Nau Ngluh Êjipt 6:5 - Nau Brah Ndu Ngơi 2023

⁵ Gâp hŏ tăng đŏng nau phung ƀon lan Israel nter yor phung Êjipt nhŭp khân păng ƀư dĭk jêh ri kah gĭt tay nau Gâp tâm rnglăp.

Nau Ngluh Êjipt 6:5 ပူးပေါင်းရင်းမြစ်များ

Nau Ntơm 8:1

Brah Ndu kah gĭt ma Y-Nôê nđâp ma lĕ rngôch mpa bri jêh ri mpô mpa rong gŭ ndrel ma păng tâm kumpăn, yor ri Păng ƀư ăn geh sial khôm klơ neh jêh ri dak hŭch.

Nau Ntơm 9:15

Gâp mra kah gĭt nau tâm rnglăp Gâp hŏ ƀư đah khân may, tâm ban đŏng đah lĕ rngôch mpa rêh, lĕ ntil mlay săk, dak mâu hôm ôh mra jêng dak lêng gay ƀư rai lĕ ntil nglay săk.

Nau Mprơ Ơm 105:8

Păng kah gĭt ƀaƀơ ma nau Păng tâm rnglăp, Nau Păng ton prăp rbăn rnôk mâu dơi chuêl ôh;

Nau Ngluh Êjipt 2:23

Jŏ jêh nây, hađăch Êjipt khĭt. Phung ƀon lan Israel vơh vơl, kuăl nter yor nau ƀư dĭk bu, nau khân păng lŭng nter tăng tât ma Brah Ndu.

Nau Ngluh Êjipt 2:24

Brah Ndu tăng nau khân păng lung nter jêh ri kah gĭt tay nau tâm rnglăp hŏ ƀư đah Y-Abraham, Y-Isăk, jêh ri Y-Yakôb.

Nau Ngluh Êjipt 3:7

Brah Yêhôva lah: “Gâp hŏ saơ nanê̆ ngăn nau rêh ni phung ƀon lan Gâp tâm n'gor Êjipt jêh ri gâp hŏ tăng jêh nau khân păng lŭng nter yor phung kôranh uănh kan khân păng. Di ngăn, Gâp gĭt jêh nau nđêh nji khân păng.

Nau Ngluh Êjipt 5:4

Hađăch Êjipt lah: “Ơ Y-Môis jêh ri Y-Arôn, mâm ƀư khân may nsŭk phung ƀon lan chalơi kan? Hăn hom ƀư nau kan khân may nơm!”

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Luka 1:54

Păng hŏ kơl jêh Israel, oh mon Păng, Jêh ri kah gĭt tay nau Păng yô̆ nđach.

Luka 1:72

Păng tâm mpơl nuih n'hâm yô̆ nđach ma chô yau he, Jêh ri kah gĭt tay nau tâm rnglăp kloh ueh Păng,