Nau Ngluh Êjipt 8:6 - Nau Brah Ndu Ngơi 2023

⁶ Y-Arôn yơr ti tâm lĕ tu dak n'gor Êjipt jêh ri kĭt vơr hao nkŭm lam neh.

Nau Ngluh Êjipt 8:6 ပူးပေါင်းရင်းမြစ်များ

II Samuel 7:22

Yor ri, hơi Kôranh Brah Yêhôva! May jêng toyh, mâu geh nơm tâm rđĭl nâm bu May. Tĭng nâm lĕ nau hên tăng jêh ma tôr hên, rlau ma May mâu geh Brah Ndu êng ôh.

II Nau Rêh Jêng 6:14

Păng lah: “Ơ Yêhôva Brah Ndu phung Israel! Ta klơ trôk jêh ri tâm neh ntu, mâu geh brah êng tâm ban Kôranh Brah. May djôt prăp nau tâm rnglăp jêh ri nau ueh ma phung oh mon May, jêng phung chuat hăn tanăp măt May ma lĕ nuih n'hâm khân păng.

Nau Mprơ Ơm 105:30

Neh khân păng bêng ma kĭt, Nsăt tât tâm jrô hađăch bê̆ch.

Nau Mprơ Ơm 78:45

Păng njuăl phung rhuay kăp rvăn khân păng, Jêh ri kĭt ƀư rai khân păng;

Nau Mprơ Ơm 86:8

Ơ Kôranh Brah! Tâm lĕ rngôch brah mâu geh nơm tâm ban ma May, Mâu geh lĕ nau kan tâm ban ma nau kan May.

Nau Mprơ Ơm 90:2

Êlor bu deh ma phung yôk, Neh jêh ri neh ntu dơi rhăk njêng, Bơh rnôk kăl e kŏ tât n'ho ro mâu blau lôch May jêng Brah Ndu.

Nau Ngluh Êjipt 10:2

jêh ri gay may dơi nkoch tay ma kon sau khân may lĕ nau kan Gâp hŏ ƀư jêh ma phung Êjipt, tâm ban đŏng lĕ nau mbên khlay Gâp hŏ ƀư mpơl jêh ta nklang khân păng, tă bơh nây khân may dơi gĭt Gâp jêng Brah Yêhôva.”

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Nau Ngluh Êjipt 7:19

Brah Yêhôva lah ma Y-Môis: “Lah hom ma Y-Arôn: ‘Djôt hom mâng jra may jêh ri yơr ti may tâm lĕ tu dak n'gor Êjipt, jêng lĕ dak krong, dak n'hong jê̆, dak nglao, jêh ri lĕ ntu prăp dak, gay ma dak nây jêng mham. Mham mra geh ăp ntŭk tâm n'gor Êjipt, nđâp ma dak tâm lĕ thŭng ƀư ma si, ma lŭ.’”

Nau Ngluh Êjipt 9:14

Yorlah tal aơ Gâp mra ƀư ăn ma may lĕ nau mhĭk tât tâm nuih n'hâm may, ma phung oh mon may jêh ri ma phung ƀon lan may, gay ma may gĭt tâm lam neh ntu mâu geh ôh bunuyh dơi ban Gâp.

Nau Ngluh Êjipt 9:29

Y-Môis lah: “Lah gâp luh jêh bơh ƀon, gâp mra yơr ti gâp ma Brah Yêhôva; nglaih mra nsrŭng, mih tŭp pler mra bah ro gay ma may gĭt n'gor aơ jêng ndơ Brah Yêhôva.

Êsai 43:10

Brah Yêhôva lah: “Khân may jêng phung mbơh ngăn ma Gâp, Jêh ri jêng phung oh mon Gâp săch jêh, Gay ma khân may dơi gĭt năl jêh ri chroh ma Gâp, Jêh ri gĭt rbăng Gâp yơh jêng Nơm nây. Mâu lĕ geh brah dơi njêng lor Gâp, Jêh ri mâu lĕ geh brah pakơi Gâp.

Kan Lêvi 11:12

Lĕ rngôch mpa rêh gŭ tâm dak mâu geh rsâng, mâu geh nsiap, uănh hom jêng geh nau ƀơ̆ ƀơch ma khân may.

Nau Vay Nkah Tay 32:31

Phung rlăng he nơm mra sŏk dơn Lŭ toyh khân păng mâu dơi tâm rđĭl đah Lŭ Toyh he ôh.

Nau Vay Nkah Tay 33:26

“Hơi Yêsurun, mâu geh nơm tâm ban ma Brah Ndu ôh, Nơm tâm rklaih văch ncho tâm trôk, Nau rnam ta klơ lĕ ndâr tŭk.

Nau Vay Nkah Tay 4:35

Khân may hŏ saơ jêh lĕ nau nây, gay ma khân may dơi gĭt năl Yêhôva jêng Brah Ndu, rlau ma Păng mâu hôm geh nơm êng ôh.

Nau Tâm Mpơl 16:13

Gâp saơ tă bơh mbung bêh nhŭk nhăk, mbung mpô mpa dŭt janh jêh ri bơh trôm mbung nơm mbơh lor nklă geh pe huêng djơh nâm bu phung kĭt hăn luh.