Nau Ngluh Êjipt 7:17 - Nau Brah Ndu Ngơi 2023

¹⁷ Yor ri, Brah Yêhôva ngơi: ‘Ma nau aơ may mra gĭt Gâp jêng Brah Yêhôva.’ Aơ, gâp mra sŏk mâng jra tâm ti gâp mbang tâm dak krong, jêh ri dak nây mra jêng mham;

Nau Ngluh Êjipt 7:17 ပူးပေါင်းရင်းမြစ်များ

I Phung Hađăch 20:28

Nôk nây, geh du huê bunuyh Brah Ndu hăn văch dăch hađăch Israel jêh ri lah pô aơ: “Brah Yêhôva lah: Yorlah phung Aram hŏ lah: ‘Brah Yêhôva jêng brah yôk mâu di brah rlŭng,’ yor nây Gâp mra jao phung tahan âk râk aơ tâm ti may, jêh ri khân may mra gĭt ma Gâp jêng Brah Yêhôva.”

II Phung Hađăch 19:19

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt pô aơ knŏng êng Brah Yêhôva jêng Brah Ndu.”

Nau Mprơ Ơm 105:29

Păng tâm rgâl dak krong jêng mham, Jêh ri nkhĭt lơi ka khân păng.

Nau Mprơ Ơm 78:44

Păng njêng lĕ dak krong khân păng jêng mham, Lĕ dak n'hor nây mâu dơi nhêt.

Nau Mprơ Ơm 83:18

Gay ma khân păng gĭt pô aơ jêng knŏng du huê May Nơm yơh, Amoh May jêng Brah Yêhôva, Jêng Nơm Dŭt Prêh chiă uănh tâm lam neh ntu.

Nau Mprơ Ơm 9:16

Brah Yêhôva tâm mpơl êng Păng Nơm rgăn đah nau di; Phung mhĭk geh dăk yor ti khân păng nơm sân jêh. (Higaiôn. Sêla)

Nau Ngluh Êjipt 1:22

Pharaôn ntăm ma lĕ rngôch phung ƀon lan păng: “Ăn khân nơm klŭp lĕ rngôch kon bu klâu mhe deh phung Hêbrơ tâm dak krong, ƀiălah bu ur rong ăn păng rêh.”

Nau Ngluh Êjipt 10:2

jêh ri gay may dơi nkoch tay ma kon sau khân may lĕ nau kan Gâp hŏ ƀư jêh ma phung Êjipt, tâm ban đŏng lĕ nau mbên khlay Gâp hŏ ƀư mpơl jêh ta nklang khân păng, tă bơh nây khân may dơi gĭt Gâp jêng Brah Yêhôva.”

Nau Ngluh Êjipt 4:9

Ƀiălah tơlah khân păng mâu iăt ôh lĕ bar ntil nau mbên khlay nây jêh ri mâu lĕ iăt tĭng nau may ngơi, ăn may sŏk dak bơh dak krong jêh ri nkhŭt ta neh sơh; dak may hŏ sŏk jêh bơh dak krong nây mra jêng mham klơ neh.”

Nau Ngluh Êjipt 5:2

Ƀiălah Pharaôn lah: “Brah Yêhôva mbu jêng, dĭng gâp ma tông bâr gay ma ăn phung ƀon lan Israel hăn? Gâp mâu gĭt năl ôh Brah Yêhôva jêh ri gâp mâu đŏng ăn Phung ƀon lan Israel hăn.”

Nau Ngluh Êjipt 6:7

Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.

Nau Ngluh Êjipt 7:20

Y-Môis jêh ri Y-Arôn ƀư tĭng nâm nau Brah Yêhôva hŏ ntĭnh jêh. Tanăp măt Pharaôn jêh ri phung oh mon păng, Y-Arôn yơr mâng jra păng, mbang dak krong, jêh ri lĕ rngôch dak krong jêng mham da dê.

Nau Ngluh Êjipt 7:5

Lah Gâp yơr ti tâm rdâng đah phung Êjipt gay djôt phung ƀon lan Israel luh bơh nây rĭ mơ phung Êjipt mra gĭt Gâp jêng Brah Yêhôva.”

Êsêkiêl 25:17

Gâp mra ƀư nau plơng bôk toyh tâm rdâng đah khân păng, sŏk nau ji nuih gay phat dôih khân păng. Rnôk nây, khân păng mra gĭt Gâp jêng Brah Yêhôva, tơlah Gâp har plơng ma khân păng.’”

