Nau Ngluh Êjipt 9:16 - Nau Brah Ndu Ngơi 2023

¹⁶ Ƀiălah mâm ƀư Gâp ăn may rêh gay ma ăn may saơ nau brah Gâp, jêh ri bu mbơh nkoch lam bri neh ntu.

Nau Ngluh Êjipt 9:16 ပူးပေါင်းရင်းမြစ်များ

II Samuel 7:23

Ta klơ neh ntu, moh phung ƀon lan tâm ban ma phung ƀon lan Israel May, jêng phung ƀon lan Brah Ndu tâm rklaih jêh gay ƀư phung ƀon lan May nơm jêh ri tâm amoh ma khân păng? May hŏ ƀư yor ma May nơm jêh ri n'gor bri May, rĭ dĭng May ƀư lĕ nau kan toyh khư ma bu klach, tơlah May hŏ mprơh jêh âk mpôl băl bunuyh êng jêh ri phung brah khân păng tă bơh tanăp măt May, jêng phung ƀon lan May hŏ sâm chuai khân păng du luh bơh Êjipt gay prăp ma May nơm.

II Phung Hađăch 19:35

Măng nây, du huê tông mpăr Brah Yêhôva lơh nkhĭt du rsen pham rmưn prăm rbăn bunuyh tâm pôih tahan Asiri. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh.

I Nau Rêh Jêng 16:24

Nkoch tay hom nau chrêk rmah Păng ta nklang lĕ bri dak, Mbơh lĕ nau kan hih rhâl Păng ƀư jêh ma lĕ rngôch phung ƀon lan!

Nêhêmi 9:10

Păng ƀư mpơl nau mbên âk ntil jêh ri nau mbên mha tâm rdâng đah Pharaôn, Jêh ri phung oh mon păng jêh ri lĕ rngôch phung ƀon lan tâm bri dak, Yorlah Kôranh Brah gĭt khân păng hŏ ƀư djơh rlau keh ir ma chô yau hên. Kôranh Brah ƀư ăn lư n'găr amoh Kôranh Brah tât nâm bu ta nar aơ.

Nau Mprơ Ơm 106:8

Nđâp tơlah pônây, Păng ăt tâm rklaih khân păng yor amoh Păng, Gay ma tâm mpơl nau brah Păng.

Nau Mprơ Ơm 64:9

Lĕ rngôch bunuyh mra klach da dê, Khân păng mra mbơh nau kan Brah Ndu. Jêh ri gĭt rbăng rah vah nau păng ƀư jêh.

Nau Mprơ Ơm 76:10

Nau bunuyh ji nuih mra tâm rnê ma May; Bi hôm e nau ji nuih, May mra nkân lơi.

Nau Ngluh Êjipt 14:17

Gâp mra ƀư dăng nuih n'hâm phung Êjipt gay ma khân păng tĭng phung Israel trŭnh tâm dak mƀŭt; Gâp mra geh nau tâm rnê yor Pharaôn, yor lĕ rngôch phung tahan, ndeh seh, jêh ri lĕ rngôch phung tahan ncho seh păng.

Nau Ngluh Êjipt 14:4

Gâp mra ƀư dăng nuih n'hâm Pharaôn, jêh ri păng mra hăn tĭng phung ƀon lan nây. Ƀiălah Gâp mra dơi geh nau tâm rnê yor Pharaôn jêh ri lĕ rngôch phung tahan păng; phung Êjipt mra gĭt Gâp jêng Brah Yêhôva.” Phung ƀon lan Israel hŏ ƀư di kơt nây.

Nau Ngluh Êjipt 18:11

Aƀaơ gâp gĭt jêh Brah Yêhôva toyh lơn ma lĕ rngôch brah, yorlah dôl phung Êjipt ƀư mhĭk ma phung ƀon lan Păng ma nau dŭt sưr yor ri Păng dơi lơh khân păng.”

Nau Ngluh Êjipt 9:15

Aƀaơ, Gâp dơi yơr ti rmal may jêh ri phung ƀon lan may ma nau ji tưp gay ƀư rai may jêh ri phung ƀon lan may bơh neh ntu.

