Nau Ntơm 12:7 - Nau Brah Ndu Ngơi 2023

⁷ Brah Yêhôva tâm mpơl ma Y-Abram jêh ri lah: “Gâp mra ăn n'gor aơ ma noi deh May.” Ta aơ, Y-Abram ndâk du mlâm nơng ƀư brah ăn ma Brah Yêhôva, jêng Nơm hŏ tâm mpơl ma păng.

Bunong Bible Latin Script Cambodian dialect

⁷ Jêh ri Brah Yêhôva tâm mpơl ăn ma Ăbram say, Păng lah: “Gâp ăn bri dak dja ma phung rnoi deh may”. Jêh ri Ăbram jan du ntŭk ma jan brah ta ntŭk nây gay ma nhhơr ma Brah Yêhôva i lĕ tâm mpơl ăn păng say ri nơh.

Bunong

⁷ ជេសរី​ឞ្រាស​យេហោវា​តឹម​មពើល​អ៝ន់​មា​អាប់រាម  ​ឆៃ ពាង់​លាស៖ “គ៝ប់​អ៝ន់​ឞ្រី​ទាក​អ្យា​មា​ផូង​រាន៝យ​ទែស​មៃ”។ ជេសរី​អាប់រាម  ​ជាន​ទូ​នតុក​មា​ជាន​ឞ្រាស​តា​នតុក​នៃ​គៃ​មា​ញហើរ​មា​ឞ្រាស​យេហោវា​អី​លែៈ​តឹម​មពើល​អ៝ន់​ពាង់​ឆៃ​រី​នើស។

Nau Ntơm 12:7 ပူးပေါင်းရင်းမြစ်များ

Nau Ntơm 12:8

Bơh ntŭk nây, păng hăn tât ta nkual klơ dor yôk mpeh luh nar Bêthel, jêh nây ndâk ngih bok ta vah vang Bêthel mpeh nhâp nar, jêh ri Ai mpeh luh nar. Păng ndâk đŏng ta nây du mlâm nơng ƀư brah ăn ma Brah Yêhôva jêh ri kuăl mbơh sơm ma amoh Brah Yêhôva.

Nau Ntơm 13:15

Lĕ rngôch n'gor neh may saơ, Gâp mra ăn ma may jêh ri ma noi deh may tât n'ho ro.

Nau Ntơm 13:17

Kay lŏng, ăn may hăn lam ndah jong, ndah huy n'gor aơ, yorlah Gâp mra ăn n'gor aơ ma may.”

Nau Ntơm 13:18

Y-Abram trơn ngih bok păng hăn gŭ dăch ndru tơm guyh ta Mamrê, êp Hêbron, jêh ri ndâk ta nây du mlâm nơng ƀư brah ma Brah Yêhôva.

Nau Ntơm 13:4

jêng ntŭk păng ntơm ndâk nơng ƀư brah. Ta aơ, Y-Abram kuăl mbơh sơm ma amoh Brah Yêhôva.

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Nau Ntơm 17:3

Y-Abram chŭn muh măt ta neh. Brah Ndu lah ma păng:

Nau Ntơm 17:8

Gâp mra ăn ma may jêh ri phung kon sau may neh may gŭ aƀaơ aơ, jêng lĕ n'gor Kanaan, jêng drăp ndơn n'ho ro. Gâp mra jêng Brah Ndu khân păng.”

Nau Ntơm 18:1

Brah Yêhôva tâm mpơl ma Y-abraham dăch ndru tơm guyh ta Mamrê, nôk păng dôl gŭ ta mpông ngih bok, tâm mông nây trôk duh hâu ngăn.

Nau Ntơm 22:9

Lah lĕ tât jêh ta ntŭk Brah Ndu de ntĭm, Y-Abraham ndâk ta nây du nơng ƀư brah, dăp long klơ nơng nây jêh ri chăp Y-Isăk kon păng, dơm păng ta klơ long klơ nơng ƀư brah.

Nau Ntơm 24:7

Brah Yêhôva jêng Brah Ndu klơ trôk, Nơm hŏ djôt leo gâp luh bơh ngih mbơ̆ gâp jêh ri ƀon tơm gâp, hŏ ngơi jêh ri ton ma gâp pô aơ: ‘Gâp mra ăn n'gor aơ ma noi deh may!’ Păng nơm mra njuăl phung tông mpăr hăn tanăp may, jêh ri may mra joi ur ma kon bu klâu gâp bơh ntŭk nây.

Nau Ntơm 26:25

Y-Isăk rdâk du nơng ƀư brah, kuăl mbơh sơm ma amoh Brah Yêhôva jêh ri rdâk ngih bok păng ta nây. Jêh ri phung oh mon Y-Isăk kuyh du ntu dak ta nây.

