Nau Ngluh Êjipt 8:8 - Nau Brah Ndu Ngơi 2023

⁸ Pharaôn kuăl Y-Môis jêh ri Y-Arôn tât ta nây jêh ri lah: “Dăn hom ma Brah Yêhôva gay ăn kĭt du ngai bơh gâp jêh ri phung ƀon lan gâp rĭ mơ gâp mra ăn phung ƀon lan Hêbrơ hăn nhhơr mpa ƀư brah ma Brah Yêhôva.”

Nau Ngluh Êjipt 8:8 ပူးပေါင်းရင်းမြစ်များ

I Phung Hađăch 13:6

Rnôk nây, hađăch lah ma bunuyh Brah Ndu pô aơ: “Dăn ma may vơl dăn ma Yêhôva Brah Ndu may jêh ri mbơh sơm an ma gâp gay ăn ti gâp kôn tay nâm bu ơm.” Bunuyh Brah Ndu vơl dăn ma Brah Yêhôva jêh ri ti hađăch kôn dơi tay bah nâm bu saơm.

Nau Mprơ Ơm 66:3

Lah hom ma Brah Ndu pô aơ: “Lĕ nau kan May toyh ngăn ngên! Yorlah nau Brah May dŭt toyh, lĕ phung rlăng May mra tâm rnglăp ma May da dê.

Nau Ngluh Êjipt 10:16

Pharaôn kuăl ndal Y-Môis n'hanh Y-Arôn văch jêh ri lah: “Gâp hŏ ƀư tih jêh đah Yêhôva Brah Ndu khân may jêh ri đah khân may đŏng.

Nau Ngluh Êjipt 10:17

Aƀaơ ri, sâm yô̆ an nau tih gâp, knŏng du tơ̆ aơ dơm! Kuăl mbơh sơm hom ma Yêhôva Brah Ndu khân may; gay ma Păng sâm sŏk an bơh gâp lĕ nau rêh ni khĭt bunuyh aơ.”

Nau Ngluh Êjipt 10:18

Y-Môis du luh bơh Pharaôn jêh ri mbơh sơm ma Brah Yêhôva.

Nau Ngluh Êjipt 14:5

Lah bu mbơh ma hađăch Êjipt phung ƀon lan Hêbrơ du jêh, nuih n'hâm Pharaôn jêh ri phung oh mon păng đah phung ƀon lan nây tâm rgâl ro, khân păng lah: “Moh nau he hŏ ƀư kơt nây, mƀơk phung Israel hăn du, gay ma mâu hôm ăn khân păng pah kan ma he đŏng ƀơh?”

Nau Ngluh Êjipt 32:11

Y-Môis kuăl vơl ma Yêhôva Brah Ndu păng: “Ơ Brah Yêhôva, mâm ƀư Brah Ndu hao nau ji nuih đah phung ƀon lan May, jêng phung ƀon lan May hŏ dŏng nau brah dŭt toyh jêh ri ti nau dăng ngluh khân păng luh bơh n'gor Êjipt?

Nau Ngluh Êjipt 5:2

Ƀiălah Pharaôn lah: “Brah Yêhôva mbu jêng, dĭng gâp ma tông bâr gay ma ăn phung ƀon lan Israel hăn? Gâp mâu gĭt năl ôh Brah Yêhôva jêh ri gâp mâu đŏng ăn Phung ƀon lan Israel hăn.”

Nau Ngluh Êjipt 8:15

Ƀiălah dôl Pharaôn saơ păng nơm klaih jêh, nuih n'hâm păng plơ̆ dăng tay, mâu hôm ŭch tông ôh nau Y-Môis jêh ri Y-Arôn, di nâm nau Brah Yêhôva hŏ lah jêh.

Nau Ngluh Êjipt 8:29

Y-Môis ơh: “Ơ, gâp mra luh du tă bơh may jêh ri mbơh sơm ma Brah Yêhôva; ôi taơ rhuay mra mpăr du bơh hađăch, bơh phung oh mon jêh ri phung ƀon lan. Ƀiălah dăn hađăch lơi rlăm ôh jêh ri mâu ăn phung ƀon lan hên hăn nhhơr mpa ƀư brah ma Brah Yêhôva”.

Nau Ngluh Êjipt 8:32

Ƀiălah tal aơ, Pharaôn ăt dăng tay nuih n'hâm, mâu ăn phung ƀon lan dâk hăn.

Nau Ngluh Êjipt 8:9

Y-Môis ngơi đah Pharaôn: “Dăn ma may dăp hom mông nar ăn rah vah gay ma gâp kuăl mbơh sơm ma Brah Yêhôva, yor may, phung oh mon may jêh ri phung ƀon lan may, gay ƀư rai kĭt bơh may, bơh ngih may, knŏng hôm e tâm dak krong dơm.”

Nau Ngluh Êjipt 9:27

Pharaôn kuăl Y-Môis jêh ri Y-Arôn hăn văch jêh ri lah: “Tal aơ gâp hŏ ƀư tih jêh. Brah Yêhôva jêng sŏng srăng, bi gâp jêh ri phung ƀon lan gâp jêng tih da dê.

Nau Ngluh Êjipt 9:28

Mbơh sơm hom ma Brah Yêhôva gay ma bah nglaih jêh ri mih tŭp pler, jêh nây gâp mra ăn khân may hăn, mâu hôm gŭ đŏng ôh!”

Nau Ngluh Êjipt 9:33

Y-Môis luh bơh Pharaôn, hăn padih ƀon, yơr ti păng ma Brah Yêhôva; nglaih jêh ri mih tŭp pler nsrŭng; trôk mâu hôm mih đŏng ôh.

Nau Kơp Bunuyh 21:7

Phung ƀon lan hăn tât ma Y-Môis jêh ri lah: “Hên lĕ ƀư tih jêh, yorlah hên ngơi sưr ma Brah Yêhôva jêh ri ma may. Dăn may mbơh sơm ma Brah Yêhôva gay ma Păng ƀư ăn bêh aơ nkhah ngai bơh hên.” Pôri Y-Môis mbơh sơm an ma phung ƀon lan.

Kôranh Oh Mon 8:24

Y-Simôn plơ̆ lah: “Mbơh sơm hom ma Kôranh Brah an gâp, gay gâp mâu khan nau khân may lah nây.”

I Samuel 12:19

Lĕ rngôch phung ƀon lan lah ma Y-Samuel: “Mbơh sơm hom ma Yêhôva Brah Ndu may yor phung oh mon may, gay ma hên mâu khĭt ôh, yorlah hên hŏ ntop nau tih dăn du huê hađăch nđâp ma lĕ rngôch nau tih êng đŏng tâm hên.”