Nau Ngluh Êjipt 6:6 - Nau Brah Ndu Ngơi 2023

⁶ Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Nau Ngluh Êjipt 6:6 ပူးပေါင်းရင်းမြစ်များ

I Phung Hađăch 8:42

(Yorlah khân păng hŏ tăng jêh ma amoh toyh May, ma ti brah May jêh ri ti May yơr sŏng jêh). Tơlah khân păng văch tât mbơh sơm tâm ngih brah aơ,

II Phung Hađăch 17:36

Ƀiălah Brah Yêhôva, Nơm hŏ sŏk nau brah toyh jêh ri nting tur yơr sŏng, djôt khân may luh bơh Êjipt, Păng jêng Nơm ăn khân may klach yơk, chon mbah, jêh ri nhhơr mpa ƀư brah.

I Nau Rêh Jêng 17:21

Mâu geh phung ƀon lan êng ta neh ntu jêng nâm bu phung ƀon lan Israel May, du phung ƀon lan Brah Ndu sâm chuai an jêng phung ƀon lan prăp ma May? Kôranh Brah geh amoh toyh ngăn bơh lĕ nau kan toyh khư ma bu klach, dôl May mprơh phung ndŭl mpôl êng tanăp phung ƀon lan May, jêng phung May sâm chuai an jêh tă bơh n'gor bri Êjipt.

Nêhêmi 1:10

Khân păng jêng phung oh mon jêh ri phung ƀon lan ma Kôranh Brah, jêng phung Kôranh Brah hŏ rklaih jêh ma ti dŭt dăng, bêng nau brah bơh May.

Nau Mprơ Ơm 77:16

Ơ Brah Ndu, tơlah lĕ n'hor dak saơ May, Di yơh, tơlah lĕ n'hor dak saơ May jêh ri klach, Jêh ri brŏng jru râm nsâr.

Nau Mprơ Ơm 81:11

Ƀiălah phung ƀon lan Gâp mâu iăt bâr Gâp, Phung Israel mâu tông bâr Gâp ôh.

Nau Mprơ Ơm 81:6

“Gâp sŏk jêh ndơ anh jâk bơh săng nglik păng; Jêh ri mƀơk bơh bĭ jâk bơh ti păng.”

Nau Mprơ Ơm 81:7

“Tâm nau rêh ni, may kuăl pôri Gâp mra tâm rklaih may, Bơh ntŭk ndâp nglaih gŭ, Gâp mplơ̆ lah nau may. Jêh ri rlong uănh may ta dak n'hor Mêriba. (Sêla)

Nau Ngluh Êjipt 1:11

Yor ri, phung Êjipt dơm phung kôranh uănh kan gay ƀư rêh ni phung Israel ma nau kan jâk jêr, nchâp đă khân păng ƀư ƀon toyh Pithôm jêh ri ƀon Ramsê gay ma ƀư ntŭk prăp drăp khlay ăn ma Pharaôn.

Nau Ngluh Êjipt 12:41

Di tâm nar nglĕ dŭt puăn rhiăng pe jât năm, lĕ rngôch phung tahan Brah Yêhôva du luh bơh n'gor Êjipt.

Nau Ngluh Êjipt 12:51

Nar nây ro, Brah Yêhôva leo phung ƀon lan Israel du luh bơh n'gor Êjipt tĭng nâm ndŭl mpôl.

Nau Ngluh Êjipt 13:14

Tâm nar kăndơ̆ taơ lah kon bu klâu khân may ôp: ‘Nau aơ mâm jêng?’ ăn khân may plơ̆ lah: ‘Yorlah Brah Yêhôva hŏ dŏng ti nau brah Păng gay ngluh he du luh bơh n'gor Êjipt, rklaih bơh ngih dĭk bu.

Nau Ngluh Êjipt 13:16

Nây mra jêng du nau mbên ta ti jêh ri ndơ kât klơ ndăr kleng ta nklang bar ding măt khân may, gay ma nkah pô aơ Brah Yêhôva hŏ dŏng ti nau brah Păng djôt hên du luh bơh n'gor Êjipt.”

Nau Ngluh Êjipt 13:3

Y-Môis lah ma phung ƀon lan: “Ăn khân may ndray nar aơ, yorlah aơ jêng nar Brah Yêhôva dŏng mpang ti nau brah gay djôt khân may luh bơh n'gor Êjipt, jêng luh bơh ngih dĭk bu, lơi sa ôh piăng let geh ndrui.

Nau Ngluh Êjipt 15:13

Ma nau May rŏng may têk ndrêng phung ƀon lan may hŏ chuai jêh; May hŏ njŭn khân păng ma nau brah May tât ma ntŭk kloh ueh May gŭ.

