Nau Ntơm 1:1 - Nau Brah Ndu Ngơi 2023

¹ Ntơm saơm, Brah Ndu rhăk njêng trôk jêh ri neh.

Bunong Bible Latin Script Cambodian dialect

¹ Bơh ntơm saơm saam Kôranh Brah njêng trôk, njêng neh ntu.

Bunong

¹ ឞើស​នតើម​ឆាអើម​ឆាអាម​កោរាញ​ឞ្រាស​ញជេង​ត្រោក ញជេង​នែស​នតូ។

Nau Ntơm 1:1 ပူးပေါင်းရင်းမြစ်များ

II Phung Hađăch 19:15

Y-Hêsêkia mbơh sơm tanăp Brah Yêhôva: “Ơ Brah Yêhôva, Brah Ndu Israel! Nơm gŭ ta klơ phung chêrubim, knŏng êng du huê May jêng Brah Ndu ma lĕ rngôch ƀon bri hađăch ta neh ntu. May yơh hŏ rhăk njêng jêh trôk jêh ri neh ntu.

I Nau Rêh Jêng 16:26

Yorlah lĕ rngôch brah phung ăp mpôl bunuyh jêng rup brah, Bi Brah Yêhôva rhăk jêh lĕ ndâr trôk.

II Nau Rêh Jêng 2:11

Y-Hiram, hađăch ƀon Tyre, nchih samƀŭt njuăl ma Y-Salômôn plơ̆ lah kơt aơ: “Yorlah Brah Yêhôva rŏng ma phung ƀon lan Păng ri dĭng Păng njêng jêh hađăch chiă uănh khân păng.”

Nêhêmi 9:6

Vư, knŏng du huê Kôranh Brah jêng Brah Yêhôva geh nguay mâu hôm geh bar ôh; Kôranh Brah hŏ rhăk njêng lĕ ndâr trôk jêh ri trôk ma lĕ ndâr trôk ndrel ma lĕ rngôch phung tahan khân păng, Neh nđâp ma lĕ rngôch mpa tâm ta klơ neh ntu, dak mƀŭt jêh ri ma lĕ rngôch mpa geh tâm dak mƀŭt. Kôranh Brah mât njrăng lĕ rngôch ndơ nây Jêh ri phung tahan tâm trôk yơk mbah May da dê.

Ndrom Samƀŭt bơh Yôp 26:13

N'hâm nsôr Kôranh Brah ƀư ma trôk nđôch kloh rsang; Ti Păng ntâp bluh bêh hung nchuăt du.

Ndrom Samƀŭt bơh Yôp 38:4

Lah Gâp n'gân mbon rplay neh pôri ta ntŭk may gŭ? Tơlah may gĭt rbăng, nkoch hom ăn ma Gâp gĭt.

Ndrom Samƀŭt bơh Yôp 9:8

Knŏng êng Păng ling dĭ lĕ ndâr trôk, Jot klơ rbuh dak mƀŭt.

Nau Mprơ Ơm 102:25

Rnôk kăl e, May rhăk njêng mbon rplay neh, Lĕ ndâr trôk jêng kan bơh ti May nơm.

Nau Mprơ Ơm 104:24

Ơ Brah Yêhôva, kan May âk ngăn ngên! May njêng jêh lĕ rngôch ma nau blau mĭn; Neh ntu bêng ma ndơ May njêng.

Nau Mprơ Ơm 104:30

Tơlah May njuăl tât n'hâm rêh, khân păng dơi rhăk njêng; May ƀư ăn mhe muh măt neh ntu.

Nau Mprơ Ơm 115:15

Dăn Brah Yêhôva jêng Nơm rhăk jêh trôk jêh ri neh ntu. Ăn nau ueh uĭn ma khân may.

Nau Mprơ Ơm 121:2

Nau kơl gâp luh bơh Brah Yêhôva; Jêng Nơm rhăk njêng trôk jêh ri neh ntu.

