Nau Ngluh Êjipt 8:4 - Nau Brah Ndu Ngơi 2023

⁴ Kĭt mra vơr hao tât ta may, phung ƀon lan jêh ri lĕ rngôch phung oh mon may.’”

Nau Ngluh Êjipt 8:4 ပူးပေါင်းရင်းမြစ်များ

I Phung Hađăch 13:6

Rnôk nây, hađăch lah ma bunuyh Brah Ndu pô aơ: “Dăn ma may vơl dăn ma Yêhôva Brah Ndu may jêh ri mbơh sơm an ma gâp gay ăn ti gâp kôn tay nâm bu ơm.” Bunuyh Brah Ndu vơl dăn ma Brah Yêhôva jêh ri ti hađăch kôn dơi tay bah nâm bu saơm.

Nau Mprơ Ơm 107:40

Brah Yêhôva nkhŭt nau ƀơ̆ ƀơch ta phung kon hađăch, Ăn khân păng nsong mblêng tâm n'gor ntŭk rngol mâu geh trong klaih.

Nau Ngluh Êjipt 10:17

Aƀaơ ri, sâm yô̆ an nau tih gâp, knŏng du tơ̆ aơ dơm! Kuăl mbơh sơm hom ma Yêhôva Brah Ndu khân may; gay ma Păng sâm sŏk an bơh gâp lĕ nau rêh ni khĭt bunuyh aơ.”

Nau Ngluh Êjipt 8:24

Brah Yêhôva ƀư di kơt nây. Lĕ phung rhuay âk ngăn lăp tâm ngih hađăch Pharaôn jêh ri tâm ngih phung oh mon. Lam n'gor Êjipt geh rhuay jôp ƀư rai lĕ rngôch.

Nau Ngluh Êjipt 8:3

Dak krong mra bêng ler ma kĭt; khân păng mra vơr lăp tâm ngih hađăch, tâm jrô bê̆ch jêh ri hao đŏng tâm sưng may bê̆ch, lăp tâm ngih phung oh mon may jêh ri phung ƀon lan may, lăp tâm ŭnh năk jêh ri tâm thŭng piăch rnih may.

Nau Ngluh Êjipt 8:5

Jêh ri Brah Yêhôva lah ma Y-Môis: “Lah hom ma Y-Arôn: ‘Djôt leo hom mâng jra may jêh ri yơr tâm lĕ tu dak, dak krong, dak n'hong jê̆, dak nglao, jêh ri ƀư ăn kĭt hao bêng n'gor Êjipt.’”

Nau Ngluh Êjipt 9:28

Mbơh sơm hom ma Brah Yêhôva gay ma bah nglaih jêh ri mih tŭp pler, jêh nây gâp mra ăn khân may hăn, mâu hôm gŭ đŏng ôh!”

Êsai 19:11

Phung kôranh tâm ƀon Sôan knŏng jêng rluk mâl; Phung nchră geh nau blau mĭn Pharaôn mpơl lĕ nau mĭn brŭt ndrăng. Mâm dĭng khân may janh lah ma Pharaôn: “Gâp jêng kon bu klâu phung njêh, Jêng kon sau phung hađăch rnôk kăl e”?

Êsai 19:22

Brah Yêhôva mra dong bri Êjipt; jêh dong ƀư bah tay khân păng đŏng. Khân păng mra sĭt ma Brah Yêhôva. Păng mra iăt nau khân păng mbơh sơm jêh ri ƀư bah khân păng.

Êsai 23:9

Brah Yêhôva ma phung tahan yơh hŏ dăp nal nau nây, Gay ma ntrŭnh nau sưr lĕ rngôch nau chrêk rmah, Gay ƀư bêk lĕ rngôch phung bu yơk ta neh ntu.

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Nau Kơp Bunuyh 21:7

Phung ƀon lan hăn tât ma Y-Môis jêh ri lah: “Hên lĕ ƀư tih jêh, yorlah hên ngơi sưr ma Brah Yêhôva jêh ri ma may. Dăn may mbơh sơm ma Brah Yêhôva gay ma Păng ƀư ăn bêh aơ nkhah ngai bơh hên.” Pôri Y-Môis mbơh sơm an ma phung ƀon lan.