Nau Ngluh Êjipt 8:26 - Nau Brah Ndu Ngơi 2023

²⁶ Ƀiălah Y-Môis ơh: “Ƀư pônây mâu di ôh yorlah phung Êjipt rmot lĕ ndơ hên ƀư brah nhhơr ma Yêhôva Brah Ndu. Tơlah hên nhhơr ndơ ƀư brah, phung Êjipt uănh ndơ nây jêng ndơ khân păng rmot, mâu di hĕ khân păng mra klŭp hên ma lŭ?

Nau Ngluh Êjipt 8:26 ပူးပေါင်းရင်းမြစ်များ

Nau Ntơm 43:32

Bu thai sông sa ma Y-Yôsep ta sưng êng, ma phung nâu păng ta sưng êng, jêh ri thai sông sa ma lĕ phung Êjipt vay sông ndrel ma păng sưng êng đŏng, yorlah nau sông sa ndrel ma phung Hêbrơ jêng du nau bu mưch rmot ngăn ma phung Êjipt.

Nau Ntơm 46:34

ăn khân may lah: ‘Ntơm bơh dôl hôm ndăm tât aƀaơ aơ, phung oh mon hađăch knŏng phung rong mpô mpa tâm ban chô yau hên.’ Ngơi hom kơt nây gay ma khân may dơi gŭ ta n'gor Gôsen, yorlah phung ƀon lan Êjipt vay mưch rmot phung rmăk biăp.”

II Phung Hađăch 23:13

Hađăch ƀư ƀơ̆ lĕ ntŭk prêh klơ mpeh luh nar ƀon Yêrusalem, mpeh rđŭng ma yôk Ôm-Rai, jêng lĕ ntŭk prêh Y-Salômôn, hađăch Israel ndâk jêh gay nhhơr mbah ma brah Astarôt, rup brah dŭt ƀơ̆ ƀơch phung ƀon lan Sidôn; Chêmôs, rup brah dŭt ƀơ̆ ƀơch phung ƀon lan Môap; jêh ri Milkôm, rup brah dŭt ƀơ̆ ƀơch phung ƀon lan Ammôn.

Êsra 9:1

Tơlah lĕ kan nây hŏ lôch jêh, phung kôranh chiă uănh văch tât ma gâp jêh ri lah: “Phung ƀon lan Israel, nđâp ma phung kôranh ƀư brah, jêh ri phung Lêvi mâu geh rêh nkhah ôh đah phung ntil mpôl bunuyh gŭ tâm n'gor, ƀiălah khân păng kơt tĭng lĕ nau vay ƀơ̆ ƀơch bơh phung Kanaan, phung Hitit, phung Pêrisit, phung Jêbusit, phung Ammôn, phung Môap, phung Êjipt, jêh ri phung Amôrit.

Nau Ngluh Êjipt 3:18

Khân păng mra iăt tĭng bâr may ngơi. Pôri ăn may jêh ri phung kôranh bu ranh Israel hăn tât tâm mâp đah hađăch Êjipt jêh ri lah: ‘Brah Yêhôva, Brah Ndu phung Hêbrơ, hŏ tâm mpơl jêh đah hên. Aƀaơ, dăn ma hađăch ăn hên pe nar hăn trong lăp tâm bri rdah gay nhhơr mpa ƀư brah ma Yêhôva Brah Ndu hên.’

Nau Ngluh Êjipt 8:8

Pharaôn kuăl Y-Môis jêh ri Y-Arôn tât ta nây jêh ri lah: “Dăn hom ma Brah Yêhôva gay ăn kĭt du ngai bơh gâp jêh ri phung ƀon lan gâp rĭ mơ gâp mra ăn phung ƀon lan Hêbrơ hăn nhhơr mpa ƀư brah ma Brah Yêhôva.”

Êsai 44:19

Mâu geh nơm gŭ mĭn ôh, mâu lĕ geh nơm dŏng nau gĭt rbăng mâu lah nau sek uănh, kŏ tât lah pô aơ: “Gâp sŏk jêh du gâl tơm si nây sŭnh ŭnh, ta klơ sa ônh gâp hŏ gŭch piăng let, gâp hŏ gŭch puăch jêh ri gâp sa; jêh ri gâl hôm e, gâp ƀư du ndơ bu tâm rmot lĕ? Mâm gâp hăn chon mon mbah đŏng tanăp du n'gâng tơm si?”