Nau Ntơm 1:28 - Nau Brah Ndu Ngơi 2023

²⁸ Brah Ndu ăn nau ueh uĭn ma bunuyh jêh ri lah: “Ăn khân may deh kon, ăn bĭk rơ̆ âk râk jêh ri ƀư ăn bêng neh; ƀư hom ăn neh tông bâr, chiă uănh hom ntil ka tâm dak mƀŭt, ntil sĭm mpăr klơ trôk jêh ri lĕ rngôch mpa vơr ta neh.”

Bunong Bible Latin Script Cambodian dialect

²⁸ Jêh ri Kôranh Brah ăn nau geh jêng ma khân păng, Păng lah: “Ăn bă oh rong kon bâk rơ̆ lam neh ntu dja, ăn jêng kôranh ma neh ntu dja, jêh ri dơi đah ma kât ka ta dak văch dak văr, siŭm mpăr ta kalơ trôk, dơi đah dâng lĕ rngôch mpômpa (siŭm) i geh ta neh ntu dja”.

Bunong

²⁸ ជេសរី​កោរាញ​ឞ្រាស​អ៝ន់​នាវ​គែស​ជេង​មា​ខាន់​ពាង់ ពាង់​លាស៖ “អ៝ន់​ឞាៈ​អ៝ស​រ៝ង​ក៝ន​ឞឹក​រឹ​លាម​នែស​នតូ​អ្យា អ៝ន់​ជេង​កោរាញ​មា​នែស​នតូ​អ្យា ជេសរី​ទើយ​ដាស​មា​កឹត​កា​តា​ទាក​វាច់​ទាក​វារ់ ឆ្យុម​មពារ់​តា​កាលើ​ត្រោក ទើយ​ដាស​ទឹង​លែៈ​រាងោច​មពោមពា​(ឆ្យុម)​អី​គែស​តា​នែស​នតូ​អ្យា”។

Nau Ntơm 1:28 ပူးပေါင်းရင်းမြစ်များ

Nau Ntơm 1:22

Brah Ndu ăn nau ueh uĭn ma lĕ ntil nây jêh ri lah: “Ăn deh bĭk rơ̆ dŭt âk, gay bêng tâm dak mƀŭt; bi ma lĕ ntil sĭm ăn bĭk dŭt âk ta klơ neh.”

Nau Ntơm 17:16

Gâp mra ăn nau ueh uĭn ma păng, jêh ri tă bơh păng Gâp mra ăn ma may du huê kon bu klâu, Gâp mra ăn nau ueh uĭn ma păng, păng mra jêng mê̆ ma âk phung ƀon lan; phung hađăch ma âk phung ƀon lan luh tă bơh păng da dê.”

Nau Ntơm 17:20

Bi ma Y-Ismaêl, Gâp iăt jêh nau may mbơh sơm. Aơ, Gâp mra ăn nau ueh uĭn ma păng, ƀư ma păng bĭk rơ̆ dŭt âk. Păng mra jêng chô yau ma jât ma bar kon hađăch, jêh ri Gâp mra ƀư ma păng jêng du phung mpôl băl toyh.

Nau Ntơm 24:60

Khân păng ăn nau ueh uĭn ma H'Rêbêka pô aơ: “Hơi oh bu ur hên ơi! Ăn ay dơi jêng me Ma rmưn rsen bunuyh, Jêh ri noi deh ay dơi pit in Mpông ƀon phung tahan rlăng.”

Nau Ntơm 26:24

Tâm măng nây, Brah Yêhôva tâm mpơl jêh ri lah đah păng: “Gâp jêng Brah Ndu Y-Abraham, mbơ̆ kon. Lơi klach ôh, yorlah Gâp gŭ ndrel ma kon. Gâp mra ăn nau ueh uĭn ma kon jêh ri ƀư ma noi deh kon bĭk rơ̆, yor Y-Abraham jêng oh mon Gâp!”

Nau Ntơm 33:5

Y-Êsau n'gơr măt saơ phung bu ur jêh ri kon se jê̆, Y-Êsau ôp: “Mbu phung hăn ndrel ma may aơ?” Y-Yakôb plơ̆ sĭt lah: “Nây jêng phung kon Brah Ndu geh nau yô̆ hŏ ăn jêh ma oh mon may.”

Nau Ntơm 49:25

Brah Ndu mbơ̆ may mra kơl may; Nơm Geh Lĕ Nau Brah mra ăn nau ueh uĭn ma may, Jêng nau ueh lăng bơh klơ trôk jŭr, Nđâp nau ueh lăng bơh dak jru tâm dâng hao dŭl klơ, Nau ueh lăng bơh toh me jêh ri bơh rsok rtat.

