Nau Ntơm 13:15 - Nau Brah Ndu Ngơi 2023

¹⁵ Lĕ rngôch n'gor neh may saơ, Gâp mra ăn ma may jêh ri ma noi deh may tât n'ho ro.

Bunong Bible Latin Script Cambodian dialect

¹⁵ Yorlah lĕ rngôch bri i may say nây, Gâp ăn ma may ta jât năp tay, ndrel ma rnoi deh may n'ho ro.

Bunong

¹⁵ យ៝រ​លាស​លែៈ​រាងោច​ឞ្រី​អី​មៃ​ឆៃ​នៃ គ៝ប់​អ៝ន់​មា​មៃ​តា​ជឹត​នាប់​តៃ នទ្រែល​មា​រាន៝យ​ទែស​មៃ​នហ៝​រ៝។

Nau Ntơm 13:15 ပူးပေါင်းရင်းမြစ်များ

Nau Ntơm 12:7

Brah Yêhôva tâm mpơl ma Y-Abram jêh ri lah: “Gâp mra ăn n'gor aơ ma noi deh May.” Ta aơ, Y-Abram ndâk du mlâm nơng ƀư brah ăn ma Brah Yêhôva, jêng Nơm hŏ tâm mpơl ma păng.

Nau Ntơm 13:17

Kay lŏng, ăn may hăn lam ndah jong, ndah huy n'gor aơ, yorlah Gâp mra ăn n'gor aơ ma may.”

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

Nau Ntơm 15:7

Brah Yêhôva lah đŏng ma Y-Abram: “Gâp jêng Brah Yêhôva, Nơm hŏ njŭn leo kon luh bơh Ur n'gor Kaldê, gay ăn neh nây ma kon ƀư drăp ndơn.”

Nau Ntơm 18:18

Nanê̆ Y-Abraham mra jêng du mpôl băl toyh jêh ri geh nau dăng ktang; lĕ rngôch phung ƀon lan klơ neh ntu tă bơh păng da dê mra geh nau ueh uĭn.

Nau Ntơm 24:7

Brah Yêhôva jêng Brah Ndu klơ trôk, Nơm hŏ djôt leo gâp luh bơh ngih mbơ̆ gâp jêh ri ƀon tơm gâp, hŏ ngơi jêh ri ton ma gâp pô aơ: ‘Gâp mra ăn n'gor aơ ma noi deh may!’ Păng nơm mra njuăl phung tông mpăr hăn tanăp may, jêh ri may mra joi ur ma kon bu klâu gâp bơh ntŭk nây.

Nau Ntơm 28:13

Ri, Brah Yêhôva dâk tanăp măt păng jêh ri lah: “Gâp jêng Yêhôva Brah Ndu Y-Abraham, chô yau may, ăt jêng Brah Ndu Y-Isăk. Gâp mra ăn ma may jêh ri noi deh may ntŭk neh may dôl lâng săk bê̆ch.

Nau Ntơm 28:14

Noi deh may mra âk tâm ban ma ndruyh neh, gŭ lam luh nar, nhâp nar, pa dâng, pa lơ, jêh ri lĕ rngôch phung mpôl băl bunuyh tâm neh ntu mra geh nau ueh uĭn yor bơh may jêh ri yor bơh noi deh may.

Nau Ntơm 28:4

Dăn Brah Ndu ăn ma may jêh ri phung noi deh may nau ueh lăng tă bơh Y-Abraham gay ma may dơi dơn n'gor may dôl gŭ, nây jêng n'gor Brah Ndu hŏ ăn jêh ma Y-Abraham!”

Nau Ntơm 35:12

N'gor gâp hŏ ăn jêh ma Y-Abraham jêh ri ma Y-Isăk, Gâp mra ăn đŏng ma may jêh ri ma noi deh may.”

Nau Ntơm 48:4

Păng lah: ‘Aơ, Gâp mra ăn may bĭk rơ̆ dŭt âk. Gâp mra ăn may jêng du phung mpôl băl glom âk phung ƀon lan jêh ri ăn ma noi deh may n'gor aơ jêng drăp ndơn n'ho ro.’

