Nau Ngluh Êjipt 7:4 - Nau Brah Ndu Ngơi 2023

⁴ Pharaôn mâu mra iăt ôh nau khân may. Gâp mra yơr ti gay rmal n'gor Êjipt ma nau jâk jêr gay djôt leo phung tahan Gâp, jêng phung ƀon lan Israel, luh bơh n'gor nây.

Nau Ngluh Êjipt 7:4 ပူးပေါင်းရင်းမြစ်များ

Nau Ngluh Êjipt 10:1

Brah Yêhôva lah ma Y-Môis: “Hăn mâp hom Pharaôn, yorlah Gâp hŏ ƀư dăng jêh nuih n'hâm hađăch nây jêh ri phung oh mon păng, gay ma Gâp dơi tâm mpơl nau mbên khlay aơ ta nklang khân păng,

Nau Ngluh Êjipt 11:9

Brah Yêhôva lah ma Y-Môis: “Pharaôn mâu iăt ôh nau may, gay ma Gâp n'hao âk nau mbên khlay tâm n'gor Êjipt.”

Nau Ngluh Êjipt 12:51

Nar nây ro, Brah Yêhôva leo phung ƀon lan Israel du luh bơh n'gor Êjipt tĭng nâm ndŭl mpôl.

Nau Ngluh Êjipt 13:3

Y-Môis lah ma phung ƀon lan: “Ăn khân may ndray nar aơ, yorlah aơ jêng nar Brah Yêhôva dŏng mpang ti nau brah gay djôt khân may luh bơh n'gor Êjipt, jêng luh bơh ngih dĭk bu, lơi sa ôh piăng let geh ndrui.

Nau Ngluh Êjipt 13:9

Jêh ri mpeh ma khân may, nây mra jêng nâm bu du nau mbên ta ti khân may, du nau ndray ta vah vang bar ding măt khân may gay ma nau vay bơh Brah Yêhôva gŭ tâm trôm mbung khân may; yorlah Brah Yêhôva hŏ dŏng ti nau brah gay leo khân may du luh bơh n'gor Êjipt.

Nau Ngluh Êjipt 18:8

Y-Môis nkoch tay ma po păng lĕ rngôch nau Brah Yêhôva hŏ ƀư jêh ma Pharaôn jêh ri ma phung Êjipt yor phung Israel, lĕ rngôch nau hŏt rgănh tât ta ma khân păng rŏ trong, jêh ri mâm nau Brah Yêhôva tâm rklaih khân păng.

Nau Ngluh Êjipt 3:19

Ƀiălah, Gâp gĭt hađăch Êjipt mâu mra ăn khân may hăn ôh, tơlah mâu geh mpang ti nau brah dơi kơl an.

Nau Ngluh Êjipt 3:20

Yor ri, Gâp mra yơr ti rmal n'gor Êjipt đah lĕ nau mbên mha Gâp mra ƀư tâm n'gor nây, jêh nây khân păng mra ăn khân may hăn.

Nau Ngluh Êjipt 6:1

Brah Yêhôva lah ma Y-Môis: “Aƀaơ may mra saơ lĕ nau Gâp mra ƀư ma Pharaôn. Nanê̆, yor tă bơh mpang ti nau brah Gâp, hađăch nây mra ăn phung Israel hăn luh; yor tă bơh mpang ti nau brah Gâp, hađăch nây mra mprơh khân păng luh bơh n'gor păng.”

Nau Ngluh Êjipt 6:26

Y-Arôn jêh ri Y-Môis jêng phung bunuyh Brah Yêhôva hŏ ntĭm nti jêh: “Ăn hăn tĭng ăp ndŭl mpôl gay njŭn phung ƀon lan Israel luh bơh n'gor Êjipt.”

Nau Ngluh Êjipt 6:6

Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Nau Ngluh Êjipt 7:13

Nuih n'hâm Pharaôn ăt hôm dăng, mâu iăt ôh nau Y-Môis jêh ri Y-Arôn, di nâm nau Brah Yêhôva hŏ lah jêh.

Nau Ngluh Êjipt 7:16

Ăn may mbơh ma păng pô aơ Brah Yêhôva, jêng Brah Ndu phung Hêbrơ hŏ đă gâp tât gay mâp may jêh ri lah ma may: ‘Ăn phung ƀon lan Gâp luh du gay ma khân păng dơi pah kan ma Gâp tâm bri rdah; ƀiălah tât aƀaơ may mâu ôh mâp tông bâr.’

