Nau Ngluh Êjipt 7:16 - Nau Brah Ndu Ngơi 2023

¹⁶ Ăn may mbơh ma păng pô aơ Brah Yêhôva, jêng Brah Ndu phung Hêbrơ hŏ đă gâp tât gay mâp may jêh ri lah ma may: ‘Ăn phung ƀon lan Gâp luh du gay ma khân păng dơi pah kan ma Gâp tâm bri rdah; ƀiălah tât aƀaơ may mâu ôh mâp tông bâr.’

Nau Ngluh Êjipt 7:16 ပူးပေါင်းရင်းမြစ်များ

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Nau Ngluh Êjipt 13:15

Nôk Pharaôn dăng nuih n'hâm mâu ăn ôh hên hăn du luh, Brah Yêhôva hŏ nkhĭt lĕ rngôch kon dak bôk tâm n'gor Êjipt, ntơm bơh kon bu klâu bôk rah bunuyh kŏ tât kon dak bôk mpô mpa rong. Yor nây dĭng gâp nhhơr ma Brah Yêhôva dĭng lĕ rngôch kon nkuăng dak bôk jêng ndơ ƀư brah, jêh ri tâm chuai kon bu klâu bôk rah tâm phung kon bu klâu gâp.’

Nau Ngluh Êjipt 14:5

Lah bu mbơh ma hađăch Êjipt phung ƀon lan Hêbrơ du jêh, nuih n'hâm Pharaôn jêh ri phung oh mon păng đah phung ƀon lan nây tâm rgâl ro, khân păng lah: “Moh nau he hŏ ƀư kơt nây, mƀơk phung Israel hăn du, gay ma mâu hôm ăn khân păng pah kan ma he đŏng ƀơh?”

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Nau Ngluh Êjipt 3:13

Y-Môis ngơi đah Brah Ndu: “Tơlah gâp tât ta phung Israel jêh ri ngơi đah khân păng: ‘Brah Ndu phung chô yau khân may hŏ đă gâp văch ta khân may;’ jêh ri khân păng ôp may: ‘Mâm amoh săk Păng?’ jêh ri mâm nau gâp mra ngơi đah khân păng?”

Nau Ngluh Êjipt 3:18

Khân păng mra iăt tĭng bâr may ngơi. Pôri ăn may jêh ri phung kôranh bu ranh Israel hăn tât tâm mâp đah hađăch Êjipt jêh ri lah: ‘Brah Yêhôva, Brah Ndu phung Hêbrơ, hŏ tâm mpơl jêh đah hên. Aƀaơ, dăn ma hađăch ăn hên pe nar hăn trong lăp tâm bri rdah gay nhhơr mpa ƀư brah ma Yêhôva Brah Ndu hên.’

Nau Ngluh Êjipt 4:22

Pôri ăn may lah đah Pharaôn pô aơ Brah Yêhôva lah: ‘Israel jêng kon Gâp, jêng kon bu klâu bôk rah Gâp.

Nau Ngluh Êjipt 4:23

Rĭ dĭng Gâp lah ma may: Ăn kon Gâp hăn hom, gay ma păng dơi pah kan ma Gâp. Tơlah may dun mâu ăn ôh păng hăn, aơ, gâp mra nkhĭt kon bu klâu may deh dak bôk.’”

Nau Ngluh Êjipt 7:4

Pharaôn mâu mra iăt ôh nau khân may. Gâp mra yơr ti gay rmal n'gor Êjipt ma nau jâk jêr gay djôt leo phung tahan Gâp, jêng phung ƀon lan Israel, luh bơh n'gor nây.

Nau Ngluh Êjipt 8:1

Brah Yêhôva lah tay ma Y-Môis: “Hăn mâp hom Pharaôn, jêh ri lah ma păng: Brah Yêhôva lah pô aơ: ‘Ăn phung ƀon lan Gâp hăn gay ma khân păng pah kan ma Gâp.

Nau Ngluh Êjipt 8:20

Jêh nây, Brah Yêhôva lah ma Y-Môis: “Dâk hom ơm ôi jêh ri tâm mâp ma Pharaôn dôl păng hăn ta kơh dak krong jêh ri lah ma păng pô aơ Brah Yêhôva lah: ‘Ăn phung ƀon lan Gâp hăn gay ma khân păng dơi pah kan ma Gâp.

Nau Ngluh Êjipt 9:1

Brah Yêhôva lah ma Y-Môis: “Hăn tâm mâp hom ma Pharaôn jêh ri lah ma păng pô aơ Brah Yêhôva, jêng Brah Ndu ma phung Hêbrơ lah: ‘Ăn phung ƀon lan Gâp hăn, gay ma khân păng dơi pah kan ma Gâp.

Nau Ngluh Êjipt 9:13

Jêh nây, Brah Yêhôva lah ma Y-Môis: “Ôi taơ ăn may dâk ơm ôi, dâk tanăp măt Pharaôn jêh ri lah pô aơ Brah Yêhôva, jêng Brah Ndu phung Hêbrơ lah: ‘Ăn phung ƀon lan gâp hăn, gay ma khân păng dơi pah kan ma Gâp.

Êsai 45:13

Gâp nơm yơh hŏ ƀư ăn jêh ma nơm nây n'hao tâm nau sŏng srăng, Jêh ri ƀư ma lĕ rngôch trong păng lâng. Păng mra ndâk tay ƀon toyh Gâp, Jêh ri dơi jêng kon me ma phung ƀon lan Gâp tă bơh bu krŭng Ƀiălah mâu kêh rnoh chuai, mâu đŏng ŭch nau nkhôm,” Brah Yêhôva ma phung tahan lah.

Yêrêmi 50:33

Brah Yêhôva ma phung tahan lah: “Phung kon sau Israel jêh ri phung kon sau Yuđa bu tŭn jot da dê; đơ phung nhŭp leo khân păng nkân khân păng ăn rjăp da dê, mâu ŭch mƀơk khân păng ôh.