Nau Ngluh Êjipt 9:21 - Nau Brah Ndu Ngơi 2023

²¹ bi mbu moh mâu mĭng ôh ma nau Brah Yêhôva ngơi sŏl ko ăn phung dĭk jêh ri mpô mpa khân păng gŭ tâm mir.

Nau Ngluh Êjipt 9:21 ပူးပေါင်းရင်းမြစ်များ

I Nau Rêh Jêng 22:19

Pôri aƀaơ, ma lĕ nuih n'hâm jêh ri lĕ mĭn khân may joi hom Yêhôva Brah Ndu khân may. Ntơm ndâk hom ngih brah kloh ueh ma Yêhôva Brah Ndu, gay ma Hip Nau Tâm Rnglăp Brah Yêhôva jêh ri lĕ ndơ dŏng kloh ueh Brah Ndu dơm tâm ngih brah ndâk jêh ma amoh Brah Yêhôva.”

Ndrom Samƀŭt bơh Yôp 34:14

Tơlah Păng knŏng mĭn rvê êng ma Păng nơm, Sŏk sĭt huêng brah jêh ri n'hâm nsôr ma Păng,

Ndrom Samƀŭt bơh Yôp 7:17

Mâm kon bunuyh jêng dĭng May kơp jêng khlay geh nau yơk? Moh ndơ ir dĭng May mĭn rvê,

Nau Ngluh Êjipt 7:23

Pharaôn plơ̆ sĭt ta ngih hađăch, păng mâu chrê ôh ma nau nây.

Nau Ngluh Êjipt 9:20

Tâm phung oh mon Pharaôn, mbu moh klach yơk ma nau Brah Yêhôva ngơi, păng mra nchuăn ro phung dĭk jêh ri mpô mpa sĭt ta ngih;

Nau Ngluh Êjipt 9:22

Brah Yêhôva lah ma Y-Môis: “Yơr hom ti may leo klơ trôk gay ăn mih tŭp pler lam n'gor Êjipt, geh ta klơ bunuyh, mpô mpa, jêh ri dĭng lĕ tơm si tâm mir.”

Nau Hôr 22:3

Bunuyh blau ngăn saơ lor nau mhĭk jêh ri du krap, Ƀiălah phung rluk hăn rduh ran tât jêh ri dơn nau mhĭk.

Nau Hôr 24:32

Gâp treng uănh jêh ri gay nuih n'hâm mĭn rvê, Gâp hŏ saơ jêh ri dơn nau ntĭm nti aơ:

Êsêkiêl 40:4

Bu klâu nây lah ma gâp: “Hơi kon bunuyh, sŏk măt uănh hom, sŏk tôr rkêng iăt jêh ri ăn nuih n'hâm gŭ mĭn ma lĕ nau gâp mra mpơl ma may; yorlah ăn may saơ dơi njŭn may tât ta aơ. Pôri nkoch hom lĕ rngôch nau may saơ ma phung Israel.”

Daniel 10:12

Păng lah ma gâp: “Ơ Y-Daniel, lơi klach ôh. Ntơm bơh nar nôk lor lơn, may geh nuih n'hâm ŭch gĭt rbăng jêh ri ntrŭnh êng may nơm tanăp Brah Ndu may, pôri Păng tăng lĕ nau may ngơi, jêh ri gâp văch jêh yor nau may ngơi nây.

I Samuel 4:20

Dôl păng lĕ dăch khĭt, phung bu ur geh măt ta nây lah: “Lơi klach ôh, yorlah ay deh jêh du huê kon bu klâu!” Ƀiălah păng mâu plơ̆ lah, mâu đŏng mĭn rvê lĕ nau nây.