Nau Ngluh Êjipt 9:17

Tơlah may hôm brơl nkrŭl, mâu ăn ôh phung ƀon lan Gâp hăn,

Nau Hôr 16:4

Brah Yêhôva rhăk njêng lĕ rngôch mpô mpa geh da dê nau ŭch, Nđâp ma lĕ bunuyh ƀai đŏng prăp ma nar nau mhĭk.

Yêrêmi 32:20

May hŏ ƀư jêh tâm mpơl nau mbên khlay ir ar tâm n'gor bri Êjipt, jêh ri n'ho tât ma nar aơ May hôm e ƀư tay tâm bri Israel tâm ban ma lĕ rngôch ntŭk êng; May hŏ ƀư ăn amoh May geh nau lư n'găr jêh nâm bu nar aơ.

Êsêkiêl 39:21

“Gâp mra mpơl nau chrêk rmah Gâp tâm lĕ bri dak; lĕ rngôch ntil mpôl bunuyh mra saơ nau Gâp phat dôih jêh ri dơm ti Gâp ta klơ khân păng.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Malachi 1:14

“Di ma nau rtăp rak ma nơm mƀruh nchơt! Tâm phung mpô mpa păng geh mpa nkuăng ueh nau păng ton jêh, ƀiălah păng nkhơng djôt leo mpô mpa kuet rvĕn jêng mpa ƀư brah nhhơr ăn ma Kôranh Brah!” Brah Yêhôva ma phung tahan lah: “Yorlah Gâp jêng nơm Hađăch Dŭt Toyh, amoh Gâp jêng khư ma nau klach ta nklang lĕ bri dak.”

Nau Kơp Bunuyh 14:21

Ƀiălah, Gâp sŏk nau rêh jêh ri nau chrêk rmah bêng ma lam n'gor Gâp jêng Brah Yêhôva gay sơm ton pô aơ:

Samƀŭt Pôl Njuăl Ăn Ma Phung Nsing Ta Ƀon Rôm 9:17

Yorlah Nau Brah Ndu Ngơi lah đŏng ma Pharaôn pô aơ: “Gâp hŏ dâk jêh may gay mpơl nau brah Gâp tâm may, gay ma amoh Gâp bu mbơh nkoch lam bri neh ntu.”

Samƀŭt Pôl Njuăl Ăn Ma Phung Nsing Ta Ƀon Rôm 9:22

Tơlah Brah Ndu ŭch tâm mpơl nau ji nuih jêh ri mbơh nau brah Păng, Păng hŏ srôih ŭn nuih tâm lĕ yăng khư geh nau ji nuih prăp ma nau roh rai, mhâm hơh?

Yôsuê 4:24

Pônây, lĕ rngôch phung bunuyh ta neh ntu dơi gĭt mpang ti nau dơi Brah Yêhôva, jêh ri khân may tâm ban đŏng klach yơk ma Yêhôva Brah Ndu khân may ƀaƀơ.”

I Pêtrôs 2:19

Tơlah yor nau gĭt năl Brah Ndu khân may dơn nau nđêh nji, nau rêh ni tâm nau mâu sŏng, nau nĕ jêng nau ueh uĭn.

I Pêtrôs 2:8

jêh ri jêng “Lŭ ƀư chêh jâng, Lŭ toyh ƀư chêh prah bu;” Khân păng chêh prah yorlah mâu tông prăp ma nau chroh, tâm ban ma tâm nal jêh ma khân păng.

Yuđas 1:4

Yorlah geh ƀaƀă phung bunuyh mŭt ntŭng tâm nklang khân may, jêng phung kăl e hŏ tâm nal ma nau phat dôih, jêng phung mâu klach yơk, phung rgâl nau yô̆ Brah Ndu he jêng nau dơi ƀư tih, dun ma Nơm Chiă Uănh knŏng nguay jêh ri Kôranh Brah he jêng Brah Yêsu Krist.

I Samuel 4:8

Rêh ni ngăn ma he! Mbu moh dơi tâm rklaih he dơi rklaih bơh ti phung brah nau dơi nây? Aơ jêng phung brah lĕ tă rmal jêh phung Êjipt đah ăp ntil nau tât tâm bri rdah.