Nau Ngluh Êjipt 8:20 - Nau Brah Ndu Ngơi 2023

²⁰ Jêh nây, Brah Yêhôva lah ma Y-Môis: “Dâk hom ơm ôi jêh ri tâm mâp ma Pharaôn dôl păng hăn ta kơh dak krong jêh ri lah ma păng pô aơ Brah Yêhôva lah: ‘Ăn phung ƀon lan Gâp hăn gay ma khân păng dơi pah kan ma Gâp.

Nau Ngluh Êjipt 8:20 ပူးပေါင်းရင်းမြစ်များ

Nau Mprơ Ơm 105:31

Păng lah, geh phung rhuay mpăr tât ro, Jêh măch bêng lam n'gor.

Nau Mprơ Ơm 78:45

Păng njuăl phung rhuay kăp rvăn khân păng, Jêh ri kĭt ƀư rai khân păng;

Nau Ngluh Êjipt 2:5

Kon bu ur Pharaôn jŭr ŭm ta dak krong, bi ma phung bu ur kơl kan păng, hăn brô̆ nsong n'gŏ kơh dak krong. Kon bu ur Pharaôn saơ du mlâm bĭ ƀư ma tơm treng tâm nklang tơm sut, đă ro phung bu ur kơl kan chông an.

Nau Ngluh Êjipt 3:18

Khân păng mra iăt tĭng bâr may ngơi. Pôri ăn may jêh ri phung kôranh bu ranh Israel hăn tât tâm mâp đah hađăch Êjipt jêh ri lah: ‘Brah Yêhôva, Brah Ndu phung Hêbrơ, hŏ tâm mpơl jêh đah hên. Aƀaơ, dăn ma hađăch ăn hên pe nar hăn trong lăp tâm bri rdah gay nhhơr mpa ƀư brah ma Yêhôva Brah Ndu hên.’

Nau Ngluh Êjipt 4:23

Rĭ dĭng Gâp lah ma may: Ăn kon Gâp hăn hom, gay ma păng dơi pah kan ma Gâp. Tơlah may dun mâu ăn ôh păng hăn, aơ, gâp mra nkhĭt kon bu klâu may deh dak bôk.’”

Nau Ngluh Êjipt 5:1

Jêh nây, Y-Môis jêh ri Y-Arôn hăn mbơh ma Pharaôn jêh ri lah: “Brah Yêhôva, Brah Ndu phung Israel, lah: ‘Ăn phung ƀon lan Gâp hăn gay ma khân păng nkra nau tâm rƀŭn yơk mbah ma Gâp tâm bri rdah.’”

Nau Ngluh Êjipt 5:3

Y-Môis jêh ri Y-Arôn ngơi: “Brah Ndu phung Hêbrơ hŏ tâm mpơl jêh đah hên. Hên dăn ma may ăn hên hăn tâm pe nar hăn trong mŭt tâm bri rdah gay nhhơr mpa ƀư brah ma Yêhôva Brah Ndu hên; lah mâu, Brah Ndu mra ƀư nau ji tưp mâu lah ma đao đah hên.”

Nau Ngluh Êjipt 7:15

Hăn mâp hom Pharaôn nôk ôi, dôl păng hăn ta kơh dak krong. Kâp hom păng ta kơh dak krong jêh ri may djôt mâng jra tâm ti hŏ tă kêng jêng bêh.

Nau Ngluh Êjipt 8:1

Brah Yêhôva lah tay ma Y-Môis: “Hăn mâp hom Pharaôn, jêh ri lah ma păng: Brah Yêhôva lah pô aơ: ‘Ăn phung ƀon lan Gâp hăn gay ma khân păng pah kan ma Gâp.

Nau Ngluh Êjipt 8:21

Tơlah may mâu ăn phung ƀon lan Gâp hăn, aơ, Gâp mra njuăl rhuay tât ta may, ta phung oh mon, ta phung ƀon lan jêh ri tâm ngih may. Ngih vâl phung Êjipt jêh ri lĕ rngôch ntŭk neh khân păng dơi rêh mra bêng ma rhuay.

Nau Ngluh Êjipt 9:13

Jêh nây, Brah Yêhôva lah ma Y-Môis: “Ôi taơ ăn may dâk ơm ôi, dâk tanăp măt Pharaôn jêh ri lah pô aơ Brah Yêhôva, jêng Brah Ndu phung Hêbrơ lah: ‘Ăn phung ƀon lan gâp hăn, gay ma khân păng dơi pah kan ma Gâp.