Nau Ngluh Êjipt 8:15

Ƀiălah dôl Pharaôn saơ păng nơm klaih jêh, nuih n'hâm păng plơ̆ dăng tay, mâu hôm ŭch tông ôh nau Y-Môis jêh ri Y-Arôn, di nâm nau Brah Yêhôva hŏ lah jêh.

Nau Ngluh Êjipt 8:19

Phung rƀên mbơh ma Pharaôn: “Aơ jêng nglau ti Brah Ndu.” Ƀiălah nuih n'hâm Pharaôn ăt hôm dăng, mâu ŭch tông ôh nau Y-Môis jêh ri Y-Arôn, di nâm nau Brah Yêhôva hŏ lah jêh.

Nau Ngluh Êjipt 9:12

Brah Yêhôva ƀư dăng nuih n'hâm Pharaôn, mâu iăt ôh nau Y-Môis jêh ri Y-Arôn, di tĭng nâm nau Brah Yêhôva lah jêh ma Y-Môis.

Nau Ngluh Êjipt 9:3

aơ, ti Brah Yêhôva mra ƀư nau ji tưp jâk jêr ma lĕ mpô mpa may rong tâm mir, seh, seh bri, seh samô, ndrôk, jêh ri biăp.

Nau Hôr 19:29

Nau tâm rmal hŏ prăp rơm jêh ma phung mưch, Mâng rvĕ rpăt ndrăp rơm ăn ma ndŭr kơi phung rluk.

Êsai 26:9

Dôl măng huêng gâp ji hir ma May; Ơ, nuih n'hâm gâp nđơr ŭch joi May. Yorlah nau May phat dôih ƀư jêh ta neh Phung gŭ tâm neh ntu nti gĭt nau sŏng srăng.

Nau Nhĭm Vơl 3:3

N'hêl nanê̆, ăp nar, Păng yơr ti Ƀư mhĭk ma gâp ƀaƀơ.

Êsêkiêl 14:21

Pônây Kôranh Brah Yêhôva lah: ‘Gâp sŏk puăn ntil nau tâm rmal jru rlau lơn ma nây jêng gưm đao, nau sa sât ji ngot, mpô mpa bri janh jêh ri nau ji tưp nkhĭt ăn ma ƀon Yêrusalem gay ƀư rai lơi bunuyh jêh ri mpô mpa tâm bri tâm nây.

Êsêkiêl 25:11

Tâm ban lĕ Gâp mra ƀư nau phat dôih ma bri Môap jêh ri khân păng mra gĭt Gâp jêng Brah Yêhôva.”

Êsêkiêl 30:14

Gâp mra ƀư ma ƀon Pathrôs jêng rngol; Su ƀon Sôan ma ŭnh, Jêh ri ƀư nau phat tât ma ƀon Thêbes.

Êsêkiêl 30:19

Gâp mra ƀư rai nau phat dôih ma bri Êjipt, Jêh ri khân păng mra gĭt Gâp jêng Brah Yêhôva.’”

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”

Nau Tâm Mpơl 16:7

Jêh nây gâp tăng bâr tă bơh nơng ƀư brah lah pô aơ: “N'hêl nanê̆ ngăn, ơ Kôranh Brah jêng Brah Ndu Geh Lĕ Nau Brah, Lĕ nau May phat dôih jêng nanê̆ ngăn jêh ri sŏng.”

Nau Tâm Mpơl 19:2

Yorlah lĕ nau Păng phat dôih jêng nanê̆ ngăn jêh ri sŏng. Păng phat dôih jêh bu ur văng tĭr toyh, nơm hŏ sŏk nau păng văng tĭr ƀư djơh tâm neh ntu; jêh ri Brah Ndu plơng bôk jêh yor mham phung oh mon Păng bơh bu ur văng tir nây ƀư nkhŭt jêh.”

Phung Kôranh Phat Dôih 2:15

Ăp tơ̆ khân păng hăn tâm lơh, ti Brah Yêhôva ƀư mhĭk ma khân păng nâm Brah Yêhôva hŏ sơm ton jêh ma khân păng. Khân păng tŭp tâm nau rêh ni toyh ngăn ngên.