Nau Ngluh Êjipt 16:6

Pôri Y-Môis jêh ri Y-Arôn lah ma lĕ rngôch phung ƀon lan Israel: “Mhaơ aơ, khân may mra gĭt năl Brah Yêhôva hŏ njŭn leo khân may luh bơh n'gor Êjipt;

Nau Ngluh Êjipt 18:1

Y-Jêtrô, kôranh ƀư brah Madian jêh ri jêng po Y-Môis, tăng lĕ rngôch nau Brah Ndu hŏ ƀư an jêh ma Y-Môis jêh ri ma phung Israel Păng tâm ban đŏng Păng ngluh jêh phung Israel luh bơh n'gor Êjipt.

Nau Ngluh Êjipt 2:11

Du nar, lah Y-Môis hŏ toyh jêh, păng hăn luh padih, joi phung ƀon lan păng jêh ri saơ nau kan hŏt rgănh. Păng saơ đŏng du huê bunuyh Êjipt dong du huê bunuyh Hêbrơ jêng oh nâu păng.

Nau Ngluh Êjipt 3:17

Gâp ton ngăn Gâp mra ngluh khân may bơh nau rêh ni tâm n'gor Êjipt jêh ri djôt leo khân may lăp ta n'gor phung Kanaan, phung Hitit, phung Amôrit, phung Pêrisit, phung Hivit, jêh ri phung Jêbusit, jêng n'gor neh bêng ma dak toh jêh ri dak sŭt.’

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Nau Ngluh Êjipt 32:11

Y-Môis kuăl vơl ma Yêhôva Brah Ndu păng: “Ơ Brah Yêhôva, mâm ƀư Brah Ndu hao nau ji nuih đah phung ƀon lan May, jêng phung ƀon lan May hŏ dŏng nau brah dŭt toyh jêh ri ti nau dăng ngluh khân păng luh bơh n'gor Êjipt?

Nau Ngluh Êjipt 6:2

Brah Ndu lah tay ma Y-Môis: “Gâp jêng Brah Yêhôva.

Nau Ngluh Êjipt 6:29

Brah Yêhôva hŏ lah jêh ma Y-Môis: “Gâp jêng Brah Yêhôva. Nkoch hom ma Pharaôn, hađăch Êjipt lĕ rngôch nau Gâp hŏ ngơi ma may.”

Nau Ngluh Êjipt 6:8

Gâp mra djôt khân may lăp tâm n'gor Gâp hŏ ton jêh ăn ma Y-Abraham, Y-Isăk, Y-Yakôb, jêh ri ăn n'gor nây jêng drăp ndơn ma khân may: Gâp jêng Brah Yêhôva.’”

Nau Ngluh Êjipt 7:4

Pharaôn mâu mra iăt ôh nau khân may. Gâp mra yơr ti gay rmal n'gor Êjipt ma nau jâk jêr gay djôt leo phung tahan Gâp, jêng phung ƀon lan Israel, luh bơh n'gor nây.

Nau Ngluh Êjipt 7:5

Lah Gâp yơr ti tâm rdâng đah phung Êjipt gay djôt phung ƀon lan Israel luh bơh nây rĭ mơ phung Êjipt mra gĭt Gâp jêng Brah Yêhôva.”

Êsai 9:12

Ƀiălah phung ƀon lan mâu sĭt ôh ma nơm dong khân păng, Mâu lĕ khân păng joi Brah Yêhôva ma phung tahan.

Êsai 9:17

Yorlah nau ƀai sa tâm ban ma ŭnh, Păng sa rtau lok jêh ri pih pŭm, Păng sa lĕ tơm si ta krŏng mbâl, Ƀư ma ŭnh nhhŭk dŭk dŭk mpăr leo klơ.

Yêrêmi 21:5

Gâp nơm yơh, tâm nau duh nuih, ji nuih jêh ri nau ji nuih hâu ngăn ngên mra yơr mpang ti pơk huy jêh ri tur ti dăng ktang tâm lơh tâm rdâng dah khân may.

Yêrêmi 27:5

‘Gâp yơh jêng Nơm dŏng nau brah dŭt toyh jêh ri ling tur ti rhăk njêng rplay neh, kon bunuyh jêh ri mpô mpa ta neh ntu, jêh ri jao neh ntu nây ăn ma mbu tĭng nau mĭn Gâp.

Yêrêmi 32:21

May hŏ dŏng lĕ nau tâm mpơl nau mbên khlay ir ar, yơr mpang ti ktang jêh ri ling tur ti, ƀư nau krit toyh njŭn leo jêh phung ƀon lan May Israel du luh tă bơh n'gor bri Êjipt.