Nau Ntơm 26:3

Ăn may gŭ njưh tâm n'gor aơ, Gâp mra gŭ ndrel ma kon jêh ri ăn nau ueh uĭn ma kon; yorlah Gâp mra ăn ma may jêh ri ma noi deh kon lĕ nkual bri aơ jêh ri Gâp mra ƀư n'hêl nanê̆ nau Gâp ton jêh ma Y-Abraham, mbơ̆ may.

Nau Ntơm 28:13

Ri, Brah Yêhôva dâk tanăp măt păng jêh ri lah: “Gâp jêng Yêhôva Brah Ndu Y-Abraham, chô yau may, ăt jêng Brah Ndu Y-Isăk. Gâp mra ăn ma may jêh ri noi deh may ntŭk neh may dôl lâng săk bê̆ch.

Nau Ntơm 28:4

Dăn Brah Ndu ăn ma may jêh ri phung noi deh may nau ueh lăng tă bơh Y-Abraham gay ma may dơi dơn n'gor may dôl gŭ, nây jêng n'gor Brah Ndu hŏ ăn jêh ma Y-Abraham!”

Nau Ntơm 32:30

Y-Yakôb ntơ ntŭk nây Pêniêl, jêh ri păng rblang: “Yorlah gâp lĕ saơ jêh Brah Ndu măt đah măt ƀiălah nau rêh gâp ăt geh nau đăp mpăn.”

Nau Ntơm 33:20

Ta aơ, Y-Yakôb ndâk du mlâm nơng ƀư brah jêh ri rnha amoh jêng Êl Êlôhê Israel.

Nau Ntơm 35:12

N'gor gâp hŏ ăn jêh ma Y-Abraham jêh ri ma Y-Isăk, Gâp mra ăn đŏng ma may jêh ri ma noi deh may.”

Nau Ntơm 35:7

Păng ndâk ta nây du mlâm nơng ƀư brah jêh ri ntơ ntŭk nây jêng Êl Bêthel, yorlah ta nây Brah Ndu tâm mpơl jêh ma păng dôl păng nchuăt du bơh nâu păng.

Nau Ntơm 50:24

Y-Yôsep ngơi ma phung nâu păng: “Gâp dăch khĭt, ƀiălah nanê̆ ngăn Brah Ndu mra khâl khân may, njŭn leo khân may luh bơh n'gor aơ gay plơ̆ sĭt ma n'gor Păng hŏ ton jêh ma Y-Abraham, ma Y-Isăk, jêh ri ma Y-Yakôb.”

Nau Ntơm 8:20

Rnôk nây Y-Nôê ndâk du nơng ƀư brah ma Brah Yêhôva. Păng nhŭp lĕ rngôch mpa kloh jêh ri lĕ rngôch sĭm kloh gay nhhơr ndơ ƀư brah gŭch ta klơ nơng nây.

II Samuel 24:25

Y-Đavit ndâk ta nây du mlâm nơng ƀư brah ma Brah Yêhôva, jêh ri ndơ ƀư brah gŭch jêh ri ndơ ƀư brah ma nau đăp mpăn. Brah Ndu iăt nau mbơh sơm jêh ri rlu lơi nau ji tưp ta bri phung Israel.

I Phung Hađăch 18:32

Păng dŏng jât ma bar mlâm lŭ nây ndâk njêng du mlâm nơng ƀư brah tâm amoh Brah Yêhôva. Ta văr jŭm nơng ƀư brah, păng kuyh du n'hor huy dơi dơm jât mprăm lit găr ntil.

I Nau Rêh Jêng 16:16

Jêng nau Păng tâm rnglăp hŏ ƀư jêh đah Y-Abraham, Hŏ sơm ton ma Y-Isăk,

I Nau Rêh Jêng 16:18

Tơlah Păng lah pô aơ: “Gâp mra ăn ma may n'gor Kanaan, Jêng du kô̆ drăp ndơn ma may.”

II Nau Rêh Jêng 20:11

Nĕ, aƀaơ khân păng plơng hên, văch gay mprơh hên tă bơh drăp ndơn May hŏ ăn jêh ma hên.

II Nau Rêh Jêng 20:7

Ơ Brah Ndu hên! Mâu di hĕ May mprơh jêh phung gŭ tâm n'gor aơ luh bơh phung ƀon lan Israel, jêh ri ăn ma n'gor aơ ma noi deh Y-Abraham, mĭt jiăng May, gay ƀư drăp ndơn n'ho ro ƀơh?

