Nau Ngluh Êjipt 9:23 - Nau Brah Ndu Ngơi 2023

²³ Y-Môis yơr mâng jra leo klơ trôk, Brah Yêhôva ƀư nteh nglaih, mih tŭp pler, jêh ri lơp nglaih nchrat ral ta neh ntu. Yor ri Brah Yêhôva hŏ ƀư mih tŭp pler tâm n'gor Êjipt.

Nau Ngluh Êjipt 9:23 ပူးပေါင်းရင်းမြစ်များ

Nau Ntơm 19:24

Brah Yêhôva ƀư ăn mih luh mô ŭnh jêh ri ŭnh Brah Yêhôva bơh klơ trôk tŭp ta Sôdôm jêh ri Gômôrơ,

Ndrom Samƀŭt bơh Yôp 37:13

Păng prơh ndâr tŭk hăn, geh tơ̆ gay nduyh nkra, Geh nôk gay djrah neh ntu, Mâu lah ăn nau ueh maak ma kon bunuyh.

Nau Mprơ Ơm 147:17

Păng klŭp pler nđik jŭr âk rngơl; Mbu dơi gŭ tanăp nau nđik Păng?

Nau Mprơ Ơm 148:8

Hơi ŭnh jêh ri mih pler, dak pler jêh ri n'hôl dak, Sial jêh ri phŭt ktang, tông hom bâr Păng ntăm.

Nau Mprơ Ơm 18:13

Brah Yêhôva mpơl lơp nglaih ta klơ lĕ ndâr trôk, Bâr Nơm Dŭt Prêh nteh huy ngăn, Ta nklang mih tŭp pler jêh ri lĕ lơp nglaih nchrat ŭnh.

Nau Mprơ Ơm 29:3

Bâr Brah Yêhôva tăng ntoh ta klơ măt dak; Yêhôva Brah Ndu chrêk rmah luh lơp nglaih, Ta klơ dak mƀŭt jru.

Nau Mprơ Ơm 77:18

Nteh nglaih May rdah gŭ tâm sial hĭt; Lơp nglaih nchrat tâm neh ntu; Neh ntu n'găr jêh ri nsâr.

Nau Ngluh Êjipt 19:16

Kêng ôi tâm nar tal pe, geh nglaih jêh ri ndâr tŭk mbâl ta klơ yôk n'ho ma bâr nŭng huy ngăn. Lĕ rngôch phung ƀon lan gŭ tâm ngih bok râm sâr da dê.

Nau Ngluh Êjipt 20:18

Nôk lĕ rngôch phung ƀon lan saơ nglaih lơp jêh ri tăng bâr nŭng jêh ri yôk luh nhhŭk ŭnh, phung ƀon lan râm sâr jêh ri dâk gŭ ngai.

Nau Ngluh Êjipt 9:18

ôi taơ, ta mông aơ, Gâp mra ƀư ăn mih tŭp pler toyh mâu mâp geh tâm ban pônây tâm n'gor Êjipt ntơm bơh bu ndâk bri dak kŏ tât nar aơ.

Nau Ngluh Êjipt 9:24

Mih tŭp pler, tâm rlŭk nđâp ma lơp ŭnh nchrat ral jêng gưl mih tŭp pler dŭt krit kir ê hŏ prot geh ôh ntơm bơh nar Êjipt ndâk bri dak kŏ tât aƀaơ.

Êsai 30:30

Brah Yêhôva mra ăn bu iăt bâr nau rnam Păng. Păng mra ăn bu saơ ti ktang Păng tâm nau ji nuih, ma ŭnh sa, ma sial phŭt, sial phŭt ktang jêh ri mih pler.

Êsêkiêl 38:22

Gâp mra ƀư nau phat dôih tâm rdâng đah păng ma nau ji tưp jêh ri ma nau pling mham. Gâp mra nkhŭt dak mih toyh, glo dak pler, ŭnh jêh ri lŭ mô ŭnh nkhŭt ta klơ păng, ta klơ phung tahan âk păng jêh ri phung ƀon lan hăn ndrel păng.

Yôsuê 10:11

Dôl khân păng nchuăt du panăp phung Israel, Brah Yêhôva ƀư ăn lŭ toyh tă bơh trôk tŭp ta trong ntơm bơh sop Bet-Hôron tât ta Asêka, jêh ri khân păng khĭt da dê. Rnoh phung khĭt yor mih tŭp pler jêng âk lơn ma rnoh phung khĭt ma đao phung tahan Israel.

Nau Tâm Mpơl 16:18

Geh ro lơp nchrat, bâr ngơi, nteh nglaih jêh ri nau n'găr neh ntu ktang; nau n'găr neh ntu ktang kŏ tât ntơm bơh geh kon bunuyh gŭ ta neh ntu ê hŏ geh kơt nây.

Nau Tâm Mpơl 16:21

Geh mih pler dŭt toyh, jâk klăp lah puăn jât kilô, tă bơh trôk tŭp ta kon bunuyh, kon bunuyh ngơi djơh tât Brah Ndu yor lĕ ntil nau rêh ni tă bơh mih pler nây, yorlah nây jêng du ntil nau rêh ni dŭt krit kir.

Nau Tâm Mpơl 8:7

Tông mpăr tal nguay uh nŭng, geh mih pler jêh ri ŭnh tâm pot đah mham nkhŭt tâm neh ntu. Du kô̆ tâm pe neh ntu ŭnh sa, du kô̆ tâm pe tơm si ŭnh sa, jêh ri lĕ rngôch gơ̆ nđĭr ŭnh sa lĕ.