Nau Ntơm 10:5 - Nau Brah Ndu Ngơi 2023

⁵ Tă bơh khân păng dĭng geh phung ƀon lan hăn gŭ lĕ gôl dak; ăp phung ƀon lan tĭng nau khân păng nơm ngơi, tĭng ndŭl mpôl êng êng, rêh tâm n'gor khân păng nơm.

Bunong Bible Latin Script Cambodian dialect

⁵ Khân păng i nây i u che mpôl bunuyh êng êng gŭ rŏ dak văch dak văr. Khân păng nchah mpôl êng êng, tâng rnăk vâl, tâng nau ngơi, tâng dak khân păng nơm.

Bunong

⁵ ខាន់​ពាង់​អី​នៃ​អី​អូ​ចែ​មពោល​ឞូនុយ្ស​អេងៗ​គុ​រ៝ៈ​ទាក​វាច់​ទាក​វារ់។ ខាន់​ពាង់​ញចាស​មពោល​អេងៗ តឹង​រានាក់​វ៝ល់ តឹង​នាវ​ងើយ តឹង​ទាក​ខាន់​ពាង់​នើម។

Nau Ntơm 10:5 ပူးပေါင်းရင်းမြစ်များ

Nau Ntơm 10:20

Nây jêng kon sau Y-Cham, pă ntŭk gŭ tĭng ndŭl mpôl, tĭng nau ngơi, tĭng n'gor jêh ri tĭng nâm phung ƀon lan khân păng.

Nau Ntơm 10:25

Y-Êber geh bar hê kon bu klâu: nâu păng amoh Y-Pêlek, yorlah rnôk rô̆ păng phung ƀon lan gŭ ta neh tâm nkhah êng êng; oh păng amoh jêng Y-Jôktan.

Nau Ntơm 10:32

Ta klơ aơ jêng lĕ ndŭl mpôl bơh pe nuyh phung kon bu klâu Y-Nôê, dăp tĭng nôk rô̆, tĭng phung ƀon lan khân păng. Tă bơh khân păng dĭng phung mpôl bunuyh nchah gŭ lam ntŭk tâm neh ntu jêh dak lêng.

Nau Ntơm 10:4

Phung kon bu klâu Y-Javan jêng Y-Êlisa jêh ri Y-Tarsis, Y-Kitim jêh ri Y-Dôdanim.

Nau Ntơm 10:6

Phung kon bu klâu Y-Cham jêng Y-Kus, Y-Êjipt, Y-Put jêh ri Y-Kanaan.

Nau Ntơm 9:19

Nây jêng pe phung kon bu klâu Y-Nôê, jêh ri tă bơh khân păng geh bunuyh pă gŭ lam bri neh.

Êsther 10:1

Hađăch Asuêrus nchâp phung ƀon lan tâm n'gor jêh ri lĕ gôl dak mƀŭt chê̆ pi.

Nau Mprơ Ơm 72:10

Phung hađăch n'gor Tarsis jêh ri phung kô dak rlai Mra chê̆ pi ma hađăch. Hađăch bơh Saba jêh ri Sêba Mra djôt ndơ văch ăn ma hađăch.

Êsai 11:11

Tâm nar nây, Kôranh Brah mra yơr ti du tơ̆ đŏng gay chuai phung ƀon lan hôm e klen Păng, jêng phung ƀon lan hôm e tă bơh bri Asiri, Êjipt, Pathrôs, Kus, Êlam, Sinar, Hamat jêh ri bơh lĕ gôl dak mƀŭt.

Êsai 24:15

Pôri bơh mpeh luh nar, mât ton hom ma Brah Yêhôva, Tă bơh lĕ gôl dak mƀŭt, tâm rnê ma Amoh Brah Yêhôva, Brah Ndu Israel.

Êsai 40:15

Aơ, lĕ bri dak jêng tâm ban ma du ntruh dak tâm thŭng, Tâm ban ma ndruyh neh ta klơ njing; Aơ, Păng mpư lĕ gôl dak mƀŭt hao tâm ban mpư du ndơ jê̆.