Nau Mprơ Ơm 124:8

Nau kơl an ma he gŭ tâm amoh Brah Yêhôva, Jêng Nơm rhăk njêng trôk jêh ri neh ntu.

Nau Mprơ Ơm 134:3

Dăn ma Brah Yêhôva jêng Nơm rhăk njêng trôk jêh ri neh ntu, Tă bơh Siôn ăn nau ueh uĭn ma may!

Nau Mprơ Ơm 136:5

Nơm rhăk njêng jêh lĕ ndâr trôk ma nau blau mĭn, Yor nuih n'hâm ueh Păng hôm tât ƀaƀơ n'ho ro.

Nau Mprơ Ơm 146:6

Păng jêng Nơm rhăk njêng trôk jêh ri neh ntu, Dak Mƀŭt jêh ri lĕ rngôch mpa tâm khân păng; Păng djôt prăp nau răp jăp n'ho ro.

Nau Mprơ Ơm 33:6

Lĕ ndâr trôk rhăk njêng bơh nau ngơi Brah Yêhôva, Lĕ rngôch khay mănh mbing luh tă n'hâm nsôr bơh bâr mbung Păng.

Nau Mprơ Ơm 33:9

Yorlah mâm nau Păng lah mra geh ro; Păng ntrŭnh nau ntăm lĕ rngôch ndơ mra nâp ngăn.

Nau Mprơ Ơm 8:3

Tơlah gâp n'gơr uănh lĕ ndâr trôk jêng nau kan tă bơh nglau ti Kôranh Brah, Măt khay jêh ri lĕ mănh mbing Kôranh Brah hŏ rhăk njêng jêh

Nau Mprơ Ơm 8:4

Moh nau kon bunuyh jêng, kŏ Kôranh Brah kah gĭt ma khân păng? Moh kon bunuyh jêng dĭng Kôranh Brah chop khâl păng?

Nau Mprơ Ơm 90:2

Êlor bu deh ma phung yôk, Neh jêh ri neh ntu dơi rhăk njêng, Bơh rnôk kăl e kŏ tât n'ho ro mâu blau lôch May jêng Brah Ndu.

Nau Mprơ Ơm 96:5

Yorlah lĕ rngôch brah phung ăp mpôl bunuyh jêng rup brah, Bi Brah Yêhôva rhăk jêh lĕ ndâr trôk.

Nau Ngluh Êjipt 20:11

Yorlah tâm prao nar Brah Yêhôva hŏ rhăk njêng trôk, neh ntu, dak mƀŭt, jêh ri lĕ rngôch mpa gŭ tâm nây, ƀiălah Păng rlu tâm nar pơh. Yor ri, Brah Yêhôva ăn nau ueh uĭn ma nar rlu jêh ri ƀư kloh ueh nar nây.

Nau Ngluh Êjipt 31:18

Lôch jêh ngơi đah Y-Môis ta yôk Sinai, Brah Yêhôva ăn ma păng bar Rlat Nau Tâm Rnglăp ma lŭ tă bơh nglau ti Brah Ndu nchih.

Nau Hôr 16:4

Brah Yêhôva rhăk njêng lĕ rngôch mpô mpa geh da dê nau ŭch, Nđâp ma lĕ bunuyh ƀai đŏng prăp ma nar nau mhĭk.

Nau Hôr 3:19

Brah Yêhôva dŏng nau blau mĭn n'gân mbon rplay neh; Yor tă nau gĭt rbăng njêng lĕ ndâr trôk.

Nơm Nti 12:1

Tâm năm mom ndăm, Kah gĭt hom ma Nơm Rhăk Njêng may, Êlor ma lĕ nar mhĭk văch tât; Êlor ma lĕ năm khay dăch tât May ngơi pô aơ: “Nuih n'hâm gâp mâu saơ nau maak ôh;”

Êsai 37:16

“Ơ Brah Yêhôva ma phung tahan, Brah Ndu Israel, jêng Nơm gŭ ta klơ phung chêrubim, knŏng êng du huê May yơh jêng Brah Ndu ma lĕ rngôch ƀon bri hađăch ta neh ntu; May yơh hŏ rhăk njêng jêh trôk jêh ri neh ntu.

