Nau Ngluh Êjipt 6:3 - Nau Brah Ndu Ngơi 2023

³ Gâp hŏ tâm mpơl jêh ma Y-Abraham, Y-Isăk, jêh ri ma Y-Yakôb nhhơ Gâp nơm jêng Brah Ndu Geh Lĕ Nau Brah; ƀiălah Gâp ê hŏ mpơl ôh ma khân păng gĭt tâm amoh Gâp jêng Brah Yêhôva.

Nau Ngluh Êjipt 6:3 ပူးပေါင်းရင်းမြစ်များ

Nau Ntơm 13:18

Y-Abram trơn ngih bok păng hăn gŭ dăch ndru tơm guyh ta Mamrê, êp Hêbron, jêh ri ndâk ta nây du mlâm nơng ƀư brah ma Brah Yêhôva.

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Nau Ntơm 22:14

Y-Abraham kuăl ntŭk nây jêng “Brah Yêhôva Sâm Ăn.” Yor nây, nar aơ bu hôm lah: “Klơ yôk Brah Yêhôva nau nây mra dơi sâm ăn.”

Nau Ntơm 28:3

Dăn Brah Ndu Geh Lĕ Nau Brah ăn nau ueh uĭn ma may, ƀư ăn noi deh kon bĭk rơ̆ dŭt âk jêh ri dơi jêng du phung ƀon lan âk.

Nau Ntơm 35:11

Brah Ndu lah tay ma păng: “Gâp jêng Brah Ndu Geh Lĕ Nau Brah; ăn deh hom kon jêh ri bĭk rơ̆ âk râk. Du phung ƀon lan jêh ri du phung ƀon lan toyh mra luh tă bơh may, jêh ri tă bơh noi deh may mra luh phung hađăch.

Nau Ntơm 48:3

Y-Yakôb lah ma Y-Yôsep: “Brah Ndu Geh Lĕ Nau Brah tâm mpơl jêh ri ăn nau ueh uĭn ma gâp ta Lus, tâm n'gor Kanaan.

Nau Mprơ Ơm 68:4

Mprơ hom ma Brah Ndu, mprơ tâm rnê hom ma amoh Păng! Nkra hom trong ăn Nơm ncho ta klơ phung ndâr tŭk, Amoh Păng jêng Brah Yêhôva; Răm maak hom tanăp măt Păng!

Nau Mprơ Ơm 83:18

Gay ma khân păng gĭt pô aơ jêng knŏng du huê May Nơm yơh, Amoh May jêng Brah Yêhôva, Jêng Nơm Dŭt Prêh chiă uănh tâm lam neh ntu.

Nau Ngluh Êjipt 15:3

Brah Yêhôva jêng du huê tahan; Amoh Păng jêng Brah Yêhôva.

Nau Ngluh Êjipt 23:21

Tanăp tông mpăr, ăn blau njrăng jêh ri tông bâr păng. Lơi ƀư ôh nau tâm rdâng đah păng, yorlah păng mâu mra yô̆ an ôh nau khân nơm tâm rdâng, yorlah amoh Gâp gŭ tâm păng.

Nau Ngluh Êjipt 3:14

Brah Ndu lah ma Y-Môis: “GÂP JÊNG NƠM GEH LOR JÊH RI N'HO RO.” Brah Ndu lah tay: “Lah hom ma phung ƀon lan Israel pô aơ: ‘NƠM GEH LOR hŏ njuăl gâp văch ma khân may.’”

Êsai 42:8

Gâp jêng Brah Yêhôva, pônây yơh jêng amoh Gâp. Gâp mâu mra ăn ôh nau chrêk rmah Gâp ma nơm êng, Mâu lĕ ăn nau tâm mprơ rnê Gâp ma lĕ rup brah trah!

Êsai 44:6

Brah Yêhôva jêng Hađăch jêh ri Nơm Tâm Chuai Israel, Jêng Brah Yêhôva ma phung tahan, lah: “Gâp jêng lor lơn jêh ri Nơm nglĕ dŭt; Rlau ma Gâp mâu hôm geh Brah Ndu êng ôh.

Yêrêmi 16:21

“Yor nây, Gâp mra ăn ma khân păng gĭt, Nanê̆, tơ̆ aơ Gâp mra nti ăn khân păng gĭt Nau ktang jêh ri nau brah Gâp. Jêh ri khân păng mra gĭt Amoh Gâp jêng Yêhôva.”

Yêrêmi 33:2

“Brah Yêhôva jêng Nơm njêng jêh kan aơ, Brah Yêhôva jêng Nơm rhăk njêng jêh ri ŭch ƀư nâp nau kan aơ, amoh Păng jêng Yêhôva, lah:

Êsêkiêl 20:5

May lah hom ma khân păng pô aơ: Kôranh Brah Yêhôva lah: ‘Tâm nar Gâp săch Israel, Gâp yơr ti ton ma kon sau ngih Yakôb jêh ri mpơl săk Gâp nơm ăn ma khân păng gĭt tâm n'gor bri Êjipt. Gâp lah ma khân păng pô aơ: Gâp jêng Yêhôva Brah Ndu khân may.’

Êsêkiêl 37:13

Hơi phung ƀon lan Gâp, khân may mra gĭt Gâp jêng Brah Yêhôva, tơlah Gâp lĕ pơk môch blang khân may jêh ri djôt khân may hao luh tă bơh môch blang.

Êsêkiêl 37:6

Gâp mra dơm rse suan tâm khân may, mra ăn mlay puăch hon ta klơ khân may jêh ri nkŭm khân may ma ntâu. Gâp mra ăn n'hâm nsôr tâm khân may jêh ri khân may mra rêh; jêh nây khân may gĭt Gâp jêng Brah Yêhôva.’”

Yôhan 8:58

Brah Yêsu plơ̆ lah: “Nanê̆ ngăn, Gâp lah ngăn ma khân may, êlor geh Y-Abraham, Gâp hŏ geh jêh.”

Nau Tâm Mpơl 1:4

Y-Yôhan nchih samƀŭt njuăl ma phung pơh Phung Ngih Brah Ndu tâm n'gor Asi: Dăn ăn ma khân may dơn nau yô̆ jêh ri nau đăp mpăn tă bơh NƠM AɃAƠ AƠ, HŎ GEH JÊH RI DÔL VĂCH, tă bơh pơh Huêng gŭ panăp sưng hađăch Păng,

Bu ur Rut 1:20

Păng plơ̆ lah ma khân păng: “Lơi kuăl gâp jêng H'Naômi ôh Kuăl hom gâp jêng H'Mara, Yorlah Nơm Geh Lĕ Nau Brah ƀư jêh ăn gâp geh âk nau rngot.