Nau Ntơm 12:2 - Nau Brah Ndu Ngơi 2023

² Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Bunong Bible Latin Script Cambodian dialect

² Gâp ăn may geh rnoi deh ŏk, ăn khân păng jêng du phung dŭt kuŏng, Gâp ăn may geh jêng, ndrel ma ăn bu lư săk may, kơt ndri dâng may jêng bunuyh ăn geh jêng ma bu đŏng.

Bunong

² គ៝ប់​អ៝ន់​មៃ​គែស​រាន៝យ​ទែស​អ៝ក់ អ៝ន់​ខាន់​ពាង់​ជេង​ទូ​ផូង​ទុត​ក្វ៝ង់ គ៝ប់​អ៝ន់​មៃ​គែស​ជេង នទ្រែល​មា​អ៝ន់​ឞូ​លឺ​ឆាក់​មៃ កើត​នទ្រី​ទឹង​មៃ​ជេង​ឞូនុយ្ស​អ៝ន់​គែស​ជេង​មា​ឞូ​ដ៝ង់។

Nau Ntơm 12:2 ပူးပေါင်းရင်းမြစ်များ

Nau Ntơm 13:16

Gâp mra ƀư ma noi deh may jêng âk tâm ban ndruyh klơ neh; tơlah mbu nơm dơi kơp ndruyh klơ neh ri mơ dơi kơp đŏng noi deh may.

Nau Ntơm 15:5

Păng leo Y-Abram luh padih jêh ri lah: “N'gơr hom măt uănh klơ trôk jêh ri tơlah may dơi kơp lĕ mănh, kơp hom.” Jêh nây Păng lah tay ma Y-Abram: “Noi deh may mra tâm ban kơt nây đŏng.”

Nau Ntơm 17:20

Bi ma Y-Ismaêl, Gâp iăt jêh nau may mbơh sơm. Aơ, Gâp mra ăn nau ueh uĭn ma păng, ƀư ma păng bĭk rơ̆ dŭt âk. Păng mra jêng chô yau ma jât ma bar kon hađăch, jêh ri Gâp mra ƀư ma păng jêng du phung mpôl băl toyh.

Nau Ntơm 18:18

Nanê̆ Y-Abraham mra jêng du mpôl băl toyh jêh ri geh nau dăng ktang; lĕ rngôch phung ƀon lan klơ neh ntu tă bơh păng da dê mra geh nau ueh uĭn.

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

Nau Ntơm 19:29

Nôk Brah Ndu ƀư rai lĕ ƀon tâm neh lâng, ntŭk Y-Lot dôl gŭ, Păng kah gĭt ma Y-Abraham rĭ dĭng hŏ rklaih jêh Y-Lot du luh bơh nau ƀư rai nây.

Nau Ntơm 24:1

Y-Abraham lĕ ranh jêh, năm lĕ âk; jêh ri Brah Yêhôva ăn jêh nau ueh uĭn ma Y-Abraham tâm ăp ntil ndơ.

Nau Ntơm 24:35

Brah Yêhôva hŏ ăn nau ueh uĭn âk ma kôranh gâp jêh ri ăn ma kôranh gâp jêng ndrŏng. Păng ăn ma kôranh gâp biăp ndrôk, prăk mah, phung oh mon bu klâu bu ur, seh samô jêh ri seh bri.

Nau Ntơm 25:11

Jêh Y-Abraham khĭt, Brah Yêhôva ăn nau ueh uĭn ma Y-Isăk, kon bu klâu păng. Y-Isăk gŭ êp ntu dak Bêr-Lahai-Roi.

Nau Ntơm 26:3

Ăn may gŭ njưh tâm n'gor aơ, Gâp mra gŭ ndrel ma kon jêh ri ăn nau ueh uĭn ma kon; yorlah Gâp mra ăn ma may jêh ri ma noi deh kon lĕ nkual bri aơ jêh ri Gâp mra ƀư n'hêl nanê̆ nau Gâp ton jêh ma Y-Abraham, mbơ̆ may.

Nau Ntơm 26:4

Gâp mra ăn noi deh kon bĭk rơ̆ nâm bu mănh tâm trôk jêh ri ăn ma lĕ noi deh may nkual bri aơ. Lĕ rngôch phung ƀon lan tâm neh ntu mra geh nau ueh uĭn yor tă bơh noi deh may;

Nau Ntơm 27:29

Ăn lĕ bunuyh ƀon lan pah kan ma may, Lĕ bri dak chon mon ta may! Chiă uănh hom ma phung oh nâu may, Phung kon bu klâu mê̆ may chon mon ma may da dê! Mbu nơm rtăp rak kon mra dơn nau bu rtăp rak tay, Mbu nơm dăn nau ueh uĭn ma may mra geh nau ueh uĭn tay.”

Nau Ntơm 28:14

Noi deh may mra âk tâm ban ma ndruyh neh, gŭ lam luh nar, nhâp nar, pa dâng, pa lơ, jêh ri lĕ rngôch phung mpôl băl bunuyh tâm neh ntu mra geh nau ueh uĭn yor bơh may jêh ri yor bơh noi deh may.

Nau Ntơm 35:11

Brah Ndu lah tay ma păng: “Gâp jêng Brah Ndu Geh Lĕ Nau Brah; ăn deh hom kon jêh ri bĭk rơ̆ âk râk. Du phung ƀon lan jêh ri du phung ƀon lan toyh mra luh tă bơh may, jêh ri tă bơh noi deh may mra luh phung hađăch.