Êsêkiêl 29:9

N'gor bri Êjipt mra jêng rngol, nsoih dơm jêh ri khân păng mra gĭt Gâp jêng Brah Yêhôva.’ Yorlah Pharaôn geh lah jêh pô aơ: ‘Dak krong Nil jêng ndơ gâp, gâp hŏ njêng jêh păng.’

Êsêkiêl 30:19

Gâp mra ƀư rai nau phat dôih ma bri Êjipt, Jêh ri khân păng mra gĭt Gâp jêng Brah Yêhôva.’”

Êsêkiêl 30:8

Nôk nây, khân păng mra gĭt Gâp jêng Brah Yêhôva, Tơlah Gâp su bri Êjipt ma ŭnh Jêh ri lĕ rngôch phung kơl păng rai jêh.

Êsêkiêl 32:15

‘Tơlah Gâp ăn bri Êjipt jêng ntŭk rngol, Jêh ri nau âk rmeh ơm geh tâm bri nây bu sŏk lĕ rngôch; Tơlah Gâp lơh lĕ rngôch phung ƀon lan gŭ ta nây, Pôri khâng păng gĭt Gâp jêng Brah Yêhôva.

Êsêkiêl 32:6

Gâp mra sŏk mham may djrah neh Kŏ tât ta lĕ rngôch dor yôk, Ăp lĕ rngôch n'hor dak bêng ma săk jăn may.

Êsêkiêl 38:23

Nâm pônây, Gâp mra tâm mpơl nau toyh jêh ri nau kloh ueh Gâp, jêh ri Gâp mra dơi gĭt năl tra năp măt âk mpôl băl bunuyh. Khân păng mra gĭt Gâp jêng Brah Yêhôva.’”

Êsêkiêl 39:28

Khân păng mra gĭt Gâp jêng Yêhôva Brah Ndu khân păng, nđâp lah Gâp hŏ mprơh khân păng jêng bu nă tâm lĕ bri dak êng jêh nây rgum tay khân păng sĭt ta bri dak khân păng nơm, mâu ăn klen du huê bunuyh ôh.

Daniel 4:17

Dôih nây luh tă bơh phung gak, Jêh ri nau ntăm aơ luh tă bơh nau nơm kloh ueh, Gay lĕ rngôch bunuyh dơi gĭt Nơm Dŭt Prêh Klơ chiă uănh ƀon bri hađăch kon bunuyh; Păng ăn ma mbu nơm păng ŭch Jêh ri mra n'hao bunuyh jê̆ lĕ lơn ăn chiă uănh.’

Daniel 4:32

Bu mra nsot may tă bơh ta nklang phung bunuyh jêh ri gŭ ndrel ma mpô mpa bri. Bu mra ăn may sa gơ̆ nâm bu ndrôk jêh ri lăn tâm pơh gưl kŏ may gĭt rbăng pô aơ Nơm Dŭt Prêh chiă uănh tâm ƀon bri hađăch kon bunuyh jêh ri ăn ma bu tĭng nau Păng nơm ŭch.”

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Daniel 5:21

Bu nsot păng bơh tâm nklang phung bunuyh; nau mĭn jêng nâm bu nau mĭn mpô mpa, mra gŭ ndrel ma seh bri, sa gơ̆ nâm bu ndrôk jêh ri săk jăn păng bĕ ma dak ngom bơh trôk, kŏ tât păng gĭt Brah Ndu Nơm Dŭt Prêh chiă uănh tâm ƀon bri hađăch kon bunuyh jêh ri ma mbu nơm Păng ndâk tĭng nơm Păng ŭch.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Nau Tâm Mpơl 11:6

Khân păng geh nau dơi nchăng trôk, gay ma mâu geh mih tâm lĕ nar nây khân păng ngơi nau mbơh lor; khân păng geh đŏng nau dơi tâm dak gay rgâl dak jêng mham, jêh ri sŏk ăp ntil nau rêh ni ƀư nau mhĭk ma neh ntu ăp tơ̆ khân păng ŭch.

Nau Tâm Mpơl 8:8

Tông mpăr rơh bar uh nŭng, geh ndơ nâm bu du mlâm yôk toyh ŭnh sa hâng, bu klŭp tâm dak mƀŭt. Du kô̆ tâm pe dak mƀŭt jêng mham,