Nau Nhĭm Vơl 1:3 - Nau Brah Ndu Ngơi 2023

³ Phung Yuđa hăn ƀư bu nă hŏt rgănh, Dơn ƀư jêng dĭk jâk jêr. Gŭ ta nklang phung ƀon lan, Joi ntŭk rlu mâu dơi saơ ôh. Phung tĭng lĕ ban jêh păng, Dôl păng hăn dŭt jêh trong.

Nau Nhĭm Vơl 1:3 ပူးပေါင်းရင်းမြစ်များ

II Phung Hađăch 25:11

Kôranh phung tahan gak Nêbusaradan njŭn leo phung ƀon lan hôm klen gŭ tâm ƀon, ndrel ma phung du ran lăp jêh ma hađăch Babilôn saơm, jêh ri ndrel ma lĕ rngôch phung ƀon lan hôm e, njŭn leo hăn ƀư bu nă.

II Phung Hađăch 25:21

Hađăch Babilôn dong nkhĭt khân păng ta ƀon Ribla tâm n'gor Hamat. Pônây, bu nhŭp veng phung Yuđa tă bơh n'gor bri khân păng nơm.

II Phung Hađăch 25:4

Nôk nây bu kuar trôm tâm mpêr ƀon. Dôl măng, lĕ rngôch phung tahan nchuăt du rŏ trong mpông pêr vah vang bar đah mpêr, dăch n'gar kao hađăch. Tơlah phung Kaldê dôl nchueng jŭm ƀon, hađăch Yuđa nchuăt du tĭng mpeh ma Arabah.

II Phung Hađăch 25:5

Phung tahan Kaldê hăn tĭng hađăch jêh ri tĭng ban păng tâm neh lâng Yêrikô. Lĕ rngôch phung tahan păng chalơi păng jêh ri nchuăt du pru.

Yêrêmi 13:19

Lĕ ƀon Nêgep bu nchueng jŭm da dê jêh Mâu geh bunuyh rklaih ăn khân păng. Lĕ rngôch phung Yuđa bu ƀư jêng bu nă, Lĕ rngôch bu nhŭp rdu.

Yêrêmi 16:16

Brah Yêhôva lah: “Aơ, Gâp prơh joi âk phung blau seng ka tât nhŭp khân păng. Jêh nây, Gâp prơh joi âk phung nchron gay nchron khân păng ta klơ ăp yôk, ăp gôl, jêh ri tâm ăp nđa lŭ.

Yêrêmi 24:9

Gâp mra njêng ăn khân păng plơ̆ jêng nau nkrit, du nau mhĭk tât ma lĕ rngôch ƀon bri hađăch ta neh ntu; du nau prêng, du nau bu gơm mưch, du nau ngơi mhĭk, du nau bu rak rtăp tâm lĕ rngôch ntŭk Gâp mprơh khân păng tât.

Yêrêmi 39:9

Kôranh phung tahan gak jêng Y-Nêbusaradan nhŭp lĕ rngôch phung ƀon lan hôm klen tâm ƀon, phung hŏ lăp, jêh ri phung ƀon lan hôm klen tâm ƀon nây, djôt leo njêng bu nă tâm bri Babilôn.

Yêrêmi 52:15

Jêh nĕ, Y-Nêbusaradan kôranh phung tahan gak ntrŭnh nau jêng bu nă ƀă phung o ach lơn tâm phung ƀon lan, phung hôm klen gŭ tâm ƀon Yêrusalem, phung hŏ gŭ jêh mpeh ma hađăch Babilôn jêh ri phung blau rhăk hôm klen.

Yêrêmi 52:8

Ƀiălah phung tahan Kaldê hăn tĭng jêh ri tĭng ban nhŭp hađăch Sêdêkia tâm neh lâng Yêrikô; phung tahan chalơi hađăch, nchuăt du pru.

Nau Nhĭm Vơl 2:9

Lĕ mpông ƀon rhuh jru tâm neh; Păng ƀư rai jêh ri nkê̆ch pă lơi mâng rnăng. Hađăch jêh ri phung kôranh bu nhŭp veng leo ngai bơh n'gor khân păng; Nau vay mâu hôm geh ôh, Nđâp ma phung nơm mbơh lor ăt mâu dơi geh ôh Nau tâm saơ tă bơh Brah Yêhôva.

Nau Nhĭm Vơl 4:15

Bu kuăl huy: “Du der! Nây jêng ndơ ƀơ̆! Du der! Du der ngai! Lơi ta pah bi!” Yor nây, khân păng du der jêh ri nsong mblêng ta aơ ta ri; Phung mpôl bunuyh tâm lĕ bri dak lah: “Khân păng mâu dơi gŭ ta aơ đŏng ôh.”

Nau Nhĭm Vơl 5:5

Phung tĭng lĕ ban jêh hên mpet trô ko hên; Hên rgănh huăr jêh mâu geh rlu ôh!

Êsêkiêl 5:12

Du kô̆ tâm pe tâm phung ƀon lan may mra khĭt ma nau ji tưp, mra djoh jêh ma nau ât ji ngot ta nklang may; du kô̆ tâm pe mra khĭt ma đao gŭ jŭm may; bi du kô̆ tâm pe đŏng Gâp mra ƀư nchah rai pru pra tĭng ăp mpeh sial jêh ri Gâp tŏk đao hăn tĭng khân păng.

Nau Vay Nkah Tay 28:48

yor ri tâm nau sa sât ji ngot, nau kuh rhôk jêh ri nau pưt kƀah ăp ntil ndơ, ăn khân may pah kan ma phung rlăng Brah Yêhôva njuăl khân păng tât gay lơh khân may. Păng mra dơm mbăk loih ta trô ko khân may kŏ tât ƀư rai lơi khân may.