Nau Nhĭm Vơl 2:2 - Nau Brah Ndu Ngơi 2023

² Kôranh Brah rvăn lĕ ntŭk Yakôb gŭ Mâu geh nau yô̆ djê̆ lê̆ ôh; Tâm nau ji nuih, Păng ƀư rlâm lơi lĕ pôih nâp kon druh Yuđa; Ƀư rai jêh ri ƀư nau bêk prêng, Lĕ rngôch ƀon bri hađăch nđâp ma phung kôranh chiă uănh.

Nau Nhĭm Vơl 2:2 ပူးပေါင်းရင်းမြစ်များ

Ndrom Samƀŭt bơh Yôp 2:3

Brah Yêhôva ôp tay Satan: “May mâp treng uănh tât Y-Yôp, oh mon gâp đŏng? Tâm neh ntu aơ mâu geh du huê nâm bu Y-Yôp; du huê bunuyh răp jăp jêh ri sŏng, klach yơk ma Brah Ndu jêh ri der ngai nau mhĭk. Y-Yôp hôm e mât nuih n'hâm răp jăp nđâp lah may hŏ nchâp Gâp ƀư rai Y-Yôp mâu geh ôh nau.”

Nau Mprơ Ơm 21:9

Tơlah Kôranh Brah gŭ ta nây, May ƀư ma khân păng nâm bu ŭnh năk duh; Tâm nau păng ji nuih, Brah Yêhôva mra rvăn ăn khân păng Jêh ri ŭnh mra sa khân păng.

Nau Mprơ Ơm 74:7

Khân păng su ntŭk kloh ueh May, Ƀư rlâm jêh ri ƀư ƀơ̆ ntŭk gŭ amoh May.

Êsai 22:5

Nanê̆ ngăn jêng du nar klach krit, nau tŭn jot jêh ri nau rlŭk rlăk, Dơi mpơl ta rlŭng nau tâm saơ Yorlah Kôranh Brah jêng Brah Yêhôva ma phung tahan; Mpêr ƀon ƀư rai jêh, Nau kuăl rklaih huy tât ta yôk.

Êsai 23:9

Brah Yêhôva ma phung tahan yơh hŏ dăp nal nau nây, Gay ma ntrŭnh nau sưr lĕ rngôch nau chrêk rmah, Gay ƀư bêk lĕ rngôch phung bu yơk ta neh ntu.

Êsai 25:12

Mpêr ƀon may đah pôih prêh dŭt nâp ngăn, Brah Yêhôva mra ƀư rai lơi, lơh rlâm jêh ri klŭp tâm neh, Tât ta neh muy.

Êsai 26:5

Păng n'glưh jêh phung gŭ ta ntŭk prêh; Ƀư rai lơi ƀon dŭt prêh, Rli jêng neh lâng rlĭ Jêh ri klŭp păng ta neh muy.

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Êsai 43:28

Yor nây, Gâp mra ƀư bêk phung kôranh tâm ntŭk kloh ueh; Gâp jao Yakôb ma nau ƀư rai, Jêh ri jao Israel ma nau bu suai rak.

Êsai 47:6

Gâp hŏ hao ji nuih ma phung ƀon lan Gâp, Ƀư ƀơ̆ drăp ndơn Gâp Jêh ri jao jêh khân păng tâm ti may. Ƀiălah may mâu mâp yô̆ ôh ma khân păng; May hŏ dơm jêh ta klơ bunuyh ranh Du mlâm mbăk mâng jâk ngăn

Yêrêmi 13:14

Brah Yêhôva lah: ‘Gâp mra ƀư ma bunuyh aơ tâm djrel đah bunuyh ri, mbơ̆ tâm tom đah kon. Gâp mra ti mâu djân, mâu yô̆, mâu nhhuach nôk Gâp ƀư rai khân păng.’”

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 21:7

Brah Yêhôva lah: ‘Jêh nây, Gâp mra jao Y-Sêdêkia, hađăch Yuđa, phung oh mon păng jêh ri phung ƀon lan tâm ƀon, nâm bu ntĭt lĕ rngôch phung hôm klen pakơi nau ji tưp, tak đao, nau sât ji ngot, tâm ti Nêbukatnetsar, hađăch Babilôn, tâm ti phung rlăng khân păng jêh ri ma phung joi ƀư ngroh lơi nau rêh khân păng. Nêbukatnetsar mra lơh khân păng ma mpiăt đao, mâu mra yô̆ an, ti mâu djân, mâu geh nau rŏng.’

Yêrêmi 5:10

“Hăn hao hom klơ mbor krăk ƀâu jêh ri ƀư rai lơi, Ƀiălah lơi ta ƀư rai lĕ ôh; Koh mƀăr hom lĕ n'gĭng păng, Yorlah mâu jêng ndơ Brah Yêhôva ôh.