Êsai 40:21

Khân may mâm mâu gĭt? Khân may mâm mâu mâp tăng? Bu mâu hŏ mâp nti hĕ ma khân may nau nây ntơm bơh saơm? Khân may mâu mâp gĭt rbăng hĕ bơh rnôk rdâk mbon rplay neh?

Êsai 40:26

N'gơr hom măt khân may let klơ gay uănh: Mbu nơm rhăk njêng lĕ ndơ nây? Păng yơh jêng Nơm ƀư lĕ rngôch mănh mbing tâm trôk tĭng nâm rnoh jêh ri tĭng mbŭch, Păng kuăl amoh lĕ rngôch phung nây, Mâu pưt du mănh mbing ôh, Yor nau ktang dŭt toyh Jêh ri nau brah Păng mâu blau lôch.

Êsai 40:28

May mâu gĭt hĕ? May mâu tăng hĕ? Brah Yêhôva jêng Brah Ndu gŭ n'ho ro, Nơm hŏ rhăk njêng jêh lĕ rngôch bri neh, Mâu hŏt rgănh ôh, mâu lĕ rdja; Bu mâu dơi sek uănh ôh lĕ nau Păng gĭt rbăng.

Êsai 42:5

Yêhôva Brah Ndu, Nơm hŏ rhăk njêng jêh ri pơk lĕ ndâr trôk, Nơm hŏ lăk huy neh ntu, ndrel lĕ rngôch mpa luh bơh păng, Nơm ăn n'hâm rêh ma phung ƀon lan tâm klơ neh, Jêh ri ăn nau brah ma phung bunuyh hăn ta nây; Păng lah:

Êsai 44:24

Brah Yêhôva jêng Nơm tâm chuai may, Nơm hŏ njêng may tâm ndŭl me, lah kơt aơ: “Gâp jêng Brah Yêhôva, Nơm njêng jêh lĕ rngôch ndơ, Du huê Gâp nơm hŏ ling lĕ ndâr trôk Jêh ri lăk jêh neh ntu — Mbu nơm gŭ ndrel Gâp? —

Êsai 45:18

Yorlah Brah Yêhôva jêng Nơm hŏ rhăk njêng lĕ ndâr trôk, Jêng Brah Ndu, Nơm hŏ rhăk njêng rplay neh, Păng njêng jêh ri ƀư ăn nâp, Păng mâu rhăk ăn jêng ntŭk hŏng ôh, Ƀiălah njêng păng ăn ntŭk kon bunuyh gŭ. Nơm nây lah pô aơ: “Gâp jêng Brah Yêhôva, mâu hôm geh Nơm êng ôh!”

Êsai 51:13

May chuêl jêh Brah Yêhôva, Nơm njêng may, Nơm ling jêh lĕ ndâr trôk Jêh ri n'gân mbon rplay neh, Gay ma may klach mro tâm lĕ nar Yor nau ji nuyh nơm tŭn jot, Nôk păng nkra ŭch ƀư rai may? Ƀiălah aƀaơ, mbah gŭ nau ji nuyh nơm tŭn jot?

Êsai 51:16

Gâp dơm jêh nau gâp ngơi tâm trôm mbung may, Jêh ri pôn jêh may tâm dâng gui ti Gâp, Tâm nôk ndâk lĕ ndâr trôk, Dơm mbon rplay neh, Jêh ri lah ma ƀon Siôn pô aơ: ‘Khân may jêng phung ƀon lan Gâp.’”

Êsai 65:17

“Yorlah aơ, Gâp mra rhăk njêng trôk mhe jêh ri neh mhe; Bu mâu hôm kah gĭt ôh ma lĕ ndơ kăl e, Mâu lĕ bu hôm mĭn ma ndơ nây.

