Nau Ngluh Êjipt 8:14 - Nau Brah Ndu Ngơi 2023

¹⁴ Bu bun phung kĭt jêng âk mbŭch, lam n'gor n'hôl ƀâu ôm.

Nau Ngluh Êjipt 8:14 ပူးပေါင်းရင်းမြစ်များ

I Phung Hađăch 18:26

Khân păng sŏk ndrôk nkuăng bu ăn ma khân păng jêh ri sreh. Jêh nây ntơm bơh ơm ôi tât nklang bôk nar, khân păng kuăl amoh brah Baal pô aơ: “Hơi brah Baal! Dăn plơ̆ lah ma hên.” Ƀiălah mâu geh bâr ngơi ôh, mâu đŏng geh nau plơ̆ lah. Khân păng pâl ntalơ̆ văr jŭm nơng ƀư brah khân păng hŏ ndâk jêh.

I Phung Hađăch 18:29

Tơlah nar vet jêh, khân păng ăt om lah thăm rmat tâm ban pônây kŏ tât mông nhhơr ndơ ƀư brah rnih môi kêng mhaơ. Ƀiălah mâu saơ tăng ôh bâr ngơi, mâu geh đŏng nơm plơ̆ lah tay, mâu geh đŏng ôh du huê brah sâm mĭn rvê an.

Nau Ngluh Êjipt 7:21

Ka tâm dâng dak krong khĭt, n'hong dak krong jêng ƀâu ôm, phung Êjipt mâu dơi ôh nhêt dak tâm dak krong nây. Lam ntŭk tâm bri Êjipt geh mham da dê.

Nau Ngluh Êjipt 8:13

Brah Yêhôva ƀư tĭng nâm nau Y-Môis dăn. Kĭt tâm ngih, tâm ƀon, tâm mir khĭt da dê.

Nau Ngluh Êjipt 8:15

Ƀiălah dôl Pharaôn saơ păng nơm klaih jêh, nuih n'hâm păng plơ̆ dăng tay, mâu hôm ŭch tông ôh nau Y-Môis jêh ri Y-Arôn, di nâm nau Brah Yêhôva hŏ lah jêh.

Nau Ngluh Êjipt 8:24

Brah Yêhôva ƀư di kơt nây. Lĕ phung rhuay âk ngăn lăp tâm ngih hađăch Pharaôn jêh ri tâm ngih phung oh mon. Lam n'gor Êjipt geh rhuay jôp ƀư rai lĕ rngôch.

Nau Ngluh Êjipt 9:11

Yor geh ok eh, phung rƀên mâu dơi dâk ôh tanăp măt Y-Môis. Ok eh lĕ hao ma săk jăn khân păng tâm ban đŏng ma lĕ rngôch phung Êjipt.

Êsai 19:11

Phung kôranh tâm ƀon Sôan knŏng jêng rluk mâl; Phung nchră geh nau blau mĭn Pharaôn mpơl lĕ nau mĭn brŭt ndrăng. Mâm dĭng khân may janh lah ma Pharaôn: “Gâp jêng kon bu klâu phung njêh, Jêng kon sau phung hađăch rnôk kăl e”?

Êsai 34:2

Yorlah Brah Yêhôva ji nuih tâm rdâng đah lĕ bri dak, Păng nkhŭt nau ji nuih ma lĕ rngôch phung tahan khân păng; Păng ƀư rai khân păng, Jao khân păng ăn bu nkhĭt.

Êsêkiêl 39:11

Tâm nar nây, Gâp mra ăn Y-Gôk du ntŭk ƀư môch tâp ta Israel tâm rlŭng ma phung bu năch hăn nsong mpeh pa luh nar dak mƀŭt. Môch tâp nây mra king lơi trong phung bu năch hăn nsong. Yorlah ta ntŭk nây bu mra tâp Y-Gôk jêh ri lĕ rngôch phung âk ndrel păng. Bu mra ntơ ntŭk nây rlŭng Hamôn Gôk.

Yôel 2:20

Gâp mra ăn phung rlăng mpeh pa lơ du ngai ma khân may, Mprơh khân păng tâm ntŭk neh kro nđang jêh ri bri rdah: Mprơh du phung tahan panăp khân păng tâm dak mƀŭt luh nar, Phung tahan pakơi khân păng tâm dak mƀŭt nhâp nar. N'hôl khân păng ƀâu ngăn, N'hôl khân păng luh ƀâu chrĭ.” Yorlah n'hêl nanê̆ Kôranh Brah hŏ ƀư lĕ nau kan toyh.