Nau Nhĭm Vơl 5:3 - Nau Brah Ndu Ngơi 2023

³ Hên lĕ roh mbơ̆ jêng kon đơi, Mê̆ hên jêng bu ur ndrô jêh.

Nau Nhĭm Vơl 5:3 ပူးပေါင်းရင်းမြစ်များ

Nau Ngluh Êjipt 22:23

Tơlah khân may tŭn jot khân păng, jêh ri khân păng nter vơl ma Gâp, nanê̆ Gâp mra tăng nau khân păng nter;

Nau Ngluh Êjipt 22:24

Nau ji nuih Gâp mra hit, jêh ri gâp mra nkhĭt khân may ma đao; ur khân may mra jêng bu ur ndrô jêh ri phung kon khân may mra jêng kon đơi.

Yêrêmi 15:8

Bu ur ndrô mra hao Âk lơn choih dak mƀŭt. Gâp hŏ mprơh nơm ƀư rai tât nar nklang bôk, Ƀư nau mhĭk ma mê̆ phung tahan bu klâu ndăm. Ƀât lât, Gâp mra nkhŭt ta klơ khân păng Nau rngot klâng jêh ri klach krit.

Yêrêmi 18:21

Yor nây, dăn May jao kon sau khân păng ăn ma nau sât ji ngot, Jêh ri jao khân păng ma pêh đao. Phung bu ur mra roh kon jêh ri jêng ndrô, Phung bu klâu khĭt yor ji tưp, Phung mom ndăm cha lôt khĭt ma pêh đao ta nklang ntŭk tâm lơh.

Ndrom Samƀŭt bơh Ôsê 14:3

Asiri mâu dơi tâm rklaih hên ôh, Hên mâu mra ncho seh tâm lơh đŏng ôh. Hên mâu mra lah đŏng ôh ndơ tă bơh ti hên ƀư Jêng brah hên đŏng ôh; Yorlah knŏng tâm May yơh, phung kon đơi ri mơ dơi dơn nau yô̆ nđach!”