Nau Ngluh Êjipt 9:18 - Nau Brah Ndu Ngơi 2023

¹⁸ ôi taơ, ta mông aơ, Gâp mra ƀư ăn mih tŭp pler toyh mâu mâp geh tâm ban pônây tâm n'gor Êjipt ntơm bơh bu ndâk bri dak kŏ tât nar aơ.

Nau Ngluh Êjipt 9:18 ပူးပေါင်းရင်းမြစ်များ

I Phung Hađăch 19:2

H'Jêsêbel prơh du huê bunuyh hăn mâp Y-Êli jêh ri lah: “Tơlah ta mông aơ tâm nar ôi taơ, gâp mâu geh ƀư ôh ma nau rêh may nâm bu nau rêh du huê tâm phung kôranh nơm may hŏ nkhĭt, dăn phung brah rmal gâp jâk ngăn.”

I Phung Hađăch 20:6

Rlau ma nây, nar ôi taơ tâm mông aơ, gâp mra prơh phung oh mon gâp hăn tât ma may, khân păng mra joi tâm ngih hađăch jêh ri ngih phung oh mon may. Moh ntil ndơ may uănh jêng khlay ngăn, khân păng mra sŏk jêh ri djôt leo lĕ ndơ nây.’”

II Phung Hađăch 7:1

Y-Êlisê lah: “Iăt hom nau Brah Yêhôva! Brah Yêhôva lah kơt aơ: ‘Nar ôi taơ, di mông aơ, ta mpông ƀon Samari, pơh lit rnih môi bu mra tăch jât ma nguay gram prăk, jêh ri jât ma puăn lit ba ôrgơ mra tăch jât ma nguay gram prăk.’”

II Phung Hađăch 7:18

Di ngăn, tơlah bunuyh Brah Ndu hŏ ngơi ma hađăch pô aơ: “Nar ôi taơ, ta mông aơ, ta mpông ƀon Samari, jât ma puăn lit ba ôrgơ mra tăch jât ma nguay gram prăk, jêh ri pơh lit rnih môi tăch đŏng jât ma nguay gram prăk,”

Ndrom Samƀŭt bơh Yôp 37:13

Păng prơh ndâr tŭk hăn, geh tơ̆ gay nduyh nkra, Geh nôk gay djrah neh ntu, Mâu lah ăn nau ueh maak ma kon bunuyh.

Ndrom Samƀŭt bơh Yôp 38:22

May hŏ lăp uănh ăp jay bu prăp pler, Lĕ saơ đŏng jay prăp glo mih dak pler

Ndrom Samƀŭt bơh Yôp 38:23

Ndơ nây gâp hŏ prăp jêh ăn ma nau rêh ni, Ma nar tâm lơh jêh ri đah nơm rlăng lĕ?

Nau Mprơ Ơm 83:15

Pôri, ăn May sŏk vănh blông tĭng khân păng, Jêh ri nkrit nhhu khân păng ma sial phŭt pônây lĕ.

Nau Ngluh Êjipt 10:14

Krah bêng lam n'gor Êjipt jêh ri trŭnh lam n'gor nây. Krah âk ngăn ngên, kăl e mâu mâp geh ôh krah jêh ri nar kăndơ̆ kŏ mâu geh đŏng kơt nây.

Nau Ngluh Êjipt 10:6

mŭt bêng ngih may, lĕ rngôch ngih phung oh mon may, jêh ri lĕ rngôch ngih phung Êjipt. Aơ jêng nau phung mbơ̆ may jêh ri lĕ rngôch phung chô yau may mâu mâp saơ ôh, ntơm bơh nar khân păng geh măt klơ neh ntu aơ kŏ tât ta nar aơ.’” Jêh ngơi, Y-Môis dâk sĭt jêh ri luh bơh ngih Pharaôn.

Nau Ngluh Êjipt 11:6

Lam n'gor Êjipt mra geh nau nhĭm lŭng nter ngăn yorlah mâu vay mâp geh kơt aơ jêh ri kŏ mâu hôm đŏng geh kơt nây.

Nau Ngluh Êjipt 9:17

Tơlah may hôm brơl nkrŭl, mâu ăn ôh phung ƀon lan Gâp hăn,

Nau Tâm Mpơl 16:21

Geh mih pler dŭt toyh, jâk klăp lah puăn jât kilô, tă bơh trôk tŭp ta kon bunuyh, kon bunuyh ngơi djơh tât Brah Ndu yor lĕ ntil nau rêh ni tă bơh mih pler nây, yorlah nây jêng du ntil nau rêh ni dŭt krit kir.