Nau Ntơm 13:10 - Nau Brah Ndu Ngơi 2023

¹⁰ Y-Lot n'gơr măt uănh jêh ri saơ lam neh lâng dak krong Yurdan tât ta ƀon Sôar. Êlor ma Brah Yêhôva ƀư rai ƀon Sôdôm jêh ri Gômôrơ, n'gor aơ ăp ntŭk geh dak da dê tâm ban ma n'gar trao Brah Yêhôva, nâm bu neh Êjipt đŏng.

Bunong Bible Latin Script Cambodian dialect

¹⁰ Jêh ri Lŭt n'gâl uănh say ndrĭch rđŭng rŏ dak rlai Yôrđăn mpeh ma ƀon Sôar ueh ngăn geh dak dadê. Ntŭk nây nôk ê hŏ Brah Yêhôva lơh rai lơi ƀon Sôđŭm, ndrel ma ƀon Kômôra jêng tâm ban ma Êđen i mir Kôranh Brah, mâu lah kơt bri Êsip ri đŏng.

Bunong

¹⁰ ជេសរី​លុត  ​ងគឹល​អ្វាញ់​ឆៃ​នទ្រិច​រាដុង​រ៝ៈ​ទាក​រាលាយ​យោរដាន់​មពែស​មា​ប៝ន​ឆោអារ​អ្វែស​ងាន់​គែស​ទាក​ទាទេ។ នតុក​នៃ​នោក​អេ​ហ៝ៈ​ឞ្រាស​យេហោវា​លើស​រាយ​លើយ​ប៝ន​ឆោដុម នទ្រែល​មា​ប៝ន​កោមោរា​ជេង​តឹម​ឞាន​មា​អេដែន​អី​មីរ​កោរាញ​ឞ្រាស មោ​លាស​កើត​ឞ្រី​អេឆីប  ​រី​ដ៝ង់។

Nau Ntơm 13:10 ပူးပေါင်းရင်းမြစ်များ

Nau Ntơm 11:27

Aơ jêng noi deh bơh Y-Têra: Y-Têra bă Y-Abram, Y-Nahôr jêh ri Y-Haran; Y-Haran bă Y-Lot.

Nau Ntơm 13:11

Y-Lot săch ma păng nơm lĕ neh lâng dak krong Yurdan jêh ri mpeh luh nar. Pôri, bar hê va mon khân păng tâm nkhah băl.

Nau Ntơm 13:9

Mâu di hĕ lĕ rngôch n'gor dôl gŭ tanăp măt may? Ăn may tâm nkhah hom bơh gâp. Tơlah may săch mpeh chiau, gâp mra gŭ mpeh pa ma; tơlah may săch mpeh pa ma, gâp mra gŭ mpeh pa chiau.”

Nau Ntơm 14:2

khân păng tâm lăp băl ŭch tâm lơh đah Y-Bêra hađăch ƀon Sôdôm, Y-Birsa hađăch ƀon Gômôrơ, Y-Sinap hađăch ƀon Adma, Y-Sêmêber hađăch ƀon Sêbôim, jêh ri hađăch ƀon Bêla, jêng Sôar.

Nau Ntơm 14:8

Phung hađăch ƀon Sôdôm, Gômôrơ, Adma, Sêbôim jêh ri Bêla, jêng ƀon Sôar, tâm rnglăp ndrel nau dơi jêh ri dăp tahan khân păng ta rlŭng Siđim

Nau Ntơm 3:6

Dôl bu ur saơ play ta tơm si nây sa kah, ueh măt uănh jêh ri khlay yor ƀư ma păng nau blau mĭn, păng pĕ play nây jêh ri sa, jêh nây ăn ma sai păng dôl dâk êp ta meng; sai păng sa đŏng.

Nau Ntơm 47:6

N'gor Êjipt dôl gŭ panăp măt may, ăn mbơ̆ may jêh ri phung oh nâu may gŭ tâm ntŭk dŭt ueh tâm n'gor aơ. Ăn khân păng gŭ tâm n'gor Gôsen. Tơlah may gĭt tâm phung khân păng geh bunuyh gĭt blau jao ma păng chiăp rong lĕ phung mpô mpa gâp.”

Nau Ntơm 6:2

Phung kon bu klâu Brah Ndu saơ kon bu ur kon bunuyh ueh jêh ri khân păng gŭ ur sai đah mbu nơm khân păng săch gay sŏk ur.

I Phung Hađăch 7:46

Hađăch ăn păng tŏ lĕ rngôch ndơ aơ ta neh lâng Yurdan, ta du ntŭk geh âk neh uk, vah vang Sukôt jêh ri Sarêthan.

