Nau Ntơm 1:26 - Nau Brah Ndu Ngơi 2023

²⁶ Brah Ndu lah: “Ăn He njêng bunuyh tĭng nâm rup He jêh ri tâm ban ma He Nơm, gay ăn khân păng chiă uănh lĕ ntil ka tâm dak mƀŭt, lĕ ntil sĭm klơ trôk, lĕ ntil mpô mpa rong, jêh ri lam neh, ndrel ma lĕ rngôch ntil mpa vơr ta neh.”

Bunong Bible Latin Script Cambodian dialect

²⁶ Jêh ri Kôranh Brah lah: “Ăn Bân jan kon bunuyh blao mân jêng kôranh tâm ban ma Bân Nơm kơt Bân Nơm, ăn păng kôranh ma neh ntu dja, dơi đah ma kât ka ta dak văch dak văr, siŭm mpăr ta kalơ trôk, mpômpa (siŭm) ta bri ta ƀon lam neh ntu, ndrel ma ăn păng dơi dadê đah dâng lĕ ntil ndơ hung ndơ vơr ta neh ntu dja”.

Bunong

²⁶ ជេសរី​កោរាញ​ឞ្រាស​លាស៖ “អ៝ន់​ឞ៝ន់​ជាន​ក៝ន​ឞូនុយ្ស​ឞ្លាវ​មឹន​ជេង​កោរាញ​តឹម​ឞាន​មា​ឞ៝ន់​នើម​កើត​ឞ៝ន់​នើម អ៝ន់​ពាង់​កោរាញ​មា​នែស​នតូ​អ្យា ទើយ​ដាស​មា​កឹត​កា​តា​ទាក​វាច់​ទាក​វារ់ ឆ្យុម​មពារ់​តា​កាលើ​ត្រោក មពោមពា​(ឆ្យុម)​តា​ឞ្រី​តា​ប៝ន​លាម​នែស​នតូ នទ្រែល​មា​អ៝ន់​ពាង់​ទើយ​ទាទេ​ដាស​ទឹង​លែៈ​នតីល​នទើ​ហូង​នទើ​វើរ​តា​នែស​នតូ​អ្យា”។

Nau Ntơm 1:26 ပူးပေါင်းရင်းမြစ်များ

Nau Ntơm 11:7

Găp jêh! Ăn He jŭr hom, ƀư tâm rlŭk nau ngơi khân păng, gay ma khân păng mâu dơi gĭt rbăng nau ngơi ndrăng khân păng nơm.”

Nau Ntơm 2:19

Yêhôva Brah Ndu sŏk neh mon njêng lĕ rngôch mpô mpa bri jêh ri sĭm klơ trôk, jêh nây njŭn leo tanăp măt bunuyh gay uănh mâm bunuyh ntơ khân păng, jêh ri moh săk bunuyh sâm ntơ ma ăp ntil mpa rêh jêng ntơ êng da dê ma păng.

Nau Ntơm 3:22

Yêhôva Brah Ndu mĭn: “Aơ, kon bunuyh hŏ jêng tâm ban ma He, gĭt tâm nkhah nau ueh jêh ri nau mhĭk. Pôri aƀaơ aơ uănh njrăng hom, klach lah kon bunuyh yơr ti pĕ play tơm si nau rêh gay sa jêh ri dơi geh nau rêh n'ho ro.”

Nau Ntơm 5:1

Aơ jêng noi deh Y-Ađam. Rnôk Brah Ndu rhăk njêng bunuyh, Păng njêng kon bunuyh tâm ban ma Brah Ndu.

Nau Ntơm 9:6

Mbu moh ƀư nkhŭt mham bunuyh, Mra geh bunuyh êng ƀư nkhŭt tay mham nơm nây; Yorlah Brah Ndu njêng bunuyh Tĭng nâm rup Păng nơm.

Ndrom Samƀŭt bơh Yôp 35:10

Ƀiălah mâu geh ôh nuyh ôp: ‘Brah Ndu, Nơm Rhăk Njêng gâp mbah ntŭk gŭ? Păng nơm ăn bu mprơ maak dôl bri măng,

Ndrom Samƀŭt bơh Yôp 39:11

Păng hăn nsong lam dor yôk nâm bu gơ̆ ndrêch ma păng, Gay tĭng joi tơm si n'ha ndrêh.

Ndrom Samƀŭt bơh Yôp 5:23

Yorlah may ƀư nau tâm rnglăp đah lŭ tâm mir, Jêh ri lĕ mpô mpa bri mra tâm rnglăp đah may.

Nau Mprơ Ơm 100:3

Ăn gĭt pô aơ Yêhôva jêng Brah Ndu. Păng yơh njêng jêh he, he jêng ndơ Păng; He jêng phung ƀon lan Păng, jêng phung biăp tâm ndrêch gơ̆ Păng.

Nau Mprơ Ơm 149:2

Ăn phung Israel răm maak tâm Nơm rhăk njêng jêh khân păng; Ăn phung kon ƀon Siôn răm maak tâm Hađăch khân păng.

