Nau Ngluh Êjipt 6:20 - Nau Brah Ndu Ngơi 2023

²⁰ Y-Amram nđăp H'Jôkêbet, oh bu ur mbơ̆ păng nơm; jêh ri păng deh ăn ma sai păng bar hê kon jêng Y-Arôn jêh ri Y-Môis. Y-Amram dơi rêh du rhiăng pe jât mpơh năm.

Nau Ngluh Êjipt 6:20 ပူးပေါင်းရင်းမြစ်များ

I Nau Rêh Jêng 23:13

Phung kon Y-Amram jêng Y-Arôn jêh ri Y-Môis; Y-Arôn jêh ri noi deh păng bu rnglah êng gay prăp ma kan nhhơr lĕ ndơ dŭt kloh ueh, jêh ri n'ho ro gŭch ndơ ƀâu kah, pah kan tanăp măt Brah Yêhôva, jêh ri sŏk amoh Păng gay ăn nau ueh uĭn ma phung ƀon lan kŏ tât ƀaƀơ n'ho ro.

Nau Ngluh Êjipt 6:16

Aơ jêng amoh săk phung kon bu klâu Y-Lêvi, tĭng nâm băl mpôl khân păng, jêng: Y-Gersôn, Y-Kôhat jêh ri Y-Mêrari. Y-Lêvi dơi rêh du rhiăng pe jât mpơh năm.

Nau Ngluh Êjipt 6:18

Lĕ phung kon bu klâu Y-Kôhat jêng: Y-Amram, Y-Ishar, Y-Hêbron, jêh ri Y-Usiêl. Y-Kôhat dơi rêh du rhiăng pe jât mpe năm.

Nau Kơp Bunuyh 26:58

Aơ ăt jêng phung ndŭl mpôl Lêvi: Ndŭl mpôl Lipni, ndŭl mpôl Hêbron, ndŭl mpôl Mahli, ndŭl mpôl Musi, ndŭl mpôl Kôra. Y-Kôhat deh luh Y-Amram.

Nau Kơp Bunuyh 26:59

Amoh ur Y-Amram jêng H'Jôkêbet, kon bu ur Y-Lêvi, deh tâm n'gor Êjipt; păng deh ăn ma Y-Amram: Y-Arôn, Y-Môis jêh ri H'Miriam ruh ma khân păng.

Nau Kơp Bunuyh 3:1

Aơ jêng amoh săk phung ndŭl mpôl Y-Arôn jêh ri Y-Môis nchih tay tâm nôk Brah Yêhôva ngơi ma Y-Môis ta klơ yôk Sinai.

Yôsuê 21:4

Lĕ ndŭl mpôl nchroh n'hôr dơi geh kô̆ ma khân păng nơm: Phung kon sau kôranh ƀư brah Y-Arôn tâm noi deh Lêvi nchroh n'hôr dơi geh jât ma pe rplay ƀon bơh ndŭl mpôl Yuđa, ndŭl mpôl Simêôn, jêh ri ndŭl mpôl Benjamin.