Êsra 3:2

Rnôk nây, Y-Jêsua, kon bu klâu Y-Jôsadak, jêh ri phung oh nâu păng jêng kôranh ƀư brah êng, ndrel ma Y-Sôrôƀaƀel, kon bu klâu Y-Sêaltiêl jêh ri phung mpôl băl păng, dâk hăn gay ndâk nkra nơng ƀư brah Brah Ndu phung Israel, gay nhhơr ndơ ƀư brah gŭch ta klơ nơng nây, tĭng nâm nau nchih jêh tâm nau vay Y-Môis, jêng bunuyh Brah Ndu.

Nau Ngluh Êjipt 17:15

Y-Môis ndâk du nơng ƀư brah jêh ri rnha nơng nây “Brah Yêhôva jêng n'ha kơ Gâp.”

Nau Ngluh Êjipt 24:4

Y-Môis nchih tay lĕ nau ngơi Brah Yêhôva. Păng dâk ơm ôi, ndâk du mlâm nơng ƀư brah ta jâng yôk jêh ri ndâk jât ma bar n'gâng lŭ tâm ban ma jât ma bar ndŭl mpôl phung Israel.

Nau Ngluh Êjipt 32:13

Dăn Kôranh Brah kah gĭt tay ma Y-Abraham, Y-Isăk jêh ri Y-Israel, jêng phung oh mon May, May hŏ sŏk amoh May nơm jêh ri ton jêh đah khân păng pô aơ: ‘Gâp mra ƀư ma noi deh khân may âk tâm ban bu mănh tâm trôk. Gâp mra ăn ma noi deh khân may lĕ n'gor aơ, jêng n'gor Gâp hŏ ngơi jêh ma khân may, jêh ri khân păng mra ndơn n'gor nây n'ho ro.’”

Nau Ngluh Êjipt 33:1

Yêhôva ngơi ma Y-Môis: “May jêh ri phung ƀon lan may ngluh jêh luh bơh n'gor Êjipt, hăn hom tă bơh ntŭk nây jêh ri hăn hom tât ta n'gor Gâp hŏ ton ma Y-Abraham, Y-Isăk, jêh ri Y-Yakôb pô aơ: ‘Gâp mra ăn n'gor nây ma phung kon sau khân may.’

Nau Ngluh Êjipt 6:3

Gâp hŏ tâm mpơl jêh ma Y-Abraham, Y-Isăk, jêh ri ma Y-Yakôb nhhơ Gâp nơm jêng Brah Ndu Geh Lĕ Nau Brah; ƀiălah Gâp ê hŏ mpơl ôh ma khân păng gĭt tâm amoh Gâp jêng Brah Yêhôva.

Nau Ngluh Êjipt 6:4

Gâp hŏ ƀư jêh nau tâm rnglăp đah khân păng gay ăn n'gor Kanaan, jêng n'gor khân păng hŏ gŭ njưh nâm phung bu năch.

Yêrêmi 3:18

Tâm nar nây, ngih Yuđa mra hăn ndrel ma ngih Israel, jêh nây khân păng mra nsum ndrel luh bơh neh mpeh pa lơ, plơ̆ sĭt ma n'gor Gâp hŏ ăn ma phung chô yau khân may ƀư drăp ndơn.

Nau Kơp Bunuyh 26:53

“Tĭng nâm rnoh bunuyh geh amoh săk bu mra tâm pă neh jêng drăp ndơn ma khân păng.

Nau Kơp Bunuyh 32:11

‘Phung bunuyh du luh jêh tă bơh n'gor Êjipt, ntơm bơh bar jât năm leo klơ mâu mra saơ n'gor Gâp hŏ ton jêh gay ăn ma Y-Abraham, ma Y-Isăk, jêh ri ma Y-Yakôb, yorlah khân păng mâu lĕ nuih n'hâm hăn tĭng Gâp,

Kôranh Oh Mon 7:5

Brah Ndu mâu ăn drăp ndơ ma păng ôh tâm n'gor aơ, nđâp lah du nđam neh lum mpang jâng mâu geh lĕ, ƀiălah Păng ton ma păng jêh ri noi deh păng mra pit sŏk n'gor aơ, nđâp tơlah nôk nây Y-Abraham ê hŏ geh kon.

Samƀŭt Pôl Njuăl Ăn Ma Phung Nsing Ta Ƀon Rôm 9:8

nâm bu ntĭt mâu di ôh phung kon tĭng nâm nglay săk jêng phung kon Brah Ndu, ƀiălah phung kon tă bơh nau ton dơi kơp jêng noi deh ngăn.

Galati 3:16

Ma lĕ nau ton hŏ ntăm jêh ma Y-Abraham jêh ri ma noi deh păng, Nau Brah Ndu Ngơi mâu lah ôh: “Jêh ri ma lĕ noi deh” tâm ban prăp ma âk bunuyh, ƀiălah lah: “Jêh ri ma noi deh may,” tâm ban knŏng ma du huê bunuyh, nâm bu ntĭt Brah Krist.