Nơm Nti 7:29

Ƀiălah aơ jêng nau knŏng nguay gâp dơi joi: ‘Brah Ndu hŏ rhăk njêng kon bunuyh sŏng, Ƀiălah khân păng nơm hŏ joi âk ndơm.’”

Nau Mprơ Ueh 1:11

Hên mra ƀư ăn ay Rvang ndơ nkrơ̆ mah lĭr găr prăk.

Êsai 45:18

Yorlah Brah Yêhôva jêng Nơm hŏ rhăk njêng lĕ ndâr trôk, Jêng Brah Ndu, Nơm hŏ rhăk njêng rplay neh, Păng njêng jêh ri ƀư ăn nâp, Păng mâu rhăk ăn jêng ntŭk hŏng ôh, Ƀiălah njêng păng ăn ntŭk kon bunuyh gŭ. Nơm nây lah pô aơ: “Gâp jêng Brah Yêhôva, mâu hôm geh Nơm êng ôh!”

Êsai 6:8

Rnôk nây, gâp tăng bâr nteh Kôranh Brah lah: “Mbu nơm gâp mra njuăl? Mbu nơm mra hăn an ma he?” Gâp lah: “Gâp ta aơ, dăn njuăl hom gâp hăn.”

Êsai 64:8

Ƀiălah, ơ Brah Yêhôva, aƀaơ May ăt jêng Mbơ̆ hên; Hên jêng neh uk, jêh ri May jêng nơm blau mon glah; Lĕ rngôch hên jêng kan ti May ƀư.

Yêrêmi 27:6

Aƀaơ, Gâp hŏ jao jêh lĕ rngôch bri aơ tâm ti Y-Nêbukatnetsar, hađăch bri Babilôn, oh mon Gâp. Nđâp ma lĕ rngôch mpô mpa tâm ndrêch Gâp ăt jao ma hađăch gay ma khân păng pah kan ma hađăch nây.

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

Yôhan 5:17

Ƀiălah Brah Yêsu lah đŏng ma khân păng: “Mbơ̆ Gâp hôm ƀư kan ma tât nar aơ, Gâp kan kơt nây lĕ.”

Kôranh Oh Mon 17:20

Yorlah lĕ nau may nti, hên iăt êng ngăn. Yor nây, hên ŭch gĭt mâm rblang lĕ nau nây.”

Kôranh Oh Mon 17:26

Ntơm bơh du huê, Păng njêng lĕ rngôch mpôl băl bunuyh jêh ri ƀư ăn khân păng gŭ lam bri neh. Păng tâm nal jêh rnôk jêh ri n'har ma khân păng gŭ,

I Kôrintô 11:7

Bu klâu jêng rup jêh ri nau chrêk rmah Brah Ndu rĭ dĭng mâu dơi nkŭm bôk; ƀiălah bu ur jêng nau chrêk rmah bu klâu.

II Kôrintô 3:18

Lĕ rngôch muh măt he mâu nkŭm da dê gay n'gơr uănh nau chrêk rmah Kôranh Brah, dơi tâm rgâl plơ̆ jêng tâm ban ma rup Păng, tă bơh nau chrêk rmah tât ta nau chrêk rmah; yorlah nau aơ luh bơh Kôranh Brah jêng Brah Huêng Ueh.

II Kôrintô 4:4

Brah tâm rnôk aơ ƀư chieh măt nau mĭn ma phung bunuyh mâu chroh, gay khân păng mâu saơ nau ang Nau Mhe Mhan Ueh chrêk rmah tâm Brah Krist, jêng rup Brah Ndu.

Êphêsô 4:24

jêh ri nsoh bunuyh mhe, jêng bunuyh dơi rhăk njêng jêh tĭng rup Brah Ndu tâm nau ngăn sŏng srăng jêh ri nau kloh ueh.

Kôlôh 1:15

Păng yơh jêng rup ma Brah Ndu mâu dơi saơ, jêng Nơm deh lor lơn ma lĕ rngôch mpa rhăk njêng.

Kôlôh 3:10

jêh ri nsoh bunuyh mhe, jêng bunuyh dơi rgâl mhe tâm nau gĭt năl, tĭng nâm rup Nơm rhăk bunuyh nây.

Yakơ 3:7

Lĕ rngôch ntil mpô mpa jêh ri sĭm och, ntil mpa vơr jêh ri mpa rêh tâm dak mƀŭt, mra dơi chiă uănh, jêh ri phung bunuyh hŏ chiă uănh jêh;

Yakơ 3:9

He dŏng mpiăt mprơ mât ton tâm rnê ma Kôranh Brah, Mbơ̆ he, jêh ri sŏk đŏng mpiăt gay rak rtăp ma kon bunuyh, Brah Ndu rhăk njêng jêh tĭng rup Păng nơm.

I Yôhan 5:7

Brah Huêng Ueh yơh mbơh nkoch, yorlah Brah Huêng Ueh jêng nau ngăn.