Nau Ntơm 5:2

Brah Ndu rhăk njêng bu klâu jêh ri bu ur, ăn nau ueh uĭn ma khân păng, jêh ri tâm amoh jêng “bunuyh” rnôk Păng rhăk njêng khân păng.

Nau Ntơm 6:1

Kon bunuyh ntơm bĭk rơ̆ klơ neh jêh ri deh âk kon bu ur.

Nau Ntơm 8:17

Ngluh hom bơh kumpăn lĕ rngôch mpô mpa hŏ gŭ ndrel ma may, jêng lĕ ntil mpa rêh nâm bu sĭm, lĕ ntil mpô mpa, lĕ ntil mpa vơr klơ neh, gay ma khân păng deh kon jêh ri bĭk rơ̆ âk râk klơ neh.”

Nau Ntơm 9:1

Brah Ndu ăn nau ueh uĭn ma Y-Nôê jêh ri ma phung kon bu klâu păng. Păng lah ma khân păng: “Ăn deh hom, bĭk rơ̆ âk râk, jêh ri ƀư bêng ler neh.

Nau Ntơm 9:7

Pôri, ăn khân may deh kon, bĭk rơ̆ âk râk, jêh ri ƀư bêng ler klơ neh.”

I Nau Rêh Jêng 26:5

Y-Amiêl jêng kon rơh prao, Y-Isakar jêng kon rơh pơh, jêh ri Y-Pêulêthai jêng kon rơh pham; yorlah Brah Ndu ăn nau ueh uĭn ma Y-Ôbet-Êđôm.

I Nau Rêh Jêng 4:10

Y-Jabes kuăl mbơh sơm ma Brah Ndu Israel, lah pô aơ: “Ơ, dăn Kôranh Brah ăn nau ueh uĭn lăng âk ngăn ma kon, pơk an huy n'har bri gâp. Dăn ti Kôranh Brah sâm kơl gâp, king gâp bơh lĕ rngôch nau mhĭk, gay ma gâp klaih bơh nau rêh ni!” Brah Ndu ăn ma păng di ngăn nau păng mbơh sơm dăn jêh.

Ndrom Samƀŭt bơh Yôp 39:11

Păng hăn nsong lam dor yôk nâm bu gơ̆ ndrêch ma păng, Gay tĭng joi tơm si n'ha ndrêh.

Ndrom Samƀŭt bơh Yôp 42:12

Nâm bu pônây, Brah Yêhôva ăn nau ueh uĭn ma lĕ năm kêng lôch nau rêh Y-Yôp âk lơn ma nôk saơm. Păng geh du rmưn puăn rbăn mlâm biăp, prao rbăn seh samô, du rbăn trŭp ndrôk jêh ri du rbăn seh bri me.

Nau Mprơ Ơm 107:38

Brah Ndu ăn nau ueh uĭn ma khân păng, jêh ri khân păng bĭk âk. Păng mâu ăn phung mpô mpa rong khân păng geh nau n'hŭch.

Nau Mprơ Ơm 115:16

Lĕ ndâr trôk jêng ndơ Brah Yêhôva, Ƀiălah Păng ăn neh ntu ma phung kon bunuyh.

Nau Mprơ Ơm 69:34

Ăn trôk, neh ntu, dak mƀŭt Jêh ri lĕ ntil mpa rêh tâm nây mprơ tâm rnê ma Păng da dê.

Nau Mprơ Ơm 8:6

Kôranh Brah ăn ma kon bunuyh nau dơi chiă uănh kan ti Kôranh Brah; Ăn lĕ rngôch ndơ tâm dâng jâng păng,

Nau Mprơ Ơm 8:7

Lĕ rngôch phung biăp jêh ri mpa rong, Nâm bu lĕ mpa bri đŏng,

Êsai 45:18

Yorlah Brah Yêhôva jêng Nơm hŏ rhăk njêng lĕ ndâr trôk, Jêng Brah Ndu, Nơm hŏ rhăk njêng rplay neh, Păng njêng jêh ri ƀư ăn nâp, Păng mâu rhăk ăn jêng ntŭk hŏng ôh, Ƀiălah njêng păng ăn ntŭk kon bunuyh gŭ. Nơm nây lah pô aơ: “Gâp jêng Brah Yêhôva, mâu hôm geh Nơm êng ôh!”

Kan Lêvi 26:9

Gâp mra mât mray khân may, ƀư ăn khân may jêng bĭk rơ̆ dŭt âk, jêh ri ƀư nâp nau tâm rnglăp đah khân may.

I Timôthê 4:3

Khân păng buay bu gŭ ur sai, jêh ri ntĭnh ma bu ver lĕ ndơ sông sa Brah Ndu rhăk jêh ma phung chroh jêh ri gĭt rbăng nau ngăn sŏk dơn ma nuih n'hâm gĭt lah ueh.