Nau Ntơm 1:31 - Nau Brah Ndu Ngơi 2023

³¹ Brah Ndu saơ lĕ ntil ndơ Păng hŏ njêng jêh; ri, ueh ngăn ngên! Pôri, geh mhaơ jêh ri ôi. Nây jêng nar tal prao.

Bunong Bible Latin Script Cambodian dialect

³¹ Kôranh Brah uănh dâng lĕ rngôch ndơ Păng njêng i nây nơh, Păng say dâng lĕ ntil ndơ Păng jan nơh, lĕ ueh ngăn ro, ta nây geh măng geh ôi, i nây jêng nar tŏl prao.

Bunong

³¹ កោរាញ​ឞ្រាស​អ្វាញ់​ទឹង​លែៈ​រាងោច​នទើ​ពាង់​ញជេង​អី​នៃ​នើស ពាង់​ឆៃ​ទឹង​លែៈ​នតីល​នទើ​ពាង់​ជាន​នើស លែៈ​អ្វែស​ងាន់​រ៝ តា​នៃ​គែស​មាង់​គែស​អោយ អី​នៃ​ជេង​នារ​ត៝ល់​ព្រាវ។

Nau Ntơm 1:31 ပူးပေါင်းရင်းမြစ်များ

Nau Ntơm 1:13

Pôri, geh măng jêh ri geh ôi. Nây jêng nar tal pe.

Nau Ntơm 1:19

Pôri, geh măng jêh ri geh ôi. Nĕ jêng nar tal puăn.

Nau Ntơm 1:23

Pôri, geh măng jêh ri geh ôi. Nây jêng nar tal prăm.

Nau Ntơm 1:5

Brah Ndu kuăl nau ang jêng “nar,” jêh ri nau ngo jêng “măng.” Pôri, geh măng jêh ri geh ôi. Nây jêng nar tal nguay.

Nau Ntơm 1:8

Brah Ndu rnha ntŭk đôr jêng “trôk.” Pôri, geh măng jêh ri geh ôi. Nây jêng nar tal bar.

Nau Ntơm 2:2

Nar tal pơh, Brah Ndu ƀư lôch lĕ nau kan Păng hŏ ƀư jêh. Yor ri, tâm nar tal pơh Păng rlu. Păng hŏ ƀư lôch jêh lĕ nau kan.

Nau Ntơm 2:3

Păng ăn nau ueh uĭn ma nar tal pơh jêh ri ƀư nar nây jêng nar kloh ueh, yor tâm nar nây Păng rlu tơlah hŏ lôch jêh lĕ nau kan rhăk njêng.

Ndrom Samƀŭt bơh Yôp 38:7

Tâm rnôk nây lĕ mănh mbing ôi mprơ ndrel n'grŭp, Phung kon bu klâu Brah Ndu troh nau mprơ hâk răm?

Nau Mprơ Ơm 104:24

Ơ Brah Yêhôva, kan May âk ngăn ngên! May njêng jêh lĕ rngôch ma nau blau mĭn; Neh ntu bêng ma ndơ May njêng.

Nau Mprơ Ơm 104:28

May ăn ma khân păng jêh ri khân păng sŏk dơn; May mplơt ti ăn khân păng dơi hơm mpay lĕ ndơ ueh.

Nau Mprơ Ơm 104:31

Ăn nau chrêk rmah Brah Yêhôva gŭ ƀaƀơ; Ăn Brah Yêhôva răm maak tâm kan Păng.

Nau Mprơ Ơm 119:68

May jêng ueh, jêh ri lơ hô ƀư nau ueh ƀaƀơ; Sâm nti gâp lĕ nau vay ƀư bơh May.

Nau Ngluh Êjipt 20:11

Yorlah tâm prao nar Brah Yêhôva hŏ rhăk njêng trôk, neh ntu, dak mƀŭt, jêh ri lĕ rngôch mpa gŭ tâm nây, ƀiălah Păng rlu tâm nar pơh. Yor ri, Brah Yêhôva ăn nau ueh uĭn ma nar rlu jêh ri ƀư kloh ueh nar nây.

Nau Ngluh Êjipt 31:17

Nau nây jêng du nau tâm mbên n'ho ro ta nklang Gâp jêh ri phung ƀon lan Israel, yorlah Brah Yêhôva hŏ rhăk njêng jêh trôk jêh ri neh ntu tâm prao nar, tât nar tal pơh Păng mâu hôm kan jêh ri gŭ rlu.’”

Nau Hôr 16:4

Brah Yêhôva rhăk njêng lĕ rngôch mpô mpa geh da dê nau ŭch, Nđâp ma lĕ bunuyh ƀai đŏng prăp ma nar nau mhĭk.

Nơm Nti 3:11

Lĕ rngôch kan Brah Ndu hŏ ƀư jêng ueh da dê tâm rnôk păng. Nđâp tơlah Brah Ndu n'gân nau n'ho ro tâm nuih n'hâm kon bunuyh, ƀiălah khân păng ăt mâu dơi gĭt rbăng nau kan Păng ƀư ntơm bơh saơm tât nglĕ dŭt.

Nau Nhĭm Vơl 3:38

Di lĕ bơh mbung Nơm Dŭt Prêh Luh du n'ho ma nau mhĭk nđâp ma nau ueh?

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

I Timôthê 4:4

Yorlah lĕ rngôch ndô ndơ Brah Ndu njêng jêh jêng ueh da dê, mâu geh ndơ mƀăr lơi ôh, knŏng tơlah sŏk dơn ma nuih n'hâm gĭt lah ueh;

I Timôthê 4:5

yorlah nau Brah Ndu ngơi jêh ri nau mbơh sơm, ndơ nây dơi kloh ueh jêh.