Yêrêmi 10:12

Brah Yêhôva yơh hŏ rhăk njêng jêh neh ntu ma nau brah Păng, Ndâk njêng neh ntu bơh nau blau mĭn Păng, Lăk huy lĕ ndâr trôk bơh nau gĭt rbăng Păng.

Yêrêmi 32:17

‘Ơ Yêhôva Brah Ndu ơi! May yơh geh nau brah toyh jêh ri mpang ti brah toyh may rhăk njêng jêh trôk jêh ri neh ntu! Mâu geh ôh du ntil nau jêng jêr ir ma May.

Yêrêmi 51:15

Păng yơh jêng Nơm hŏ rhăk njêng jêh neh ntu ma nau brah Păng, Ndâk njêng neh ntu bơh nau blau mĭn Păng, Sŏk ma nau gĭt rbăng Lăk huy lĕ ndâr trôk.

Sakari 12:1

Nau ngơi Brah Yêhôva mbơh lor ma phung Israel. Brah Yêhôva jêng Nơm pơk rvang lĕ ndâr trôk, ƀư mbon neh ntu, jêh ri njêng huêng tâm trôm săk bunuyh, Nơm nây lah pô aơ:

Mathay 11:25

Nôk nây Brah Yêsu ngơi pô aơ: “Ơ Mbơ̆, Kôranh Brah trôk jêh ri neh ntu, Gâp tâm rnê ma Mbơ̆, yorlah Mbơ̆ pôn jêh lĕ nau nây ma bunuyh blau mĭn, bunuyh gĭt rbăng, ƀiălah tâm mpơl jêh ma phung kon se jê̆.

Markôs 13:19

Yorlah tâm lĕ nar nây mra geh nau rêh ni ntơm bơh rnôk rhăk trôk neh ntu, rnôk Brah Ndu rhăk njêng trôk neh ntu n'ho tât ma aƀaơ aơ, mâu prot geh, jêh ri pakơi taơ mâu đŏng geh tâm ban pônây.

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

Kôranh Oh Mon 17:24

Brah Ndu jêng Nơm rhăk njêng neh ntu jêh ri lĕ rngôch mpô mpa gŭ rêh tâm nây, jêng Kôranh ma trôk jêh ri neh ntu, Păng mâu gŭ ôh tâm lĕ jây rhŏ brah tă bơh ti bunuyh ƀư.

Kôranh Oh Mon 4:24

Jêh tăng, khân păng du nuih n'hâm mbơh sơm nteh ma Brah Ndu pô aơ: “Ơ Kôranh Brah, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây,

Samƀŭt Pôl Njuăl Ăn Ma Phung Nsing Ta Ƀon Rôm 11:36

Yorlah lĕ rngôch ndơ tă bơh Păng, yor ma Păng, jêh ri rle mpeh Păng. Nau chrêk rmah jêng nau Păng n'ho ro mâu blau dŭt! Amen.

I Kôrintô 8:6

ƀiălah ma phung he, knŏng geh du huê Brah Ndu jêng Mbơ̆, Nơm rhăk njêng lĕ rngôch ndơ, jêh ri he rêh yor ma Păng; geh đŏng knŏng du huê Kôranh Brah jêng Brah Yêsu Krist, lĕ rngôch ndơ geh yor tă bơh Păng, phung he gŭ rêh yor ma tă bơh Păng đŏng.

Êphêsô 3:9

jêh ri mpơl ma lĕ rngôch bunuyh saơ nau dăp ndâp hŏ pôn tâm lĕ rngôch rnôk rô̆ tâm Brah Ndu, Nơm rhăk njêng lĕ rngôch ndơ.

ហេឞ្រើ 1:10

Geh đŏng nau lah: “Ơ Kôranh Brah, ntơm saơm Kôranh Brah rhăk njêng mbon rplay neh, Jêh ri lĕ ndâr trôk jêng kan bơh ti Kôranh Brah.

