Nau Ntơm 12:3 - Nau Brah Ndu Ngơi 2023

³ Gâp mra ăn nau ueh uĭn ma mbu nơm ăn nau ueh uĭn ma may, Rak rtăp ma mbu nơm rtăp rak may; Lĕ rngôch mpôl băl bunuyh klơ rplay neh Mra yor tă bơh may geh nau ueh uĭn.”

Bunong Bible Latin Script Cambodian dialect

³ Gâp ăn geh jêng ma bu moh i ăn geh jêng ma may, Gâp rtăp đŏng ma bu moh i rtăp may, dâng lĕ rnăk vâl bunuyh ta neh ntu dja, geh jêng tă bơh may dadê”.

Bunong

³ គ៝ប់​អ៝ន់​គែស​ជេង​មា​ឞូ​ម៝ស​អី​អ៝ន់​គែស​ជេង​មា​មៃ គ៝ប់​រាតាប់​ដ៝ង់​មា​ឞូ​ម៝ស​អី​រាតាប់​មៃ ទឹង​លែៈ​រានាក់​វ៝ល់​ឞូនុយ្ស​តា​នែស​នតូ​អ្យា គែស​ជេង​តាៈ​ឞើស​មៃ​ទាទេ”។

Nau Ntơm 12:3 ပူးပေါင်းရင်းမြစ်များ

Nau Ntơm 18:18

Nanê̆ Y-Abraham mra jêng du mpôl băl toyh jêh ri geh nau dăng ktang; lĕ rngôch phung ƀon lan klơ neh ntu tă bơh păng da dê mra geh nau ueh uĭn.

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

Nau Ntơm 22:18

Lĕ rngôch phung ƀon lan klơ neh ntu yor tă noi deh phung kon sau may, mra geh nau ueh uĭn da dê, yorlah may lĕ tông jêh bâr Gâp.’ ”

Nau Ntơm 24:35

Brah Yêhôva hŏ ăn nau ueh uĭn âk ma kôranh gâp jêh ri ăn ma kôranh gâp jêng ndrŏng. Păng ăn ma kôranh gâp biăp ndrôk, prăk mah, phung oh mon bu klâu bu ur, seh samô jêh ri seh bri.

Nau Ntơm 25:11

Jêh Y-Abraham khĭt, Brah Yêhôva ăn nau ueh uĭn ma Y-Isăk, kon bu klâu păng. Y-Isăk gŭ êp ntu dak Bêr-Lahai-Roi.

Nau Ntơm 26:29

Ăn may ton mâu hôm ôh ƀư nau mhĭk ma hên, nâm bu phung hên mâu hŏ tâm rdâng đah may, ƀiălah hên lơ hô ƀư ueh jêh ri ăn may du luh hăn ma nau đăp mpăn. Aƀaơ may jêng nơm Brah Yêhôva ăn nau ueh uĭn.”

Nau Ntơm 26:4

Gâp mra ăn noi deh kon bĭk rơ̆ nâm bu mănh tâm trôk jêh ri ăn ma lĕ noi deh may nkual bri aơ. Lĕ rngôch phung ƀon lan tâm neh ntu mra geh nau ueh uĭn yor tă bơh noi deh may;

Nau Ntơm 27:29

Ăn lĕ bunuyh ƀon lan pah kan ma may, Lĕ bri dak chon mon ta may! Chiă uănh hom ma phung oh nâu may, Phung kon bu klâu mê̆ may chon mon ma may da dê! Mbu nơm rtăp rak kon mra dơn nau bu rtăp rak tay, Mbu nơm dăn nau ueh uĭn ma may mra geh nau ueh uĭn tay.”

Nau Ntơm 28:14

Noi deh may mra âk tâm ban ma ndruyh neh, gŭ lam luh nar, nhâp nar, pa dâng, pa lơ, jêh ri lĕ rngôch phung mpôl băl bunuyh tâm neh ntu mra geh nau ueh uĭn yor bơh may jêh ri yor bơh noi deh may.

Nau Ntơm 30:27

Y-Laban lah: “Ŭch ma may geh nau yô̆ tanăp măt gâp! May gĭt Brah Yêhôva ăn jêh nau ueh uĭn ma may yor gâp.”