Êsêkiêl 20:33

Kôranh Brah Yêhôva lah: ‘Tĭng nâm Gâp gŭ rêh mro mrăng, Gâp mra sŏk ti ktang jêh ri yơr nting tur ti, nkhŭt nau ji nuih gay chiă uănh khân may!

Kôranh Oh Mon 13:17

Brah Ndu phung Israel săch jêh phung chô yau he, ƀư ăn phung ƀon lan aơ chăt jêng dôl gŭ njưh tâm n'gor Êjipt; Păng sŏk ti nau brah njŭn leo khân păng luh tă bơh n'gor nây.

Nau Vay Nkah Tay 11:2

Nar aơ, gâp mâu ngơi ôh ma phung kon khân may, jêng phung jê̆ ê hŏ mâp gĭt năl, ê hŏ saơ nau ntĭm nti bơh Yêhôva Brah Ndu, ƀiălah khân may nơm jêng lĕ phung hŏ gĭt năl jêh nau toyh, nau rnam, ti nau brah Păng lĕ pơk huy jêh,

Nau Vay Nkah Tay 15:15

Kah gĭt hom khân may lĕ tă ƀư dĭk jêh tâm n'gor Êjipt jêh ri Yêhôva Brah Ndu khân may tâm chuai jêh khân may. Yor nây nar aơ gâp ntĭnh ma khân may nau aơ.

Nau Vay Nkah Tay 26:8

Brah Yêhôva hŏ yơr dĭ ti nau brah, ƀư mpơl nau mbên jêh ri nau mbên mha dŭt toyh jêh ri krit ngăn, gay njŭn leo hên du luh bơh n'gor Êjipt,

Nau Vay Nkah Tay 4:23

Njrăng hom lơi ta chuêl nau tâm rnglăp Yêhôva Brah Ndu khân may hŏ ƀư jêh đah khân may. Lơi ƀư ma khân may nơm du rup trah moh ntil mpa Yêhôva Brah Ndu hŏ buay jêh ma khân may.

Nau Vay Nkah Tay 4:34

Mâu lah mâp geh lĕ du huê brah hăn săch ma păng nơm du mpôl băl bunuyh tă bơh nklang du mpôl băl êng ma lĕ nau tâm rlong, mpơl nau mbên jêh ri nau mbên mha, ma nau tâm lơh, ma ti nau dơi yơr huy, ma lĕ nau krit klach toyh, nâm bu lĕ rngôch nau Yêhôva Brah Ndu hŏ ƀư jêh ma khân may tâm n'gor Êjipt tanăp măt khân may?

Nau Vay Nkah Tay 5:15

Ăn kah gĭt hom may hŏ jêng jêh dĭk nă tâm n'gor Êjipt, jêh ri Yêhôva Brah Ndu may yơr ti bêng nau brah Păng djôt leo may du luh jêh bơh ntŭk nây. Yor ri, Yêhôva Brah Ndu may hŏ ntĭm nti jêh ma may ăn djôt prăp nar rlu.

Nau Vay Nkah Tay 6:12

njrăng hom klach lah may chuêl Brah Yêhôva jêng Nơm hŏ njŭn leo jêh may luh bơh n'gor Êjipt, jêng bơh vâl dĭk bu.

Nau Vay Nkah Tay 7:19

Măt khân may hŏ saơ jêh Yêhôva Brah Ndu hŏ dŏng lĕ nau rlong uănh toyh ngăn ngên, mpơl lĕ nau mbên khlay ngăn, yơr dĭ ti nau dơi gay djôt leo khân may luh bơh Êjipt. Yêhôva Brah Ndu khân may mra ƀư kơt nây đŏng đah lĕ rngôch phung ƀon lan khân may dôl klach.

Nau Vay Nkah Tay 7:8

Ƀiălah yorlah Brah Yêhôva rŏng ma khân may jêh ri gay djôt prăp nau ton Păng ton jêh ma phung chô yau khân may, Brah Yêhôva hŏ dŏng jêh ti nau dơi gay leo khân may du luh, chuai khân may bơh vâl dĭk bu jêh ri bơh ti Pharaôn, hađăch n'gor Êjipt.

Nau Vay Nkah Tay 9:29

Ƀiălah khân păng jêng phung ƀon lan May, jêng drăp ndơn dĭng May hŏ dŏng jêh nau rnam toyh jêh ri yơr ti dŭt dăng gay djôt leo khân păng luh bơh Êjipt.’”