Êjipt 32:13

Dăn Kôranh Brah kah gĭt tay ma Y-Abraham, Y-Isăk jêh ri Y-Israel, jêng phung oh mon May, May hŏ sŏk amoh May nơm jêh ri ton jêh đah khân păng pô aơ: ‘Gâp mra ƀư ma noi deh khân may âk tâm ban bu mănh tâm trôk. Gâp mra ăn ma noi deh khân may lĕ n'gor aơ, jêng n'gor Gâp hŏ ngơi jêh ma khân may, jêh ri khân păng mra ndơn n'gor nây n'ho ro.’”

Yêrêmi 33:22

Bu mâu dơi kơp ôh lĕ mănh klơ trôk jêh ri mâu dơi nhueh lĕ ôh choih tâm dâng dak mƀŭt; Gâp mra ƀư tâm lĕ ăn ma phung kon sau Y-Đavit, oh mon Gâp, jêh ri phung kon sau Lêvi, phung pah kan ma Gâp, bĭk rơ̆ tâm ban pônây.’”

Nau Kơp Bunuyh 23:10

Mbu dơi kơp ndruyh choih Y-Yakôb? Mbu dơi kơp du kô̆ tâm puăn Israel? Ăn gâp dơi khĭt ma đah nau khĭt nơm sŏng srăng; Ăn gâp rai lôch tâm ban ma khân păng!”

Nau Vay Nkah Tay 1:10

Yêhôva Brah Ndu khân may ƀư bĭk rơ̆ jêh rnoh bunuyh kŏ tât nar aơ âk tâm ban ma mănh klơ trôk.

ហេឞ្រើ 11:12

Yor nây, tă bơh du huê bunuyh uănh nâm bu khĭt jêh, ƀiălah dơi geh âk ngăn kon sau, âk nâm bu mănh klơ trôk, nâm bu choih rgŏ kơh dak mƀŭt, mâu blau kơp.

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.

Phung Kôranh Phat Dôih 6:3

Ăp tơ̆ phung Israel srih ntil, phung Madian, phung Amalek, jêh ri phung mpeh Luh Nar hăn hao rduh lơh phung Israel.

Phung Kôranh Phat Dôih 6:5

Khân păng văch hao djôt leo lĕ mpô mpa rong jêh ri ndâk ngih bok dŭt âk nâm krah ndrach, mâu dơi kơp ôh bunuyh nđâp ma seh samô. Khân păng pit in jêh ri ƀư rai ntŭk gŭ.