Nau Ntơm 12:8 - Nau Brah Ndu Ngơi 2023

⁸ Bơh ntŭk nây, păng hăn tât ta nkual klơ dor yôk mpeh luh nar Bêthel, jêh nây ndâk ngih bok ta vah vang Bêthel mpeh nhâp nar, jêh ri Ai mpeh luh nar. Păng ndâk đŏng ta nây du mlâm nơng ƀư brah ăn ma Brah Yêhôva jêh ri kuăl mbơh sơm ma amoh Brah Yêhôva.

Bunong Bible Latin Script Cambodian dialect

⁸ Jêh ri păng hăn jât, hăn ta ntŭk yôk mpeh bơh lôh nar ƀon Ƀêtel, păng jan chun gŭ ta ntŭk nây, păng gŭ vah vang ƀon Ƀêtel, đah ma ƀon Ai, geh mpeh bơh lôh nar ma ƀon Ƀêtel. Geh mpeh bơh nhŏp nar ma ƀon Ai, ta ntŭk nây păng jan du ntŭk jât ma jan brah ma Brah Yêhôva, jêh ri păng yơk mbah ma Brah Yêhôva .

Bunong

⁸ ជេសរី​ពាង់​ហាន់​ជឹត ហាន់​តា​នតុក​យោក​មពែស​ឞើស​លោស​នារ​ប៝ន​បេតអែល ពាង់​ជាន​ចូន​គុ​តា​នតុក​នៃ ពាង់​គុ​វាស​វាង​ប៝ន​បេតអែល ដាស​មា​ប៝ន​អាយ គែស​មពែស​ឞើស​លោស​នារ​មា​ប៝ន​បេតអែល។ គែស​មពែស​ឞើស​ញ៝ប់​នារ​មា​ប៝ន​អាយ តា​នតុក​នៃ​ពាង់​ជាន​ទូ​នតុក​ជឹត​មា​ជាន​ឞ្រាស​មា​ឞ្រាស​យេហោវា ជេសរី​ពាង់​យើក​មឞាស​មា​ឞ្រាស​យេហោវា​។

Nau Ntơm 12:8 ပူးပေါင်းရင်းမြစ်များ

Nau Ntơm 13:18

Y-Abram trơn ngih bok păng hăn gŭ dăch ndru tơm guyh ta Mamrê, êp Hêbron, jêh ri ndâk ta nây du mlâm nơng ƀư brah ma Brah Yêhôva.

Nau Ntơm 13:3

Tă bơh Nêgep, păng hăn nsong plơ̆ sĭt ta Bêthel, tât ntŭk păng hŏ ndâk ngih bok lor, vah vang Bêthel jêh ri ƀon Ai,

Nau Ntơm 13:4

jêng ntŭk păng ntơm ndâk nơng ƀư brah. Ta aơ, Y-Abram kuăl mbơh sơm ma amoh Brah Yêhôva.

Nau Ntơm 21:33

Y-Abraham tăm du tơm mĭl ta Bêr-Sêba, jêh ri ta nây păng kuăl mbơh sơm ma amoh Brah Yêhôva, jêng Brah Ndu gŭ rêh n'ho ro.

Nau Ntơm 22:9

Lah lĕ tât jêh ta ntŭk Brah Ndu de ntĭm, Y-Abraham ndâk ta nây du nơng ƀư brah, dăp long klơ nơng nây jêh ri chăp Y-Isăk kon păng, dơm păng ta klơ long klơ nơng ƀư brah.

Nau Ntơm 26:25

Y-Isăk rdâk du nơng ƀư brah, kuăl mbơh sơm ma amoh Brah Yêhôva jêh ri rdâk ngih bok păng ta nây. Jêh ri phung oh mon Y-Isăk kuyh du ntu dak ta nây.

Nau Ntơm 28:19

Păng rnha ntŭk nây Bêthel; saơm ri ƀon nây bu rnha Lus.

Nau Ntơm 31:25

Nôk Y-Laban ban Y-Yakôb, Y-Yakôb hŏ ndâk jêh rmlak păng ta klơ yôk; Y-Laban ndrel ma phung mpôl băl oh nâu păng ndâk đŏng rmlak ta klơ yôk Gilêat.

Nau Ntơm 33:20

Ta aơ, Y-Yakôb ndâk du mlâm nơng ƀư brah jêh ri rnha amoh jêng Êl Êlôhê Israel.

Nau Ntơm 35:3

He ndrăp hom hăn hao ta Bêthel. Gâp mra ndâk du nơng ƀư brah ma Brah Ndu, jêng Nơm hŏ dơn jêh nau gâp tâm nar gâp uh ah, jêh ri kâp kơl gâp tâm ăp trong gâp sak nsong.”

Nau Ntơm 35:7

Păng ndâk ta nây du mlâm nơng ƀư brah jêh ri ntơ ntŭk nây jêng Êl Bêthel, yorlah ta nây Brah Ndu tâm mpơl jêh ma păng dôl păng nchuăt du bơh nâu păng.

Nau Ntơm 4:26

Y-Set bă tay du huê kon bu klâu, amoh Y-Ênôs. Bơh nây, bu ntơm kuăl mbơh sơm amoh Brah Yêhôva.

