Nau Ntơm 1:27 - Nau Brah Ndu Ngơi 2023

²⁷ Brah Ndu rhăk njêng bunuyh tĭng nâm rup Păng Nơm. Păng rhăk njêng bunuyh tĭng nâm rup Brah Ndu. Păng rhăk njêng bu klâu jêh ri bu ur.

Bunong Bible Latin Script Cambodian dialect

²⁷ Kôranh Brah njêng kon bunuyh nơh blao mân jêng kôranh tâm ban ma Păng Nơm ngăn Kơt Păng Nơm ngăn ro Kôranh Brah njêng khân păng ăn geh bu klô geh bu ur.

Bunong

²⁷ កោរាញ​ឞ្រាស​ញជេង​ក៝ន​ឞូនុយ្ស​នើស​ឞ្លាវ​មឹន​ជេង​កោរាញ​តឹម​ឞាន​មា​ពាង់នើម​ងាន់ កើត​ពាង់នើម​ងាន់​រ៝ កោរាញ​ឞ្រាស​ញជេង​ខាន់​ពាង់​អ៝ន់​គែស​ឞូ​ក្លោ​គែស​ឞូ​អូរ។

Nau Ntơm 1:27 ပူးပေါင်းရင်းမြစ်များ

Nau Ntơm 2:18

Yêhôva Brah Ndu lah: “Kon Bunuyh gŭ êng du huê mâu ueh ôh. Gâp mra njêng du huê bunuyh kơl tâm di đah păng.”

Nau Ntơm 2:7

Rnôk nây, Yêhôva Brah Ndu sŏk ndruyh neh mon jêng rup bunuyh, khôm n'hâm nau rêh tâm trôm muh, pôri bunuyh plơ̆ jêng huêng rêh.

Nau Ntơm 9:6

Mbu moh ƀư nkhŭt mham bunuyh, Mra geh bunuyh êng ƀư nkhŭt tay mham nơm nây; Yorlah Brah Ndu njêng bunuyh Tĭng nâm rup Păng nơm.

Nau Mprơ Ơm 139:14

Gâp tâm rnê lah ueh ma May, yor lĕ nau May njêng gâp klach krit jêh ri khlay ngăn ngên. Nau kan May dŭt khlay ngăn, Nuih n'hâm gâp gĭt rah vah ngăn nau nây.

Nơm Nti 7:29

Ƀiălah aơ jêng nau knŏng nguay gâp dơi joi: ‘Brah Ndu hŏ rhăk njêng kon bunuyh sŏng, Ƀiălah khân păng nơm hŏ joi âk ndơm.’”

Êsai 43:7

Jêng lĕ rngôch mbu nơm bu kuăl ma amoh Gâp, Gâp hŏ rhăk njêng jêh khân may yor nau chrêk rmah Gâp, Gâp hŏ njêng jêh jêh ri hŏ ƀư jêng khân may.”

Yêrêmi 29:6

Nsông ur hom jêh ri geh kon bu klâu, bu ur. Nsông ur hom ăn ma kon bu klâu, nđăp sai ăn ma phung kon bu ur gay ăn khân păng deh kon geh sau. Bĭk rơ̆ hom rnoh bunuyh ta nây lơi ăn n'hŭch ôh.

Malachi 2:15

Mâu di bơh Brah Ndu njêng knŏng du huê bunuyh nây, nđâp lah n'hâm păng nsôr rêh dơi rmeh ler ƀơh. Ƀiălah mâm dĭng njêng knŏng du huê bunuyh? Nây jêng gay joi du noi deh kloh ueh. Pôri, njrăng hom ma huêng khân may nơm, lơi ta mâu gŭ răp jăp ôh đah ur păng sŏk jêh dôl mom ndăm.

Mathay 19:4

Brah Yêsu plơ̆ lah: “Khân may ê hŏ rŏ lĕ? Bơh ntơm saơm Nơm Rhăk Njêng hŏ njêng bu klâu jêh ri bu ur,

Markôs 10:6

Ƀiălah ntơm bơh rhăk njêng neh ntu, ‘Brah Ndu knŏng njêng bu klâu jêh ri bu ur.’

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

Êphêsô 4:24

jêh ri nsoh bunuyh mhe, jêng bunuyh dơi rhăk njêng jêh tĭng rup Brah Ndu tâm nau ngăn sŏng srăng jêh ri nau kloh ueh.

Nau Vay Nkah Tay 4:32

“Pôri, ăn khân may mĭn ma lĕ nar kăl e, rnôk panăp ma khân may, ntơm bơh nar Brah Ndu rhăk njêng bunuyh ta neh; mĭn hom bơh bôl trôk aơ tât dŭt bôl trôk ri, prot geh nau tât toyh kơt nây, mâu lah hŏ tă tăng jêh moh nau kan tâm ban kơt nây lĕ mâu?

Kôlôh 1:15

Păng yơh jêng rup ma Brah Ndu mâu dơi saơ, jêng Nơm deh lor lơn ma lĕ rngôch mpa rhăk njêng.

Kôlôh 1:26

nâm bu ntĭt nau khlay ndâp nây, pôn jêh tâm lĕ rngôch rnôk rô̆ ƀiălah aƀaơ tâm mpơl jêh ma phung kloh ueh Păng.

Kôlôh 3:10

jêh ri nsoh bunuyh mhe, jêng bunuyh dơi rgâl mhe tâm nau gĭt năl, tĭng nâm rup Nơm rhăk bunuyh nây.

Phung Kôranh Phat Dôih 21:22

Tơlah mbơ̆ mâu lah nâu khân păng văch tât lah ma he, he mra plơ̆ lah: ‘Yor ma hên dăn khân may yô̆ an ma khân păng, yorlah nôk tâm lơh, hên mâu nhŭp ôh phung bu ur bu nă ƀư ur ma hên. Rlau lơn ma nĕ, mâu di ôh khân may ŭch ăn kon bu ur ma khân păng, yorlah tơlah ƀư pônây, n'hêl nanê̆ khân may mra jêng tih.’”