Galati 4:28

Hơi oh nâu, tâm ban ma Y-Isăk, khân may jêng kon bơh nau ton.

Nau Vay Nkah Tay 1:8

Aơ, Gâp ăn jêh n'gor aơ ma khân may! Lăp jêh ri pit sŏk hom n'gor Brah Yêhôva hŏ ton jêh ăn ma chô yau khân may jêng Y-Abraham, Y-Isăk, Y-Yakôb jêh ri ma phung kon sau khân păng.’

Nau Vay Nkah Tay 30:20

Rŏng hom ma Yêhôva Brah Ndu, tông bâr Păng, jêh ri tâm rnglăp đah Păng, yorlah Păng jêng nau rêh ma khân may; Păng mra ăn ma khân may dơi gŭ jŏ nar tâm n'gor Brah Yêhôva hŏ ton jêh ăn ma phung chô yau khân may jêng Y-Abraham, Y-Isăk jêh ri Y-Yakôb.”

Nau Vay Nkah Tay 34:4

Brah Yêhôva lah ma păng: “Aơ yơh jêng n'gor Gâp hŏ ton ăn ma Y-Abraham, ma Y-Isăk jêh ri ma Y-Yakôb nôk Gâp lah: ‘Gâp mra ăn n'gor aơ ma noi deh may.’ Gâp ăn may uănh saơ ma măt n'gor aơ ƀiălah may mâu mra dơi lăp ôh ta n'gor nây.”

Nau Vay Nkah Tay 6:10

Lah Yêhôva Brah Ndu may hŏ njŭn may lăp tâm n'gor Păng hŏ ton jêh ma phung chô yau may jêng Y-Abraham, Y-Isăk, jêh ri Y-Yakôb, gay ăn ma may lĕ ƀon toyh jêh ri ueh ngăn, may mâu mâp ndâk ôh,

Nau Vay Nkah Tay 9:5

Mâu di yor nau sŏng srăng mâu lah nuih n'hâm song bơh khân may, dĭng khân may lăp pit sŏk n'gor lĕ phung ƀon lan nây; ƀiălah yor nau ƀai khân păng dĭng Yêhôva Brah Ndu mra nsot lơi khân păng luh bơh tanăp khân may gay ƀư nau gĭt mbên nanê̆ nau Păng ton jêh ma phung chô yau khân may jêng Y-Abraham, Y-Isăk, jêh ri Y-Yakôb.

ហេឞ្រើ 11:13

Lĕ rngôch phung bunuyh nây khĭt da dê jêh tâm nau chroh, ê hŏ sŏk dơn ôh lĕ nau Brah Ndu ton ma khân păng; knŏng uănh saơ jêh ri mbah lĕ nau nây ntơm bơh ngai, kơp săk khân păng nơm jêng bunuyh bu năch jêh ri bunuyh gŭ jăng jai ta neh ntu.

ហេឞ្រើ 11:8

Yor ma nau chroh, Y-Abraham tông bâr Brah Ndu kuăl, hăn tât ta n'gor êng păng nơm mra dơn jêng drăp ndơn; păng hăn ƀiălah mâu gĭt ôh mbah ntŭk păng mra hăn.

Yôsuê 1:6

Ăn may janh ktang jêh ri nănh yorlah may mra njŭn leo phung ƀon lan aơ hăn sŏk dơn bri neh Gâp hŏ ton jêh ăn ma chô yau khân păng.

Yôsuê 22:10

Tơlah khân păng tât jêh tâm n'gor neh dak krong Yurdan tâm bri Kanaan, phung Ruben, phung Gat, jêh ri du n'gul ndŭl mpôl Manasê ndâk ta nây du nơng ƀư brah toyh ngăn ta meng kơh dak krong Yurdan.

Yôsuê 8:30

Rnôk nây, Y-Yôsuê ndâk du nơng ƀư brah ma Yêhôva Brah Ndu Israel ta klơ yôk Êbal,

Phung Kôranh Phat Dôih 6:24

Y-Gidêôn ndâk ta nây du nơng ƀư brah ma Brah Yêhôva jêh ri ntơ amoh jêng Brah Yêhôva Salôm. Nơng ƀư brah nây hôm e ta Ôphra, jêng ndơ phung Abiêser, kŏ tât ta nar aơ.

I Samuel 7:17

Jêh nây păng plơ̆ sĭt ma Rama, yorlah ngih păng ta nây. Ta Rama, păng phat dôih đŏng phung Israel, jêh ri ta nây păng ndâk du nơng ƀư brah ma Brah Yêhôva.