Nau Ntơm 8:20

Rnôk nây Y-Nôê ndâk du nơng ƀư brah ma Brah Yêhôva. Păng nhŭp lĕ rngôch mpa kloh jêh ri lĕ rngôch sĭm kloh gay nhhơr ndơ ƀư brah gŭch ta klơ nơng nây.

Nêhêmi 11:31

Phung Benjamin tâm ban lĕ gŭ ntơm bơh Gêba tât ta Mikmas, Aija, Bêthel jêh ri lĕ ƀon jê̆ păng,

Nau Mprơ Ơm 116:4

Dôl nây gâp kuăl mbơh sơm jêh ma amoh Brah Yêhôva: “Ơ Brah Yêhôva! Gâp vơh vơl ma May tâm rklaih huêng gâp.”

Nau Ngluh Êjipt 17:15

Y-Môis ndâk du nơng ƀư brah jêh ri rnha nơng nây “Brah Yêhôva jêng n'ha kơ Gâp.”

Êsai 10:28

Khân păng tât jêh ta Ayat, rgăn lĕ Migrôn, Bun ndô ndơ ta Mikmas.

Yôel 2:32

Rnôk nây, mbu nơm kuăl dăn amoh Brah Yêhôva mra dơi rklaih da dê Yorlah tĭng nau Brah Yêhôva, Ta klơ yôk Siôn jêh ri tâm ƀon Yêrusalem Mra geh bunuyh dơi tâm rklaih; Jêh ri tâm phung hôm e rêh klen, Mra dơi geh bunuyh Brah Yêhôva kuăl.

Kôranh Oh Mon 2:21

Jêh ri mbu nơm kuăl dăn amoh Kôranh Brah mra dơi rklaih.’

I Kôrintô 1:2

nchih njuăl ma Phung Ngih Brah Ndu ta ƀon Kôrintô jêh ri ma phung geh nau kloh ueh jêh tâm Brah Yêsu Krist, dơi rnha jêng phung kloh ueh, nđâp ma lĕ rngôch phung gŭ lam ntŭk dôl mbơh sơm ma amoh Kôranh Brah he jêng Brah Yêsu Krist, Kôranh Brah khân păng jêh ri Kôranh Brah he.

ហេឞ្រើ 11:9

Yor ma nau chroh, păng gŭ tâm neh ton tâm ban ma ta klơ neh phung bu năch, gŭ tâm lĕ vâl bok ndrel ma Y-Isăk jêh ri Y-Yakôp, jêng phung dơn ndrel nau ton tâm ban ma păng.

Yôsuê 18:22

Bet-Araba, Sêmaraim, Bêthel,

Yôsuê 22:10

Tơlah khân păng tât jêh tâm n'gor neh dak krong Yurdan tâm bri Kanaan, phung Ruben, phung Gat, jêh ri du n'gul ndŭl mpôl Manasê ndâk ta nây du nơng ƀư brah toyh ngăn ta meng kơh dak krong Yurdan.

Yôsuê 7:2

Tă bơh Yêrikô, Y-Yôsuê njuăl bunuyh hăn tât ma Ai dăch Bet-Aven, ta mpeh luh nar Bêthel, ntăm pô aơ: “Hăn n'hut uănh hom ƀon Ai.” Pônây, khân păng hăn n'hut uănh ƀon Ai.

Yôsuê 8:12

Y-Yôsuê djôt leo klăp lah tâm prăm rbăn bunuyh tahan gŭ kâp dâp vah vang Bêthel đah Ai, mpeh nhâp nar ma ƀon.

Yôsuê 8:17

Mâu hôm geh du huê nuyh hôm gŭ tâm ƀon Ai mâu lah ƀon Bêthel, mâu hôm geh du huê ma mâu tĭng rgot phung Israel. Khân păng chalơi hŏng ƀon toyh gay tĭng rgot phung Israel.

Yôsuê 8:3

Pônây Y-Yôsuê dâk ndrel ma lĕ rngôch phung tahan hăn hao tâm lơh ƀon Ai. Păng săch pe rmưn tahan janh ktang jêh ri đă khân păng hăn dôl măng.

Yôsuê 8:30

Rnôk nây, Y-Yôsuê ndâk du nơng ƀư brah ma Yêhôva Brah Ndu Israel ta klơ yôk Êbal,

Yôsuê 8:9

Pônây Y-Yôsuê đă khân păng hăn; khân păng gŭ kâp dâp vah vang Bêthel jêh ri Ai, mpeh nhâp nar ƀon Ai; bi ma Y-Yôsuê bê̆ch măng ndrel ma phung ƀon lan.

Phung Kôranh Phat Dôih 6:24

Y-Gidêôn ndâk ta nây du nơng ƀư brah ma Brah Yêhôva jêh ri ntơ amoh jêng Brah Yêhôva Salôm. Nơng ƀư brah nây hôm e ta Ôphra, jêng ndơ phung Abiêser, kŏ tât ta nar aơ.

I Samuel 30:27

Păng njuăl ma phung kôranh bu ranh gŭ tâm Bêthel, Ramôt Nêgep, Jatir,