Nau Ntơm 46:3

Brah Ndu lah: “Gâp jêng Brah Ndu, Brah Ndu mbơ̆ may. Lơi klach ôh dôl hăn trŭnh ta Êjipt, yorlah ta nây Gâp mra ƀư ma may jêng du mpôl băl toyh.

II Samuel 7:9

Gâp hŏ gŭ ndrel ma may tâm lĕ rngôch ntŭk may hăn, ƀư rai lĕ rngôch phung rlăng may; jêh ri Gâp hŏ ƀư ăn may lư n'găr nâm bu amoh phung toyh ta neh ntu.

I Phung Hađăch 1:47

Rlau lơn ma nĕ, phung oh mon hađăch văch tât mât ton ma hađăch Đavit, kôranh he, pô aơ: ‘Dăn ma Brah Ndu may ƀư ma amoh Y-Salômôn lư n'găr lơn ma amoh may, jêh ri ƀư ăn sưng hađăch Salômôn tâm nau toyh lơn ma sưng hađăch may!’ Jêh nây Y-Đavit nơm chon mon ta klơ sưng bê̆ch păng,

Ndrom Samƀŭt bơh Yôp 35:8

Nau djơh may mra ƀư mhĭk tât ma du mpôl bunuyh, Nau sŏng srăng may dơi geh nau khlay kơl ma kon bunuyh.

Nau Mprơ Ơm 107:38

Brah Ndu ăn nau ueh uĭn ma khân păng, jêh ri khân păng bĭk âk. Păng mâu ăn phung mpô mpa rong khân păng geh nau n'hŭch.

Nau Ngluh Êjipt 1:7

Kon sau Y-Israel deh kon âk râk ngăch ngăn; rnoh bunuyh hao âk bĭk rơ̆, bêng ăp n'gor jêh ri mra jêng dŭt dăng ngăn ngên.

Nau Ngluh Êjipt 32:10

Pôri aƀaơ, lơi kđôi Gâp be, gay ma Gâp hao nau ji nuih jêh ri gâp ƀư rai khân păng. Ƀiălah Gâp mra ƀư ma may jêng du mpôl băl toyh.”

Êsai 51:2

Ăn khân may uănh hom chô yau khân may jêng Y-Abraham Jêh ri ma H'Sara, jêng nơm deh ma khân may; Gâp kuăl jêh Y-Abraham nôk păng gŭ knŏng du huê, Ƀiălah Gâp hŏ ăn nau ueh uĭn ma păng, Jêh ri ƀư ma păng plơ̆ jêng âk râk.

Êsêkiêl 34:26

Gâp mra ƀư ăn khân păng đah lĕ ntŭk văr jŭm yôk Gâp jêng tu nau ueh uĭn. Gâp mra ăn tŭp dak mih tâm di yan; dak mih nây mra jêng nau ueh uĭn.

Mika 7:20

May mra tâm mpơl nau răp jăp ngăn ma Y-Yakôb Jêh ri nau ueh ăn ma Y-Abraham, Jêng nau May sơm ton ma phung chô yau hên Ntơm bơh rnôk saơm.

Sakari 8:13

Hơi ngih Yuđa jêh ri Israel! Mâm jêng nau bu rak rtăp khân may tâm ăp bri dak, pôri Gâp mra tâm rklaih khân may, jêh ri ƀư ma khân may mra jêng du nau ueh uĭn tâm ban lĕ. Lơi klach ôh, ƀiălah ƀư hom ti khân may ăn jêng dăng!”

Nau Kơp Bunuyh 14:12

Gâp mra nkhŭt khân păng ma nau ji tưp jêh ri ƀư rai khân păng, ƀiălah Gâp mra ƀư ma may jêng du phung ƀon lan toyh lơn jêh ri ktang lơn ma khân păng.”

Nau Kơp Bunuyh 22:12

Brah Ndu lah ma Y-Balaam: “Lơi hăn ndrel ma khân păng, lơi rak rtăp ôh ma phung ƀon lan aơ, yorlah khân păng jêng phung ƀon lan geh jêh nau ueh uĭn.”

Nau Kơp Bunuyh 23:20

Aơ, gâp sŏk dơn jêh nau ntăm ăn nau ueh uĭn; Păng hŏ ăn nau ueh uĭn jêh, gâp mâu dơi rgâl nau nây ôh.

Samƀŭt Pôl Njuăl Ăn Ma Phung Nsing Ta Ƀon Rôm 4:11

Păng dơn jêh nau tâm mbên ma nau koh ntâu tâm ban tâp pŏng nau sŏng srăng păng geh jêh ma nau chroh ntơm bơh păng ê hŏ koh ntâu. Tâm ban pônây păng plơ̆ jêng mbơ̆ ma lĕ rngôch phung chroh ƀiălah mâu geh koh ntâu, khân păng dơi kơp jêng sŏng srăng tâm ban lĕ,

Galati 3:14

gay tâm Yêsu Krist ma nau ueh lăng prăp ma Y-Abraham tât ma phung bu năch, jêh ri ma nau chroh he dơi sŏk dơn nau ton ma Brah Huêng Ueh.

Galati 3:7

Pôri, khân may gĭt năl hom phung geh nau chroh jêng kon sau Y-Abraham.

Nau Vay Nkah Tay 26:5

Jêh nây, ăn khân may ngơi tanăp Yêhôva Brah Ndu pô aơ: ‘Chô yau hên jêng du huê bunuyh Aram nsong mblêng jŭr ta Êjipt, gŭ njưh ƀât lât ta nây đah du phung djê̆, ƀiălah bơh ta nây lĕ plăch jêng du ndŭl mpôl toyh, ktang jêh ri bĭk âk.