Nau Ngluh Êjipt 7:19 - Nau Brah Ndu Ngơi 2023

¹⁹ Brah Yêhôva lah ma Y-Môis: “Lah hom ma Y-Arôn: ‘Djôt hom mâng jra may jêh ri yơr ti may tâm lĕ tu dak n'gor Êjipt, jêng lĕ dak krong, dak n'hong jê̆, dak nglao, jêh ri lĕ ntu prăp dak, gay ma dak nây jêng mham. Mham mra geh ăp ntŭk tâm n'gor Êjipt, nđâp ma dak tâm lĕ thŭng ƀư ma si, ma lŭ.’”

Nau Ngluh Êjipt 7:19 ပူးပေါင်းရင်းမြစ်များ

Nau Ntơm 1:10

Brah Ndu rnha ntŭk sơh jêng “neh,” bi ntŭk dak nsŭn jêng “dak mƀŭt.” Brah Ndu saơ nau nây jêng ueh.

II Phung Hađăch 4:29

Y-Êlisê lah ma Y-Gêhasi: “Vân hom rse bŭt may, djôt leo mâng jra gâp tâm ti jêh ri hăn. Tơlah rŏ trong may mâp bu, lơi mbah; tơlah bu mbah may, lơi plơng tay. May mra dơm mâng jra gâp ta klơ muh măt kon se jê̆.”

Nau Ngluh Êjipt 10:12

Brah Yêhôva lah ma Y-Môis: “Yơr hom ti may leo ta n'gor Êjipt gay ƀư ăn krah lam n'gor nây, sa grăch tơm si jêh ri lĕ ndơ klơ neh, tă mih tŭp pler hôm e rong.”

Nau Ngluh Êjipt 10:21

Brah Yêhôva lah ma Y-Môis: “Yơr hom ti may leo klơ trôk gay nau ngo nkŭm lam bri Êjipt, geh ntil nau ngo nâm bu dơi pah bi.”

Nau Ngluh Êjipt 14:16

Bi may, djôt leo hom mâng jra, nto ti may ta klơ n'ha dak mƀŭt jêh ri tâm nkhah dak bar ding gay ma phung ƀon lan Israel hăn ta neh sơh rgăn dak mƀŭt.

Nau Ngluh Êjipt 14:21

Y-Môis yơr ti ta klơ dak mƀŭt; tâm măng nây, Brah Yêhôva ƀư ăn sial tă bơh lơ khôm dăng ngăn gay ma nsŭn dak mƀŭt. Brah Ndu ƀư ma dak tâm nkhah bar ding, dak mƀŭt jêng neh sơh.

Nau Ngluh Êjipt 14:26

Brah Yêhôva lah ma Y-Môis: “Yơr hom ti may klơ dak mƀŭt gay ma dak plơ̆ tay nkŭm bŭk phung Êjipt, nđâp ndeh seh jêh ri phung tahan ncho seh khân păng.”

Nau Ngluh Êjipt 4:9

Ƀiălah tơlah khân păng mâu iăt ôh lĕ bar ntil nau mbên khlay nây jêh ri mâu lĕ iăt tĭng nau may ngơi, ăn may sŏk dak bơh dak krong jêh ri nkhŭt ta neh sơh; dak may hŏ sŏk jêh bơh dak krong nây mra jêng mham klơ neh.”

Nau Ngluh Êjipt 8:16

Brah Yêhôva lah tay ma Y-Môis: “Ngơi hom ma Y-Arôn: ‘Yơr hom mâng jra, mbang klơ ndruyh neh, ndruyh neh muy mra jêng măch tâm lam n'gor Êjipt.’”

Nau Ngluh Êjipt 9:33

Y-Môis luh bơh Pharaôn, hăn padih ƀon, yơr ti păng ma Brah Yêhôva; nglaih jêh ri mih tŭp pler nsrŭng; trôk mâu hôm mih đŏng ôh.

Êsai 19:10

Lĕ phung tanh Êjipt dĭl da dê, Lĕ rngôch phung pah kan nkhôm mra rngot da dê.

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Habakuk 3:8

Ơ Brah Yêhôva, di lĕ May ji nuih đah lĕ dak krong? Di lĕ nau May ji nuih tâm rdâng đah lĕ dak n'hor? Geh lĕ nau May hao nuih tâm rdâng đah dak mƀŭt, Lah May ncho seh ndrel ndeh seh gay tâm rklaih lĕ?