Ndrom Samƀŭt bơh Yôp 40:23

Păng mra njêng nau tâm rnglăp đah may, Gay may dơn păng jêng dĭk du njăr rêh?

Nau Mprơ Ơm 107:34

Jêh ri neh hon ndơ jêng neh chiăt, Yor nau djơh mhĭk phung gŭ ta nây.

Êsai 15:5

Nuih n'hâm gâp lŭng nter yor Môap; Bunuyh khân păng nchuăt du tât ta ƀon Sôar jêh ri ƀon Êglat-Sêlisija. Yorlah ta dor yôk Luhit Khân păng ƀă hao ƀă nhĭm; Tâm trong Hôrônaim, Khân păng lŭng nter yor nau ƀư rai.

Êsai 51:3

Yorlah Brah Yêhôva bonh leng Siôn; Păng bonh leng lĕ rngôch ntŭk păng lĕ rlâm. Păng rgâl bri rdah jêng ma n'gar Êđen, Ndrêch rdah jêng n'gar Brah Yêhôva. Ta nklang đang trao nây mra geh nau maak, răm rhơn, Nau tâm rnê jêh ri bâr mprơ.

Yêrêmi 48:34

Bâr nhĭm vơl tă bơh Hêsbôn tât ma Êlêaleh, jêh ri Jahas, tă bơh ma ƀon Sôar kŏ tât ma Hôrônaim jêh ri Êglat-Sêlisija. Yorlah nđâp ma n'hor dak ƀon Nimrim ăt suăt tâm ban lĕ.”

Êsêkiêl 16:46

Nur ay jêng Samari ndrel ma phung kon bu ur păng gŭ mpeh pa chiau ay; oh ay jêng Sôdôm ndrel ma phung kon bu ur păng gŭ mpeh pa ma ay.

Êsêkiêl 16:49

Aơ jêng nau djơh mhĭk oh bu ur ay jêng ƀon Sôdôm: Păng jêh ri phung kon bu ur păng geh nau sưr, ndơ sông sa rlau keh, jêh ri kơr ƀlao, ƀiălah păng mâu kơl ôh phung o ach jêh ri phung mâu geh ndô ndơ.

Êsêkiêl 28:13

May lĕ gŭ tâm n'gar Êđen, jêng n'gar Brah Ndu. May hŏ geh ăp ntil lŭ khlay, Jêng lŭ karnêlian, lŭ tôpas, lŭ diamôn, Lŭ krisôlit, lŭ êmêrôt, lŭ saphir, Lŭ beril, lŭ ĭr, lŭ chăng jêh ri mah đŏng. Nơm rhăk gâr jê̆ jêh ri dĭng n'hôm jêng ndơ may, Ntơm bơh nar may mhe ndâk njêng bu hŏ ndrăp ơm jêh.

Êsêkiêl 31:8

Mâu geh ôh tơm si sêdar êng tâm n'gar Brah Ndu Dơi tâm rđĭl đah păng. Tơm n'ho mâu ban ôh n'gĭng păng, Tơm ntang ăt mâu ban lĕ đah n'gĭng păng. Mâu geh ôh tơm si tâm n'gar trao Brah Ndu Ueh reh tâm ban ma păng đŏng ôh.

Êsêkiêl 31:9

Gâp hŏ ƀư jêh ăn păng ueh reh, Ndrel n'gĭng n'ha pŭm ngăn; Lĕ rngôch tơm si Êđen Jêng tơm si tâm n'gar trao Brah Ndu Tâm keh nach đah păng da dê.’

Êsêkiêl 47:18

Mpeh luh nar ntơm bơh vah vang ƀon Hauran, ƀon Damas, bri Gilêat jêh ri bri Israel, njŏ tĭng dak krong Yurdan. Khân may mra veh tă bơh n'har mpeh pa lơ kŏ tât ma dak mƀŭt mpeh luh nar. Nây mra jêng n'har mpeh luh nar.

Yôel 2:3

Tanăp măt khân păng, geh ŭnh sa rvăn, Pakơi khân păng, geh chiông ŭnh sa ƀhiau. Êlor panăp khân păng văch, bri neh nâm bu n'gar Êđen; Pakơi khân păng rgăn, knŏng hôm jêng bri rdah rngot njăp. Mâu geh ôh ndơ dơi klaih bơh khân păng.

Nau Vay Nkah Tay 34:3

n'gor Nêgep jêh ri neh lâng, jêng rlŭng Yêrikô, ƀon Tơm Sala, kŏ tât ta ƀon Sôar.