Nau Nhĭm Vơl 2:17

Brah Yêhôva ƀư ngăn jêh nau Păng ŭch ƀư, Ƀư nau Păng hŏ lah jêh; Nâm bu nau Păng ntĭnh bơh jŏ kăl e, Păng hŏ n'glưh lơi jêh mâu geh nau yô̆ ôh; Păng ƀư ăn ma phung rlăng may maak yor ma may, N'hao prêh nke phung rlăng may.

Nau Nhĭm Vơl 2:21

Rŏ trong sâng, phung mom ndăm jêh ri phung bu ranh Lâng bê̆ch mbrach; Phung bu klâu ndăm bu ur druh gâp Cha lôt khĭt da dê yor ma chiông đao. May hŏ nkhĭt lơi jêh khân păng tâm nar ji nuih, Ƀư nkhĭt khân păng mâu geh nau yô̆ ôh.

Nau Nhĭm Vơl 2:5

Kôranh Brah lĕ jêng phung rlăng, Păng rvăn phung Israel; Păng rvăn lĕ rngôch ngih hađăch păng, Ƀư rai lĕ ƀhiau pôih nâp, Ƀư ăn ma kon bu ur Yuđa Ntop nau klâng ndrê rêh ni.

Nau Nhĭm Vơl 3:43

May pôn săk tâm nau ji nuih jêh ri hăn tĭng hên, Nkhĭt hên mâu geh nau yô̆;

Êsêkiêl 5:11

Yêhôva Brah Ndu lah: “N'hêl nê̆ tĭng nâm Gâp gŭ rêh mro mrăng, yor may hŏ ƀư ƀơ̆ ƀơch jêh ntŭk kloh ueh Gâp tă bơh lĕ nau mhĭk Gâp tâm rmot yor ri Gâp mra ƀư rai may mâu mra nhhuach. Măt Gâp mâu mra yô̆ may đŏng ôh.

Êsêkiêl 7:4

Măt Gâp uănh mâu nhhuach ôh ma may, Gâp mâu mra geh nau yô̆ ma may; ƀiălah Gâp mra mplơ̆ ma may tĭng nâm trong may hăn, jêh ri ntil nau ƀơ̆ ƀơch may mra gŭ ta nklang may. Rnôk aơ, khân may mra gĭt Gâp jêng Brah Yêhôva.’

Êsêkiêl 7:9

Măt Gâp uănh mâu nhhuach ôh ma may, mâu lĕ yô̆ ôh ma may. Gâp mplơ̆ ma may tĭng trong may hăn jêh ri lĕ nau ƀơ̆ ƀơch may mra gŭ ta nklang may. Rnôk nây, khân may mra gĭt Gâp yơh, Brah Yêhôva, jêng Nơm tâm rmal.

Êsêkiêl 8:18

Yor nây yơh, Gâp mra ƀư ma khân păng tĭng nau ji nuih; măt Gâp mâu nhhuach ôh, mâu lĕ yô̆ klâng đŏng. Nđâp tơlah khân păng kuăl nter tăng tât ma tôr Gâp, Gâp mâu hôm ŭch n'gĭl iăt ôh.”

Êsêkiêl 9:10

Bi ma Gâp, măt Gâp uănh mâu mra nhhuach ôh, mâu mra yô̆ klâng lĕ. Gâp mra ƀư trong khân păng nkhŭt ta klơ bôk khân păng nơm.”

Mika 5:14

Tâm nau ji nuih, nau Gâp ji nuih mra ƀư nau plơng bôk Ta lĕ bri dak mâu tông ôh bâr Gâp.”

Malachi 1:4

Tơlah phung Êđôm lah: “Hên lĕ rai jêh, ƀiălah hên mra plơ̆ sĭt đŏng ndâk tay ta ntŭk lĕ rlâm rai jêh,” pôri Brah Yêhôva ma phung tahan lah pô aơ: “Khân păng mra ndâk đŏng ƀiălah Gâp mra ƀư rlâm lơi, bu mra ntơ khân păng jêng N'gor Bri Djơh Mhĭk, jêng phung ƀon lan Brah Yêhôva ji nuih n'ho ro.”

Mathay 18:33

pônây mâm may mâu yô̆ nđach ma băl may, tâm ban pah kan ndrel may, nâm bu gâp hŏ yô̆ nđach ma may?’

II Kôrintô 10:4

Ndơ tâm lơh hên dŏng mâu di jêng lĕ ndơ tâm lơh bơh nglay săk ôh, ƀiălah jêng nau brah Brah Ndu gay ƀư rlâm lĕ pôih,

Nau Vay Nkah Tay 28:52

Khân păng mra nchueng jŭm khân may tâm lĕ rngôch ƀon kŏ tât mpêr ƀon prêh jêh ri dŭt nâp khân may rnơm mra rlâm. Khân păng mra nchueng jŭm lam n'gor Yêhôva Brah Ndu khân may ăn jêh ma khân may.

Nau Vay Nkah Tay 32:22

Yorlah ŭnh nau ji nuih lĕ hit jêh tâm Gâp, Ŭnh nây sa kŏ tât ta mbon ƀon phung khĭt, Ŭnh sa neh jêh ri play do, Ŭnh sa kŏ tât ta mbon phung yôk.