Êsai 41:5

Lĕ rngôch gôl dak mƀŭt saơ jêh ri klach krit, Lĕ ntŭk nglĕ dŭt neh ntu râm sâr da dê. Khân păng văch dăch jêh ri hăn tât.

Êsai 42:10

Mprơ hom ma Brah Yêhôva du nau mprơ mhe, Nau mprơ tâm rnê ma Păng bơh ntŭk dŭt rplay neh! Ơ phung hăn ta dak mƀŭt, nđâp ma lĕ rngôch mpa tâm păng, Lĕ gôl dak mƀŭt ndrel phung gŭ tâm păng, Rđuh ngrông hom.

Êsai 42:4

Păng mâu mra hŏt rgănh, mâu rdja nuih ôh Kŏ tât nôk Păng ndâk jêh nau di ta klơ neh ntu; Lĕ rngôch gôl dak mƀŭt mra kâp gân nau vay Păng.

Êsai 49:1

Ơ lĕ gôl dak mƀŭt, iăt hom gâp! Ơ phung ƀon lan gŭ ngai, rkêng hom tôr: Brah Yêhôva kuăl jêh gâp bơh ndŭl me, Păng nkah amoh gâp dôl gâp hôm tâm ndŭl me.

Êsai 51:5

Nau sŏng srăng Gâp dăch êp jêh, Nau Gâp tâm rklaih dăch mpơl jêh, Nting tur Gâp mra chiă uănh phung ndŭl mpôl bunuyh. Lĕ rngôch gôl dak mƀŭt, mra kâp gân Gâp, Jêh ri khân păng kâp gân ma nting tur Gâp.

Êsai 59:18

Păng mra mplơ̆ ma ăp nơm tĭng nâm kan păng ƀư: Nau ji nuih ma phung rdâng đah Păng, jêh ri nau plơng ma phung rlăng đah Păng; Păng mra mplơ̆ sĭt ma lĕ gôl dak mƀŭt.

Êsai 60:9

Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Yêrêmi 2:10

Găn hom uănh gôl Kitim, Mprơh hom bunuyh tât Kêdar joi gĭt n'hêl nanê̆ ngăn; Gay uănh hŏ tă geh kan nâm bu pônây đŏng.

Yêrêmi 25:22

phung hađăch Tyre, lĕ rngôch hađăch Sidôn, jêh ri lĕ rngôch phung hađăch gŭ lĕ gôl dak mƀŭt;

Êsêkiêl 26:15

Kôranh Brah Yêhôva lah ma ƀon Tyre pô aơ: “Mâu di hĕ dôl tăng n'găr may tŭp, bunuyh rmanh rđêng nđor, dôl nau bu tâm nkhĭt ta nklang may, pôri lĕ gôl dak mƀŭt tăng n'găr mpât lĕ?

Êsêkiêl 26:18

Aƀaơ ri, lĕ gôl dak mƀŭt râm nsâr Tâm nar may lĕ rlâm rai nchah Jêh ri lĕ gôl dak mƀŭt mra klach krit ngăn Ma nau may rai lôch!’”

Daniel 11:18

Pakơi nau nây, hađăch plơ̆ hăn rlet ma n'gor kơh dak mƀŭt jêh ri dơi pit âk ntŭk. Ƀiălah du huê kôranh tahan mra ƀư ăn lôch nuih n'hâm nau hađăch sưr, ƀư ăn nau sưr păng nơm tâm rdâng đah păng.

Sôphôni 2:11

Ma đah khân păng, Brah Yêhôva ma nau krit klach dŭt n'hâm, Yorlah Păng mra ƀư rai lĕ rngôch phung brah ta neh ntu, Jêh ri ăp nơm mra yơk mbah ma Păng tâm ntŭk păng nơm, Lĕ rngôch gôl dak mƀŭt ma lĕ bri dak tâm ban pônây lĕ.

Nau Vay Nkah Tay 32:8

Lah Nơm Dŭt Prêh tâm pă drăp ndơn ma lĕ phung ƀon lan, Jêh ri tâm nkhah phung kon bunuyh, Pôri Păng tâm nal n'har neh ma lĕ rngôch ntil mpôl băl bunuyh Tĭng nâm rnoh phung ƀon lan Israel.