Nau Ngluh Êjipt 6:8 - Nau Brah Ndu Ngơi 2023

⁸ Gâp mra djôt khân may lăp tâm n'gor Gâp hŏ ton jêh ăn ma Y-Abraham, Y-Isăk, Y-Yakôb, jêh ri ăn n'gor nây jêng drăp ndơn ma khân may: Gâp jêng Brah Yêhôva.’”

Nau Ngluh Êjipt 6:8 ပူးပေါင်းရင်းမြစ်များ

Nau Ntơm 14:22

Ƀiălah Y-Abram lah ma hađăch ƀon Sôdôm: “Gâp hŏ yơr ti tanăp măt Yêhôva Brah Ndu Dŭt Prêh, Nơm rhăk jêng trôk jêh ri neh ntu, jêh ri ton pô aơ

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

Nau Ntơm 26:3

Ăn may gŭ njưh tâm n'gor aơ, Gâp mra gŭ ndrel ma kon jêh ri ăn nau ueh uĭn ma kon; yorlah Gâp mra ăn ma may jêh ri ma noi deh kon lĕ nkual bri aơ jêh ri Gâp mra ƀư n'hêl nanê̆ nau Gâp ton jêh ma Y-Abraham, mbơ̆ may.

Nau Ntơm 28:13

Ri, Brah Yêhôva dâk tanăp măt păng jêh ri lah: “Gâp jêng Yêhôva Brah Ndu Y-Abraham, chô yau may, ăt jêng Brah Ndu Y-Isăk. Gâp mra ăn ma may jêh ri noi deh may ntŭk neh may dôl lâng săk bê̆ch.

Nau Ntơm 35:12

N'gor gâp hŏ ăn jêh ma Y-Abraham jêh ri ma Y-Isăk, Gâp mra ăn đŏng ma may jêh ri ma noi deh may.”

Nêhêmi 9:15

Tă bơh klơ trôk Kôranh Brah ăn jêh piăng let nôk khân păng ji ngot, Ƀư ăn lŭ rdŭl dak nôk khân păng ji hir, Ntăm khân păng lăp sŏk bri Kôranh Brah hŏ ton ăn jêh ma khân păng.

Nau Ngluh Êjipt 13:5

Pôri, nôk Brah Yêhôva njŭn khân may lăp tâm n'gor phung Kanaan, phung Hitit, phung Amôrit, phung Hivit, jêh ri phung Jêbusit, jêng n'gor bêng ma dak toh jêh ri dak sŭt, Păng hŏ ton ma chô yau khân may mra ăn ma khân may, pôri lah tât khay aơ khân may kah gĭt prăp nau vay rƀŭn nây.

Nau Ngluh Êjipt 32:13

Dăn Kôranh Brah kah gĭt tay ma Y-Abraham, Y-Isăk jêh ri Y-Israel, jêng phung oh mon May, May hŏ sŏk amoh May nơm jêh ri ton jêh đah khân păng pô aơ: ‘Gâp mra ƀư ma noi deh khân may âk tâm ban bu mănh tâm trôk. Gâp mra ăn ma noi deh khân may lĕ n'gor aơ, jêng n'gor Gâp hŏ ngơi jêh ma khân may, jêh ri khân păng mra ndơn n'gor nây n'ho ro.’”

Nau Ngluh Êjipt 6:2

Brah Ndu lah tay ma Y-Môis: “Gâp jêng Brah Yêhôva.

Nau Ngluh Êjipt 6:4

Gâp hŏ ƀư jêh nau tâm rnglăp đah khân păng gay ăn n'gor Kanaan, jêng n'gor khân păng hŏ gŭ njưh nâm phung bu năch.

Nau Ngluh Êjipt 6:6

Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Êsêkiêl 20:15

Gâp yơr ti ton jêh ma khân păng tâm bri rdah pô aơ Gâp mâu mra leo khân păng lăp ôh tâm n'gor bri Gâp hŏ ăn ma khân păng, jêng n'gor bri bêng ma dak toh jêh ri dak sŭt, bri ueh lơn tâm lĕ rngôch bri.