Nau Ntơm 30:30

Êlor gâp tât, mpô mpa may rong geh djê̆ dơm, ƀiălah aƀaơ păng bĭk jêng âk râk. Ta moh ntŭk mbang jâng gâp tât, Brah Yêhôva ăn nau ueh uĭn ma may ta ntŭk nây. Pôri, ndah jŏ gâp dơi geh ndơ gay mĭn ma rnăk sa gâp nơm?”

Nau Ntơm 39:5

Ntơm bơh nar păng jao ma Y-Yôsep mât uănh tâm ngih păng jêh ri lĕ drăp ndơ tâm ngih păng, Brah Yêhôva ăn nau ueh uĭn ma rnăk vâl Y-Pôtipar yor Y-Yôsep. Nau ueh lăng Brah Yêhôva gŭ ta lĕ rngôch drăp ndơ păng geh, tâm ngih nđâp ma tâm mir.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Nau Ngluh Êjipt 23:22

Ƀiălah tơlah may iăt nau tông bâr păng jêh ri ƀư tĭng lĕ nau Gâp ntĭnh ntăm, pôri Gâp mra jêng phung rlăng đah phung rlăng kon, jêh ri nơm rdâng đah phung tâm rdâng đah kon.

Nau Kơp Bunuyh 24:9

Khân păng bê̆ch, păn nâm bu du mlâm yau mŭr nkuăng Jêh ri nâm bu du mlâm yau mŭr me. Mbu nơm mra rbĭch khân păng? Ngăn ăn nau ueh uĭn ma mbu nơm mra ăn nau ueh uĭn ma may, Rtăp rah hom ma mbu nơm mra rak rtăp ma may.”

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Mathay 25:45

Păng mra plơ̆ lah pô aơ: ‘Nanê̆, Gâp lah ma khân may, nôk khân may mâu mâp ƀư nau aơ ma du huê jê̆ lơn tâm phung bunuyh aơ, jêng nâm bu khân may mâu mâp ƀư ma Gâp tâm ban lĕ.’

Luka 24:27

Jêh nây ntơm tă bơh Y-Môis tât ma lĕ rngôch phung nơm mbơh lor, Păng rblang ma khân păng lĕ nau knŏng ma Păng tâm lĕ Nau Brah Ndu Ngơi.

Samƀŭt Pôl Njuăl Ăn Ma Phung Nsing Ta Ƀon Rôm 4:11

Păng dơn jêh nau tâm mbên ma nau koh ntâu tâm ban tâp pŏng nau sŏng srăng păng geh jêh ma nau chroh ntơm bơh păng ê hŏ koh ntâu. Tâm ban pônây păng plơ̆ jêng mbơ̆ ma lĕ rngôch phung chroh ƀiălah mâu geh koh ntâu, khân păng dơi kơp jêng sŏng srăng tâm ban lĕ,

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

Galati 3:16

Ma lĕ nau ton hŏ ntăm jêh ma Y-Abraham jêh ri ma noi deh păng, Nau Brah Ndu Ngơi mâu lah ôh: “Jêh ri ma lĕ noi deh” tâm ban prăp ma âk bunuyh, ƀiălah lah: “Jêh ri ma noi deh may,” tâm ban knŏng ma du huê bunuyh, nâm bu ntĭt Brah Krist.

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

Galati 3:8

Nau Brah Ndu Ngơi hŏ saơ lor pô aơ Brah Ndu mra kơp phung bu năch jêng sŏng srăng yor ma nau chroh, pôri hŏ nkoch mbơh lor jêh ma Y-Abraham Nau Mhe Mhan Ueh aơ: “Lĕ rngôch mpôl băl bunuyh mra geh nau ueh uĭn tă bơh may.”

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Kôlôh 3:11

Ta aơ mâu hôm tâm nkhah phung Grek, mâu lah phung Yuđa, bunuyh dơn koh ntâu mâu lah mâu dơn koh ntâu, bunuyh bri, mâu lah phung Syth, bunuyh dĭk bu mâu lah kon me; ƀiălah Brah Krist jêng lĕ rngôch jêh ri tâm lĕ rngôch.

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.