Nau Ntơm 50:24

Y-Yôsep ngơi ma phung nâu păng: “Gâp dăch khĭt, ƀiălah nanê̆ ngăn Brah Ndu mra khâl khân may, njŭn leo khân may luh bơh n'gor aơ gay plơ̆ sĭt ma n'gor Păng hŏ ton jêh ma Y-Abraham, ma Y-Isăk, jêh ri ma Y-Yakôb.”

I Nau Rêh Jêng 16:18

Tơlah Păng lah pô aơ: “Gâp mra ăn ma may n'gor Kanaan, Jêng du kô̆ drăp ndơn ma may.”

II Nau Rêh Jêng 20:7

Ơ Brah Ndu hên! Mâu di hĕ May mprơh jêh phung gŭ tâm n'gor aơ luh bơh phung ƀon lan Israel, jêh ri ăn ma n'gor aơ ma noi deh Y-Abraham, mĭt jiăng May, gay ƀư drăp ndơn n'ho ro ƀơh?

Nau Mprơ Ơm 37:22

Yorlah phung Brah Ndu ăn nau ueh uĭn mra dơn neh, Bi ma phung Păng rak rtăp mra rai yot.

Nau Mprơ Ơm 37:29

Phung sŏng srăng mra dơn neh Jêh ri gŭ rêh ta nây n'ho ro.

Nau Ngluh Êjipt 32:13

Dăn Kôranh Brah kah gĭt tay ma Y-Abraham, Y-Isăk jêh ri Y-Israel, jêng phung oh mon May, May hŏ sŏk amoh May nơm jêh ri ton jêh đah khân păng pô aơ: ‘Gâp mra ƀư ma noi deh khân may âk tâm ban bu mănh tâm trôk. Gâp mra ăn ma noi deh khân may lĕ n'gor aơ, jêng n'gor Gâp hŏ ngơi jêh ma khân may, jêh ri khân păng mra ndơn n'gor nây n'ho ro.’”

Nau Ngluh Êjipt 33:1

Yêhôva ngơi ma Y-Môis: “May jêh ri phung ƀon lan may ngluh jêh luh bơh n'gor Êjipt, hăn hom tă bơh ntŭk nây jêh ri hăn hom tât ta n'gor Gâp hŏ ton ma Y-Abraham, Y-Isăk, jêh ri Y-Yakôb pô aơ: ‘Gâp mra ăn n'gor nây ma phung kon sau khân may.’

Êsai 63:18

Phung ƀon lan kloh ueh May geh n'gor aơ mâu hŏ jŏ ôh, Ƀiălah phung rlăng đah hên jot jêh ntŭk kloh ueh May.

Nau Kơp Bunuyh 34:2

“Ntĭnh hom ma phung ƀon lan Israel pô aơ: ‘Nôk khân may lăp jêh tâm n'gor Kanaan jêng n'gor ma khân may dơn jêng drăp ndơn, n'har n'gor nây kơt aơ:

Mathay 5:5

Ueh maak ngăn ma phung dêh rhêt, Yorlah mra sŏk dơn lĕ neh ntu!

Kôranh Oh Mon 7:5

Brah Ndu mâu ăn drăp ndơ ma păng ôh tâm n'gor aơ, nđâp lah du nđam neh lum mpang jâng mâu geh lĕ, ƀiălah Păng ton ma păng jêh ri noi deh păng mra pit sŏk n'gor aơ, nđâp tơlah nôk nây Y-Abraham ê hŏ geh kon.

Nau Vay Nkah Tay 34:4

Brah Yêhôva lah ma păng: “Aơ yơh jêng n'gor Gâp hŏ ton ăn ma Y-Abraham, ma Y-Isăk jêh ri ma Y-Yakôb nôk Gâp lah: ‘Gâp mra ăn n'gor aơ ma noi deh may.’ Gâp ăn may uănh saơ ma măt n'gor aơ ƀiălah may mâu mra dơi lăp ôh ta n'gor nây.”

Nau Vay Nkah Tay 9:5

Mâu di yor nau sŏng srăng mâu lah nuih n'hâm song bơh khân may, dĭng khân may lăp pit sŏk n'gor lĕ phung ƀon lan nây; ƀiălah yor nau ƀai khân păng dĭng Yêhôva Brah Ndu mra nsot lơi khân păng luh bơh tanăp khân may gay ƀư nau gĭt mbên nanê̆ nau Păng ton jêh ma phung chô yau khân may jêng Y-Abraham, Y-Isăk, jêh ri Y-Yakôb.