Nau Ngluh Êjipt 9:14 - Nau Brah Ndu Ngơi 2023

¹⁴ Yorlah tal aơ Gâp mra ƀư ăn ma may lĕ nau mhĭk tât tâm nuih n'hâm may, ma phung oh mon may jêh ri ma phung ƀon lan may, gay ma may gĭt tâm lam neh ntu mâu geh ôh bunuyh dơi ban Gâp.

Nau Ngluh Êjipt 9:14 ပူးပေါင်းရင်းမြစ်များ

II Samuel 7:22

Yor ri, hơi Kôranh Brah Yêhôva! May jêng toyh, mâu geh nơm tâm rđĭl nâm bu May. Tĭng nâm lĕ nau hên tăng jêh ma tôr hên, rlau ma May mâu geh Brah Ndu êng ôh.

I Phung Hađăch 8:38

tơlah geh du huê bunuyh mâu lah lĕ rngôch phung ƀon lan Israel Kôranh Brah lĕ nuih n'hâm gĭt năl ma nau rêh ni khân păng nơm, jêh ri yơr ti rle mpeh ma ngih brah aơ gay mbơh sơm, vơh vơl ma lĕ rngôch nau,

I Nau Rêh Jêng 17:20

Hơi Brah Yêhôva, mâu geh ôh nơm tâm ban ma May, jêh ri tĭng nâm lĕ nau hên tăng jêh ma tôr hên, rlau ma May mâu geh ôh nơm jêng Brah Ndu.

Nau Mprơ Ơm 86:8

Ơ Kôranh Brah! Tâm lĕ rngôch brah mâu geh nơm tâm ban ma May, Mâu geh lĕ nau kan tâm ban ma nau kan May.

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Nau Ngluh Êjipt 8:10

Hađăch plơ̆ lah: “Ôi taơ.” Y-Môis lah: “Mra di tĭng nâm nau may lah gay ma may gĭt mâu geh ôh nơm tâm ban ma Brah Yêhôva, Brah Ndu hên.

Nau Ngluh Êjipt 8:6

Y-Arôn yơr ti tâm lĕ tu dak n'gor Êjipt jêh ri kĭt vơr hao nkŭm lam neh.

Nau Ngluh Êjipt 9:15

Aƀaơ, Gâp dơi yơr ti rmal may jêh ri phung ƀon lan may ma nau ji tưp gay ƀư rai may jêh ri phung ƀon lan may bơh neh ntu.

Êsai 45:5

Gâp jêng Brah Yêhôva, mâu geh Nơm êng ôh, Rlau ma Gâp, mâu hôm geh Brah Ndu êng ôh. Nđâp tơlah may mâu gĭt năl Gâp, Gâp mra rêt an rse bŭt may,

Êsai 46:9

Ăn khân may kah gĭt tay lĕ nau kan panăp, ntơm bơh rnôk kăl e; Yorlah Gâp jêng Brah Ndu, mâu geh Nơm êng ôh. Gâp jêng Brah Ndu jêh ri mâu geh nơm tâm ban ma Gâp ôh.

Yêrêmi 10:6

“Ơ Brah Yêhôva, mâu geh nơm dơi tâm rđĭl đah May! May toyh ngăn ngên, Amoh May dŭt prêh brah toyh.

Yêrêmi 10:7

Ơ Hađăch ma lĕ bri dak! Mbu moh mâu klach yơk May? May dơi khư ma nau yơk mbah. Yorlah ta nklang phung bunuyh blau mĭn tâm lĕ bri dak, Tâm lam ƀon bri hađăch khân păng, Mâu geh nơm dơi tâm rđĭl đah May.

Yêrêmi 19:8

Gâp mra njêng ƀon aơ ma nau rai, ƀư nau gơm ma neh ntu; bunuyh prot rgăn hih rhâl da dê jêh ri gơm mưch yorlah lĕ rngôch nau sôt rmanh păng.

Daniel 5:21

Bu nsot păng bơh tâm nklang phung bunuyh; nau mĭn jêng nâm bu nau mĭn mpô mpa, mra gŭ ndrel ma seh bri, sa gơ̆ nâm bu ndrôk jêh ri săk jăn păng bĕ ma dak ngom bơh trôk, kŏ tât păng gĭt Brah Ndu Nơm Dŭt Prêh chiă uănh tâm ƀon bri hađăch kon bunuyh jêh ri ma mbu nơm Păng ndâk tĭng nơm Păng ŭch.

Kan Lêvi 26:18

Tơlah tât kơt nây, ƀiălah khân may ăt mâu iăt đŏng nau Gâp, Gâp mra tâm rmal khân may pơh tơ̆ âk lơn yor nau tih khân may,

Kan Lêvi 26:21

Tơlah khân may hôm tâm rdâng đah Gâp jêh ri mâu ŭch iăt nau Gâp ôh, Gâp mra nkhŭt nau tât ji tưp pơh tơ̆ âk lơn ma khân may yor nau tih khân may.

Kan Lêvi 26:28

pôri Gâp mra ji nuih gay tâm rdâng đah khân may, jêh ri Gâp mra rmal khân may pơh tơ̆ âk lơn yor nau tih khân may.

Mika 6:13

Yor nây, Gâp dong may, ƀư ăn sôt rmanh jru Jêh ri gay ƀư ma may jêng rngol yor nau tih may.

Nau Vay Nkah Tay 3:24

‘Hơi Yêhôva Brah Ndu, May hŏ ntơm mpơl jêh ma oh mon May saơ nau chrêk rmah jêh ri ti nau brah May. Yorlah, mbu brah klơ trôk mâu lah ta neh ntu dơi ƀư lĕ nau kan jêh ri ƀư nau brah tâm ban ma May?

Nau Vay Nkah Tay 4:35

Khân may hŏ saơ jêh lĕ nau nây, gay ma khân may dơi gĭt năl Yêhôva jêng Brah Ndu, rlau ma Păng mâu hôm geh nơm êng ôh.

Nau Tâm Mpơl 18:8

Yor ri, tâm du nar lĕ nau rêh ni mra văch ma păng: Nau khĭt, nau klâng ndrê, nau sa sât ji ngot. Ŭnh mra su lơi păng, Yorlah Kôranh Brah, Nơm phat dôih păng, jêng Brah Ndu geh bêng nau dơi.”

Nau Tâm Mpơl 22:18

Gâp mbơh ma lĕ rngôch phung tăng nau mbơh lor tâm ndrom samƀŭt aơ pô aơ: Tơlah du huê ntop moh nau tâm lĕ nau aơ, Brah Ndu mra ntop ma păng lĕ nau rêh ni nchih jêh tâm ndrom samƀŭt aơ.

I Samuel 4:8

Rêh ni ngăn ma he! Mbu moh dơi tâm rklaih he dơi rklaih bơh ti phung brah nau dơi nây? Aơ jêng phung brah lĕ tă rmal jêh phung Êjipt đah ăp ntil nau tât tâm bri rdah.