ហេឞ្រើ 1:2

Ƀiălah tâm lĕ nar dăch dŭt aơ, Păng ntĭm nti jêh ma he bơh Kon Păng Nơm, jêng Kon Păng hŏ rdâk jêh jêng Nơm dơn lĕ rngôch ndơ; tâm Kon nây đŏng, Păng rhăk njêng jêh trôk neh ntu.

ហេឞ្រើ 11:3

Yor ma nau chroh, he gĭt rbăng Brah Ndu rhăk njêng neh ntu aơ ma nau Păng ngơi, kŏ tât lĕ ndơ bu saơ hŏ njêng jêh bơh lĕ ndơ bu mâu saơ.

ហេឞ្រើ 3:4

N'hêl nanê̆ ngăn, ăp ngih geh nơm ndâk njêng păng, ƀiălah Brah Ndu jêng Nơm rhăk njêng lĕ rngôch ndơ.

II Pêtrôs 3:5

Khân păng ndra ƀư mâu gĭt ma lĕ ndâr trôk tâm mpơl jêh ntơm bơh jŏ jêh tă bơh nau ngơi Brah Ndu, rplay neh njêng ntơm bơh dak jêh ri tă bơh dak;

I Yôhan 1:1

Nau nkoch ma nau ngơi rêh, jêng nau geh jêh ntơm bơh saơm, nau hên tăng jêh, măt hên saơ jêh, nau hên ntrŏng uănh jêh, jêh ri ti hên pah bi jêh.

Nau Tâm Mpơl 10:6

sŏk amoh Nơm gŭ rêh n'ho ro, Nơm rhăk njêng trôk jêh ri lĕ rngôch ndơ klơ trôk, neh ntu jêh ri lĕ rngôch ndơ klơ neh ntu, dak mƀŭt jêh ri lĕ rngôch ndơ tâm dak mƀŭt, jêh ri sơm ton pô aơ: “Mâu mra hôm mbrĕ mbrơi ôh!

Nau Tâm Mpơl 14:7

Tông mpăr ngơi huy pô aơ: “Klach yơk hom ma Brah Ndu jêh ri tâm rnê Păng, yor mông Păng phat dôih tât jêh. Yơk mbah hom ma Nơm rhăk njêng trôk, neh ntu, dak mƀŭt jêh ri lĕ tu dak.”

Nau Tâm Mpơl 21:6

Jêh nây Păng lah ma gâp: “Kan lĕ jêh! Gâp jêng Alpha jêh ri Ômêga, jêng Ntơm Bơh Saơm jêh ri Nglĕ Dŭt. Mbu nơm ji hir, Gâp mra ăn nhêt dak mâu sŏk prăk tă bơh tu dak nau rêh.

Nau Tâm Mpơl 22:13

Gâp jêng Alpha jêh ri Ômêga, jêng Lor Lơn jêh ri Nglĕ Dŭt, jêng Ntơm Bơh Saơm jêh ri Nglĕ Dŭt.”

Nau Tâm Mpơl 3:14

“Nchih hom ma tông mpăr Phung Ngih Brah Ndu ta ƀon Laođisê pô aơ: Aơ jêng nau ngơi Nơm Amen, Nơm mbơh nkoch răp jăp jêh ri nanê̆ ngăn, jêng tơm ma nau Brah Ndu rhăk njêng:

Nau Tâm Mpơl 4:11

“Ơ Brah Ndu jêng Kôranh Brah hên, Kôranh Brah khư sŏk dơn nau chrêk rmah, nau yơk jêh ri nau dơi, Yorlah Kôranh Brah rhăk njêng jêh lĕ rngôch ndơ, Jêh ri tĭng nâm Kôranh Brah ŭch lĕ rngôch ndơ jêng geh jêh ri May rhăk njêng jêh khân păng.”