Êsêkiêl 20:23

Tâm ban lĕ Gâp hŏ yơr ti ton đah khân păng tâm bri rdah pô aơ Gâp mra ƀư ma khân păng chah rai pru pra ta nklang lĕ rngôch phung ƀon lan jêh ri mprơh du tâm âk bri dak,

Êsêkiêl 20:28

Dôl Gâp hŏ leo jêh khân păng lăp neh Gâp ton ăn jêh ma khân păng, rnôk nây khân păng saơ jêh lĕ yôk prêh, lĕ rngôch tơm si dŭt pŭm jêh ri nhhơr ndơ ƀư brah ma khân păng nơm ta nây. Khân păng hŏ mpơl ta nây ndơ ƀư brah gay nsônh Gâp ji nuih; khân păng su ndơ n'hôl geh ƀâu kah jêh ri ƀư ndơ nhhơr nhêt ta nây.

Êsêkiêl 20:42

Khân may mra gĭt Gâp jêng Brah Yêhôva tơlah Gâp njŭn khân may lăp tâm n'gor bri Israel jêng n'gor Gâp hŏ yơr ti ton ăn jêh ma phung chô yau khân may.

Êsêkiêl 36:7

Yor ri, Kôranh Brah Yêhôva lah: ‘Gâp hŏ ton pô aơ, lĕ rngôch bri dak gŭ văr jŭm khân may ăt mra dơn nau bêk prêng.

Êsêkiêl 47:14

Ăn khân may mra tâm pă ndrăng khân may nơm ƀư drăp ndơn yorlah Gâp ton jêh mra ăn neh aơ ma phung chô yau khân may, jêh ri khân may mra geh neh nây ƀư drăp ndơn.

Nau Kơp Bunuyh 10:29

Y-Môis lah ma Y-Hôbap, kon bu klâu Y-Rêuel, du huê Madian jêng nâu ur Y-Môis pô aơ: “Hên hăn tât ta n'gor Brah Yêhôva lah jêh: ‘Gâp mra ăn n'gor nây ma khân may.’ Dăn may hăn ndrel ma hên, hên mra ƀư ueh ma may, yorlah Brah Yêhôva ton jêh ăn nau ueh uĭn ma phung Israel.”

Nau Kơp Bunuyh 11:12

Gâp hĕ bă ntreo ma lĕ rngôch phung ƀon lan aơ? Gâp hĕ deh ma khân păng, May lah ma gâp: ‘Chông hom phung ƀon lan aơ ta ntang ntơh may nâm bunuyh sâm mpu chông kon se hôm e pu, kŏ tât nôk khân păng lăp tâm n'gor May hŏ sơm ton jêh gay ăn ma phung chô yau khân păng?’

Nau Kơp Bunuyh 14:30

mâu mra dơi lăp ôh tâm n'gor Gâp hŏ ton jêh ăn ma khân may, knŏng Y-Kalep kon bu klâu Y-Jêphunê jêh ri Y-Yôsuê, kon bu klâu Y-Nun.

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Nau Vay Nkah Tay 32:40

Gâp yơr ti let klơ trôk Jêh ri mbơh: ‘Gâp dơi rêh ƀaƀơ n'ho ro!’

Nau Vay Nkah Tay 4:31

Yorlah Yêhôva Brah Ndu khân may jêng Brah Ndu bêng ma nau yô̆ nđach; Păng mâu mra chalơi khân may, mâu ƀư rai khân may, mâu đŏng chuêl nau tâm rnglăp Păng hŏ ton ma phung chô yau khân may.”

Yôsuê 24:13

Gâp ăn neh ma khân may ƀiălah khân may mâu mâp muyh kăl ôh, âk ƀon khân may mâu mâp ndâk ôh jêh ri khân may gŭ tâm nây; lĕ đang krăk ƀâu jêh ri đang ôlive khân may mâu mâp tăm ôh ƀiălah khân may dơi sa păng.’

Nau Tâm Mpơl 10:6

sŏk amoh Nơm gŭ rêh n'ho ro, Nơm rhăk njêng trôk jêh ri lĕ rngôch ndơ klơ trôk, neh ntu jêh ri lĕ rngôch ndơ klơ neh ntu, dak mƀŭt jêh ri lĕ rngôch ndơ tâm dak mƀŭt, jêh ri sơm ton pô aơ: “Mâu mra hôm mbrĕ mbrơi ôh!

I Samuel 15:29

Rlau lơn ma nĕ, Kôranh Brah Chrêk Rmah phung Israel mâu ngơi mƀruh ôh, mâu plĕch rgâl nau mĭn ôh, yorlah Păng mâu jêng du huê bunuyh dĭng bu dơi plĕch rgâl nau mĭn!”